Read lugbara Zekaria 9 Bible Online

Zekaria 9 - lugbara bible

Zekaria 9

¹ E’yo eceza Yehovani angu Hadrakini ma driari, te pari erini rizuri nga ovu Damasikia. E’yo lile suru ageinia ’diyi ma driari E’yo eceza Yehovani angu Hadrakini ma driari, te pari erini rizuri nga ovu Damasikia. ’Ba ma mile pi suru dria Israelini ma mile be yini ovule Yehova vulerurisi;

²Hamati ovupi kalaniari pi, Turo pie, Sidoni pie, a’disiku erini ovule ondua be turisi.

³Turo si ndra i ngulupini pari okporu, oku dahabu kile irifurale, azini mele onyiru kile nyaku oritaru gbokoarile,

⁴Te mi lu, Opini nga afa erini opa ra, eri nga okpo erini co miri ma E alia; acini nga eri ve dria ra.

⁵Asikelonini nga eri ndre, eri nga ovu urisi ani; Gazani indi, yi ruaani nga su sonzi tu; Ekironi pie, te asi ’baza eriniri nga eca drinzaru. Opini nga dri ja engazu Gazaa ’ba ngani ovu Asikelonia ku;

⁶alimvani nga ri opiru Asidodiani; te ma nga ’ba Filisitiaa ’diyi ma afu dri ja ra. Azini ma nga ari erini enze eri

⁷ma tiarisi ra, ma nga e’yo ngule onzi ’diyi enze eri ma si eseleasi; eri’i indi nga ovu ’ba joloko acepiriru Mungu amani dri; eri nga ovu opiru Yudaa, Za azini Ekironini nga ovu ’ba. Yebusinirile.

⁸Ma nga hema mani aso jo mani, ma ageia, asikari angu tepi ’diyile, ’dini ’ba aluni ma aga kani Le emvi ’dasi ku; azini ’ba ’ba inzapiri ngani aga yi ma eselesi aluni ku, te curu’do ma ndre eri ma milesi ’bo.

⁹ovu ayikosi ambo, mi Zioni zi la! Mi oyu uru fo, Yerusalemu zi la! Mi lu, opi mini emu mi vu; Isa eri ovu kililiru azini pata be, eri asi e’yere be, eri nzu akanya dria, ada akanyamva kariaruri ma dria.

¹⁰Ma nga gari ombani ma dri ja Efiraimu ma aliarisi azini akanya Yerusalemuasi indi; osu ombani nga dri ja ra, azini eri nga e’yo asi anzuruni ’yo suru ’diyi ma tia; opi nyaza erini nga e’do miria cazu miri aziniria, engazu Yi Ara vu cazu nyaku ma tini asiria.

¹¹Te misi indi, e’yo aziza mini ma arisi, ma ofu ’ba aruru mini ’diyi ’bile yi kokoru ma aliasi ’bo.

¹²Emi oja emi jo okporuri vuleru, emi ’ba aruru egata asi tezaniri be ’diyi; te o’du andru ’dosi ma olu e’yo emi tia kini ma nga emi ofe paleko iri.

¹³Mani Yudani nzole osu manile ’borisi; mani Efiraimuni ’bale isuba sia ’yele ’borisi. Ma nga anzi mini, Zioni la, enga anzi mini ma ruaa, mi angu Girikini la, ma nga mi ’ba ovuzu ’ba okporu ma seile.

¹⁴’Ba yi nga Yehovani ndre yi ma dria, ’ye erini nga efu ovile; Opi Yehovani nga guka vu ra, eri nga mu oliriko piriliaru angu uruleruria ’diyi be.

¹⁵Yehova asikari ongulumuruniri nga yi ma agei teni, yi nga nya ra, yi nga oni ’bani yale bakasi ’diyi otu pasi va; yi nga mvu ra otrezu kile patiefi susirile; yi nga ga tre okelele, azini kile pari edeta edezuri ma kalarile.

¹⁶Te Yehova Mungu yini nga yi opa o’du ’dasi kile suru erini ma ’ba o’biru ’diyile; yini ngale ovule oni ndrizaru oku opiniri ma ruaa ovupi engazaru uru aga angu erini ma driarilerisi.

¹⁷Te onyi erini ovu amboru ’doni ya! rua ndriza erini ndri tu ’doni ya! Anyani nga karile ma rua ’ba alaru, azini patiefi su o’diru nga ezoanzi ma rua ’ba alaru indi.