Read lugbara Kalafe 7 Bible Online

Kalafe 7 - lugbara bible

Kalafe 7

¹Eri nga eca ’dini o’du Musani bere asozu dezu ’borisi, ruani efizu odusi eri ’bazu alatararu, afazuni ’diyi pie dria ’borisi, ka de pari edeta edezuri pi ma rua efizu yi ’bazu alatararu, afazuni pie dria ’bo,

²opi Israelini, ’ba yi ma a’bipi ma suruti drilia ’diyi nga afa fe; yi ’ba suru ma drilia, ’ba ndra yini kalafe lale ’diyi ma drilia ’diyi;

³yi nga afa feza yini edetaru ’diyi eji Yehova ma drilia, magali drini a’bule ci azia ’diyi pi, monio mudri drini iri be, magali alu opi iri vusi, monio alu alu opi alu alu vusi; yi nga yi fe bere ma drilia.

⁴Yehova nga ’yo Musa ma tia kini,

⁵Mi ma a’i afa ’diyi yi ma driasi, yi ma ovu hema ti ecizaniri ma azi ’yezu ani, mi ma fe ’ba Levini ’diyi dri, ’ba alu alu dri azi erini vusi.

⁶Musa nga di magali piyi a’i monio ’diyi be ra, nga yi fe ’ba Levini dri.

⁷Eri nga magali fe iri monio su be Gerisoni anzipi dri azi yini vusi;

⁸nga vini magali fe su monio aro be Merari anzipi dri azi yini vusi, geri kuhani Aroni mvi Itamari ma driarisi.

⁹Te feni afa Kohati anzipi dri aluni ku, azi pari alatararunirini ovule yinirisi, yini afa nde ojile yi ma ombetisirisi,

¹⁰’Ba opiru fe vini afa feza pari edeta edezuri fezu Mungu driri ma e’yosi o’du yini odu efizu eri ma ruaarisi adani ’ba opiru nde ’diyi fe afa feza yini edetaru pari edeta edezuri ma drilia.

¹¹Yehova nga ’yo Musa ma tia, Opi alu alu ma fe afa feza ini edetaru o’du ini vusi pari edeta edezuri ’bazu alatararuri ma e’yosi.

¹²’Ba afa feza ini fepi o’du okorisiri Nasoni Aminadabu mvi suru Yudaniri’i;

¹³afa feza erini feleri ’di: awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

¹⁴kabile meleru alu nzipi sekeli mudri gapi obiesesi treri pie;

¹⁵monio aludururi pi, kabiloago pie, kabiloago eli be aluri pie, ovuzu edeta vezaniriru;

¹⁶ndriago alu edeta e’yo onzi edezuriru;

¹⁷fe vini edeta asi anzuruni ’diyiru, tiago iri, kabiloago towi, kabiloago eli be alu alu ’diyi towi. ’Di afa feza edetaru Nasoni Aminadabu mvini feleri’i.

¹⁸O’du iririsi Netaneli Zuari mvi opi Isakarini nga afa feza ini feni;

¹⁹afa feza erini fele edetaru ’diyi yi ’di: awala dahaburu nzipi sekeli turu alu drini kali nari pi, saani nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

²⁰kabile meleru alu nzipi sekeli mudri gapi obiesesi treri pie;

²¹monio aludururi pi, kabiloago pie, kabiloago eli be aluri pie ovuzu edeta vezaruriru;

²²ndriago alu edeta e’yo onzi edezuriru;

²³fe vini edeta asi anzuruni ’diyiru tiago iri ’diyi pi, kabiloago towi, ndriago towi, kabiloago eli be alu alu ’diyi towi. ’Di afa feza edetaru Netaneli Zuari mvini feleri’i.

²⁴O’du narisi eri Eliabu Heloni mvi opi Zebuluni anzipi ma driliari’i:

²⁵afa feza erini fele edetaruri eri awala dahaburu nzipi sekeli turu alu drini kali nari pi, saani nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

²⁶kabile meleru alu nzipi sekeli mudri gapi obiesesi treri pie;

²⁷monio aludururi pi, kabiloago pie, kabiloago eli be aluri pie, ovuzu edeta vezaruriru;

²⁸ndriago alu edeta e’yo onzi edezuriru;

²⁹fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Eliabu Heloni mvini feleri’i.

³⁰O’du surisi eri Elizuri Sedeuri mvi opi Rubeni anzipi ma driliari’i:

³¹afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

³²kabile meleru alu nzipi sekeli mudri gapi obiesesi treri pie;

³³monio aludururi pi, kabiloago pie, kabiloago eli be aluri pie ovuzu edeta vezaruriru;

³⁴ndriago alu edeta e’yo onzi edezuriru;

³⁵fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di ’afa feza edetaru Elizuri Sedeuri mvini feleri’i.

³⁶O’du towirisi eri Selumieli Zurisadai mvi opi Simeoni anzipi ma driliari’i:

³⁷afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vusi; afa feza ’diyi iritro ga tre anyafura inikiniru osale odusirisi ovuzu edeta edele anyafurasiriru;

³⁸kabile meleru alu nzipi sekeli mudri gapi obiesesi treri pie;

³⁹monio aludururi pi, kabiloago pie, kabiloago eli be aluri pie, ovuzu edeta vezaruriru;

⁴⁰ndriago alu edeta e’yo onzi edezuriru;

⁴¹fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Selumieli Zurisadai mvini feleri’i.

