Read lugbara Malaki 4 Bible Online

Malaki 4 - lugbara bible

Malaki 4

¹Te mi lu, o’du nde emu emu, eri ve ekile oka aya dizurile, ’ba afuru ’diyi pi dria nga ovu ase amururile, ’ba azi onzi ’yepi ’diyi be dria; o’du nde emupiri nga yi ve kieikiei, Yehova asikari ongulumuruniri ’yoni, ’dini eri ngani ola ku yi dri ku, kani arakalani aluni ku ’indi.

²Te emi ru mani rupi ’diyi dri, etu onyiniri nga efu, atiza be eri ma opilia. Emi nga fu amve avizu ekile kojana koloteni avile licoasirile.

³Azini emi nga ’ba azi onzi ’yepi ’diyi otu pasi, yini ngale ovule ofutale emi pa agelearisi, o’du mani ngale e’yo ’yezurisi, Yehova asikari ongulumuruniri ’yoni.

⁴Emi ma ega azita Musa ati’bo manirini, mani azile tinia Horebua ’ba Israelini dria ’diyi driri, adaru azita piyi e’yo liza pie indio;

⁵Emi ndre, ma nga nabi Eliya ma ti pe emi vu de nga o’du amboru uriuriru Yehovaniri ecani nga ku.

⁶Azini eri nga asi atapini oja anzi vu, azini asi anzini oja atapi vu, ma kazu emuzu angu dri jazu otrinasi ku.