Read lugbara Mika 5 Bible Online

Mika 5 - lugbara bible

Mika 5

¹Curu’do mi nga mi oku tualu nguluru, mi ongulumu zi la! eri ace ama kuru ombasi ’bo; yi nga ’ba ’ba Israeli ma e’yo lipiri co o’boloa kalisi.

²Te mi, Betelehemu Efirata, mi ca gaa ovuzu ’ba alifu Yudani ’diyi ma eselia, te ti, mi aliasi ’ba aluni nga efu ma vu ovuzu ’ba ’ba dri cepiriru Israeli ma alia, efuzani ndra drio engazu gbudriowu ’dani ’dani.

³E’yo ’disi eri nga yi fe ra de nga oku mvaazoni e’duleri osini ku; te o’du ’dasi adripi erini ma joloko nga dri da anzi Israelini vu.

⁴Te eri nga pa so ra, eri nga nyaka fe kabilo o’biru erini dri okpo Yehovanisi, inzita opiniru ru Yehova Mungu erinirinisi indio Yi nga adri, a’disiku eri nga di ovu amboru kpere nyaku ma kalatini asizuria.

⁵Agu ’diri nga ovu asi anzu amaniru, ’ba Asuriaari ka nga emu angu amania, ka nga opi amani ma jo otu ra, o’du ’dasi ama nga di ’ba kabilo ocepi ’diyi aziri fe enga eri ma dri aruzu, ’ba ’ba drileru aro ’diyi be.

⁶Yi nga angu Asuriani eza seisi ra, azini yi nga angu Nimirodini eza indi pari ’bani fizu titileru ’diyi ma alia; te eri nga ama opa ’ba Asuriaa ’diyi dri yi ka nga emu angu amania, ka nga aci ama kalatisi ’boria.

⁷’Dini ’ba joloko acepi Yakoboni ’diyi nga awi suru kakau ma eselia agadua, ekile andreli engapi Yehova vurile, ekile ozoo oyipi ase driarile; andreli nde teni ’ba ku, icini dri ’ba ma ori tezu ku indi.

⁸Azini ’ba joloko acepi Yakoboni ’diyi nga ovu suru ambo ambo ma eselia, suru kakau ma eselia agadua, ekile kami ovupi anyapa oce talaa’diyi ma eseliarile, ekile kamimva ovupi kabilo o’biru ma eseliarile, eri’i ka aga yi eselesi, eri nga yi otu, nga yi osi kpelekpele ra, te ’ba ecopi yi papini yo.

⁹Mi nga mi dri enga uru ari’ba mini ma dria, azini mi nga fe ari’ba mini ma ja dri dria ra.

¹⁰Eri nga eca ’dini o’du ’dasi, Yehova ’yo ra, ma nga akanya emini dri ja emi eseliasi ra, ma nga gari emini ombani ’diyi eza ra

¹¹ma nga aku ambo ambo angu eminia ’diyi eza ra, ma nga jo emini okporu ’diyi ogu dria va;

¹²te ma nga fe ole ’ba rozuri ma asi emi vu ra, azini emi ngani ovu ’ba acife ndripi ’diyi be dika ku;

¹³te ma nga wura emini inzile inzi ’diyi pi onyo emi eselia oni ’dioru emini ’diyi be; emi ngani afa emini edele emi drisi’diyi inzi dika ku;

¹⁴ma nga wura emini Aseriru ’diyi ma eti onze emi eseliarisi ra, ma nga vini aku ambo ambo emini ’diyi eza ra,

¹⁵Azini ma nga arioti mani ofe adra pisi aoko aciru be suru e’yo eripi ku ’diyi ma dria.