⁴²O’du aziarisi eri Eliasafu Deueli mvi opi Gadi anzipi ma driliari’i:

⁴³afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

⁴⁴kabile meleru alu nzipi sekeli mudri gapi obiesesi treri pie;

⁴⁵monio aludururi pi, kabiloago pie, kabiloago eli be aluri pie, ovuzu edeta vezaruriru;

⁴⁶ndriago alu edeta e’yo onzi edezuriru;

⁴⁷fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Eliasafu Deueli mvini feleri’i.

⁴⁸O’du aziririsi eri Elisama Amihudi mvi opi Efiraimu anzipi ma driliari’i:

⁴⁹afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

⁵⁰kabile meleru alu nzipi sekeli mudri gapi obiesesi treri pie;

⁵¹monio aludururi pi, kabiloago pie, kabiloago eli be aluri pie ovuzu edeta vezaruriru;

⁵²ndriago alu edeta e’yo onzi edezuriru;

⁵³fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Elisama Amihudi mvini feleri’i.

⁵⁴O’du arosi eri Gamalieli Padazuri mvi opi Manase anzipi ma driliari’i:

⁵⁵afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

⁵⁶kabile meleru alu nzipi sekeli mudri gapi obiesesi treri pie;

⁵⁷monio aludururi pi, kabiloago pie, kabiloago eli be aluri pie, ovuzu edeta vezaruriru;

⁵⁸ndriago alu edeta e’yo onzi edezuriru;

⁵⁹fe vini edera asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Gamalieli Pedazuri mvini feleri’i.

⁶⁰O’du oromirisi eri Abidani Gideoni mvi opi Benyamini anzipi ma driliari’i:

⁶¹afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alataruri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

⁶²kabile meleru alu nzipi sekeli mudri gapi obiesesi treri pie;

⁶³monio aludururi pi, kabiloago pie, kabiloago eli be aluri pie, ovuzu edeta vezaruriru;

⁶⁴ndriago alu edeta e’yo onzi edezuriru;

⁶⁵fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Abidani Gideoni mvini feleri’i.

⁶⁶O’du mudririsi eri Ahiezeri Amisadai mvi opi Dani anzipi ma driliari’i:

⁶⁷afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

⁶⁸kabile meleru alu nzipi sekeli mudri gapi obiesesi treri pie;

⁶⁹monio aludururi pi, kabiloago pie, kabiloago eli be aluri pie, ovuzu edeta vezaruriru;

⁷⁰ndriago alu edeta e’yo onzi edezuriru;

⁷¹fe vini edeta asi anzuruni ’diyiru, tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Ahiezeri Amisadai mvini feleri’i.

⁷²O’du mudri drini alurisi eri Pagieli Okirani mvi opi Aseri anzipi ma driliari’i:

⁷³afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

⁷⁴kabile meleru alu nzipi sekeli mudri gapi obiesesi treri pie;

⁷⁵monio aludururi pi, kabiloago pie, kabiloago eli be alori pie, ovuzu edeta vezaruriru;

⁷⁶ndriago alu edeta e’yo onzi edezuriru;

⁷⁷fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Pagieli Okirani mvini feleri’i.

⁷⁸O’du mudri drini iririsi eri Ahira Enani mvi opi Nafutali anzipi ma driliari’i:

⁷⁹afa feza erini fele edetaruri eri awala dahaburu nzipi sekeli turu alu drini kali nari pi; saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi, ovuzu edeta edele anyafurasiriru;

⁸⁰kabile meleru alu nzipi sekeli mudri gapi obiesesi treri pie;

⁸¹monio aludururi pi, kabiloago pie, kabiloago eli be aluri pie, ovuzu edeta vezaruriru;

⁸²ndriago alu edeta e’yo onzi edezuriru;

⁸³fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi, ’Di afa feza edetaru Ahira Enani mvini feleri’i.

⁸⁴Afa feza opi Israelini ’diyini fele pari edeta edezuri fezu Mungu driri ma e’yosi, o’du yini odu efizu eri ma ruaarisi ’diyi yi ’di: awala dahaburu mudri drini iri, saani dahaburu mudri drini iri, kabile meleru mudri drini iri;

⁸⁵awala dahaburu alu alu ma nziza sekeli turu alu drini kali na, saani alu alu ma nziza sekeli kali aziri, dahabu afazu ’diyini dria eci i sekeli alifu iri drini turu su, sekeli pari alatararuri vileri vusi;

⁸⁶kabile meleru mudri drini iri gapi obiesesi tre ’diyi nzi yini sekeli mudri mudri, sekeli pari alatararuri vileri vusi, mele kabile ’diyini dria eci i sekeli turu alu drini kali iri;

⁸⁷tiago edeta vezaruni ’diyi dria yi tiago aluduru mudri drini iri, kabiloago mudri drini iri, kabiloago eli be alu alu ’diyi mudri drini iri, edeta yini anyafurasi ’diyi be; ndriago edeta e’yo onzi edezuriru ’diyi mudri drini iri;

⁸⁸tiago edeta asi anzuruni ’diyini dria yi tiago kali iri drini su, kabiloago kali azia, ndriago kali azia, kabiloago eli be alu alu ’diyi kali azia. ’Diyi afa feza fele pari edeta edezuri fezu Mungu driri ma e’yosi, o’du yini odu efizu eri ma ruaarisi ’diyi.

⁸⁹Musa ka fi hema ti ecizaniria e’yo ’yozu eri be, eri nga o’duko e’yo ’yopi eri tiari eri, engazu kiti yikini ovupi sanduku e’yo eti nzezaniri ma driari ma drilia, kerubi iri ’diyi ma eselia; eri nga e’yo ’yo eri tia.