Read lugbara Matayo 16 Bible Online

Matayo 16 - lugbara bible

Matayo 16

¹ ’Ba Farisaini piyi nga eca ’ba Sadukayoni be eri o’bizu, nga zi eri tia eri ma ece eceta engapi ’buari yi dri.

²Te eri nga e’yo omvi, ’yo yi tia kini, Ka eca ondresi, emi adri ’yo, Anguni nga ovu onyiru, ’buni ovule ekarurisi.

³Te o’bitisi, Andru angu mile onzi, ’buni ovule ekaru azini iritini ovule inirurisi. Emi ni ’bu ma mile amazu ra ’bo, te eceta ewuniri emi econi amazu ku.

⁴A’bianzi onzi ali o’bapi ’diyi yi eceta nda, te yi ngani eceta fe yi dri ku, pe lu eceta Yonani. Eri nga yi ku ra, mu ra.

⁵’Ba erini imbale ’diyi nga ca ’aa’dasi, te yi ma dri avi mikate jizu ra.

⁶Te Yesu nga ’yo yi tia, Emi ndre emi te emi agei akufi ’ba Farisaini pini ma e’yosi ’ba Sadukayoni be.

⁷Yingae’yo ega yi eselia, ’yo kini, Ama ejini mikate ku.

⁸Yesu ka ni ra eri nga ’yo ra, Emi a’ita be were ’diyi la, emi e’yo ega emi eselia emini ovule mikate kokorurisi a’disi ya?

⁹Emi vani nga kiri ku, emi egani mikate towi ’ba alifu towi driri ku ya? Emi o’du ndra evu si ya?

¹⁰Kani mikate aziri ’ba alifu su driri, emi o’du abaka si ya?

¹¹Emi vani ku kini ma ’yoni e’yo mikateni emi tia ku ngoni ya? Te emi te emi agei akufi ’ba Farisaini pini ma e’yosi ’bai Sadukayoni be.

¹²Yi nga di va ani kini eri ’yoni e’yo agei tezu akufi mikateni ma e’yosi ku, te yi agei tezu imbata ’ba Farisaini pini ma e’yosi ’ba Sadukayoni be.

¹³Yesu ka eca angu Kaisari Filipiniria, eri nga ’ba erini imbale ’diyi zi kini, ’Ba kini Mvi ’bani eri a’edi’i ya?

¹⁴Yi nga ’yo ra, ’Ba azini kini Yohana baputizi fepiri’i, ’ba azini kini Eliya’i, azini kini Yeremia’i kani ’ba nabiru ’diyi ma azi.

¹⁵Eri nga ’yo yi tia, Te emi’i, emi kini ma a’di’i ya?

¹⁶Simoni Petero nga e’yo omvi, ’yo ra, Mi Kristo Mungu idriruri ma Mvi’i.

¹⁷Yesu nga e’yo omvi ’yo eri tia, Mi ovu drilebaru, Simoni Yona mvi, Te rua pi ari be eceni e’yo ’diri mi drini ku, te ma Ati ovupi ’buari

¹⁸Te ma ’yo mi tia, mi Petero’i, ma nga kanisa mani si kata ’dori ma dria, azini Pari ’ba drazaniri ma kalitile ngani eco eri ndezaru ku.

¹⁹Ma nga kifungula suru ’buarini ’diyi fe mi dri, afa dria mini ombele nyakuari nga ovu ombezaru ’bua, azini afa dria mini trule nyakuari nga ovu truzaru ’bua indi

²⁰Vutinia eri nga eli ’ba erini imbale ’diyi imba ci yi ma ’yo ’ba aluni ma tia kini eri Kristo’i ku.

²¹ Engazu etu ’dasi Yesu ’ba e’yo ece ’ba erini imbale ’diyi ma tia kini i ma mu Yerusalemua candi isuzu ’ba ’wara piyi dri ’ba kuhani amboru pie, ’ba waraga sipi ’diyi be, kini i nga ovu fuzaru, te o’du nasi i nga enga ra.

²²Petero nga eri bi, nga ’ba ega eri dria ’yozu kini, ’Dini yo fo, Opi la! E’yo ’diri ma ’ye i mi ruaa aluni ku.

²³Te eri oja i, nga ’yo Petero tia, Mi da mi vile ma ngukua, Satani! Mi ma dri kumuru, mini e’yo Munguni egale ku te e’yo ’bani egale’irisi.

²⁴Yesu nga di ’yo ’ba erini imbale ’diyi ma tia, ’Ba azini ka le mu ma vutia, eri ma ga i ma ngulupi si, ma ’du pati alaza ini, ma bi ma vuti.

²⁵’Ba ka le idri ini pa ra eri nga idri nde avi ra, te ’ba ka idri ini avi e’yo manisi eri nga eri isu ra.

²⁶Te agu ka angu wudrikuru nya dria, eri nga orodri ngoni isu idri erini ka avi ra ya? Agu nga afa ngoni ofe idri ini ma paria’i ya?

²⁷Te Mvi ’bani nga emu diza Ata erinini be, malaika erini pie; etu ’dasi eri nga di afa ofe ’ba dria alu ’lalu dri, azi yini ngaleri vusi.

²⁸Ma ’yo emi tia ndi, ’ba pa sopi ’doa ’diyi ma azini indi, yi ngani dra ma ali o’bi ku, de nga yi ndreni Mvi ’banini emuria suru ini ma alia ku.