Read lugbara Nahumi 2 Bible Online

Nahumi 2 - lugbara bible

Nahumi 2

¹’Ba a’bepi onyopi nyingirikiri tu uru mi ’yezu. Mi mba pari okporu ombaniri ma ta; mi te geri luzu ’dani; mi anzu mi opile kirikiri; azini mi imba mi okporu.

²(Te Yehova omvi onyi Yakoboni dika ekile onyi Israelinirile; a’disiku ’ba afa ezapi ’diyi eca ra, yi opi pati arakala yini, eza yi teketeke ’bo.)

³Gombere ’ba erini okporu ’diyiniri oja i ekaru, ’ba okporu ombani ’diyi su afa ekandrindriru yi ruaa. Gari ombani yi di aya dipi etusirile yini omba ma e’yo ederia; yi ajupati ya.

⁴Gari ombani yi onzu atriru geria, yi ongu ari ’dile ra, ’dole ra, gboko amboru ma alia; yi e’da ekile aci ’izaru ’diyile, yi nzu mbele ekile ovini galerile.

⁵Eri ’ba ’wara erini inzizaru ’diyi ma e’yo ega ra; yi mu para pararu yini aciria; yi mu mbele cazu abi vu, ede pari yini yi zizuri ngonde ’bo.

⁶Kalitile yi arani ’diyi zi yi mgboru, jo opiniri aka ra.

⁷Otru Huzabuni pililiru, yi ’du eri ji’dale; ezoanzi ati’baru erini ’diyi owu erisi awu be ekile o’duko a’balaunirile, yini yi ma agati ’diria.

⁸Te engazu drio Nineve ovu ekile yi a’dile; te ti yi apa ra. Yi oyu uru kini, Emi so pa ci Emi so pa ci te ’ba aluni luni angu vile ku.

⁹Emi opa dahabu, emi opa mele indi! A’disiku afa yini ta mbale ’diyi ovu asikokoru, afa yini aje be amboru ’diyi ma lonyi ovu tu.

¹⁰Te eri ovu pirini, azini tokoru, azini andruru! Yi ma asi ca ra, yi ma kumuti dria ya ya, yi ma opileti dria su su, yi ma andreti oja yi dria forotoru!

¹¹Kami ma gule ngoa ya, pari kamianzini nyaka nyazuri, kamiago pini acizu alenia uri kokoru kamiaroni be, anzi pieri’i?

¹²Kami osi za fudri anzi ini dri, eri ti za kamiaroru ini ’diyi dri indi; eri fe oji ini ga tre afa erini obile ’diyisi, eri fe gule ini ’diyi ga tre anyapa zasi indi.

¹³Mi mire, ma ari’bo mini, Yehova Opi asikari ongulumuruniri ’yoni, ma nga gari ombani erini ’diyi eve acisi acika alia, te seini nga kamianzi mini dri ja mbelekocici; ma nga afa mini obile ’diyi nze nyakua ra, o’duko ojiou mini ’diyini ’ba ngani eri dika ku indio