Read lugbara Matayo 18 Bible Online

Matayo 18 - lugbara bible

Matayo 18

¹ Etu ’dasi ’ba erini imbale ’diyi nga eca Yesu nga ’yo ra, A’dini nga ovu amboru suru ’buarima aliani ya?

²Eri nga mva were omve i vu, nga eri ’ba pa sozu yi ma,eselia,

³eri nga ’yo ra, Ma ’yo emi,ria ndi, emi ka emi oja ovuzu anzi nyiri nyirile ku, emi ngani fi suru ’buaria aluni ku.

⁴E’yo ’disi ’ba,azini ka i oja afu kokoru ekile mva were’dirile, ’ba nderi eri ’ba amboru suru ’buari ma alia.

⁵Te ’ba azini ka mva were ’dinileru alu a’i ma rusi, eri a’i ma’i;

⁶’ba azini ka anzi nyiri ma a’ipi ’diyi ma azi alu fe aba ra, onyiru yi ma ombe oni amboru anya ’izuri eri ombelea, ma ’be eri yi aliru miriniri ma alia.

⁷Candi nyaku dri e’yo ’bani abazu ’diyisi! E’yo ’bani abazu ani ’diyi ma emu ecekokoru, te candi ’ba nde e’yo ’bani ani abazuri ejipiri dri!

⁸Mi dri, kani mi pa, ka fe mi aba, mi li eri va, mi ’be mi ageiarisi ziri; eri onyiru mi dri fizu idria dri utrulu be, kani pa duluru beri, aga yini mi ’bezu aci inyukokoru ma alia dri iri be, kani pa iri beri ra.

⁹Mi mile ka fe mi aba, mi nze eri, mi ’be eri mi ageiansi ziri; eri onyiru mi dri fizu idria mile alu beri aga yini mi ’bezu Jehanuma aciniria mile ir beri ra.

¹⁰Emi ma ovu mile be emi ma ede anzi nyiri ’diyi ma azi aluni ku; te ma ’yo emi tia kini malaika yini ’bua ’diyi yi Ata mani ovupi ’buari ma mile ndre etu dria.

¹¹Te Mvi ’bani emu afa avipiri pazu ra.

¹²Emi osu ngoni ya? Agu alu ka ovu kabilo be turu, yi ma eselia alu ka avi eri dri ra, eri ngani kali oromi drini oromi ’diyi ku oni dria, muzu te avipiri ndruzu ku ya?

¹³Eri ka ’eri isu ra, ma ’yo emi tia ndi, eri ovu ayiko be erisi aga kali oromi drini oromi avipi ku ’diyisiri ra.

¹⁴’Dinile Ati emini ovupi ’buari leni anzi nyiri ’diyi ma azi aluni ma ja dri yi eselia ku.

¹⁵Mi adripi ka mi eza ra, mi mu eri imba emi irisi; a’dule. Eri ka mi ti eri ra, ’mi isu mi adripi ’ba miniru ’bo

¹⁶Te eri ka eri ku, mi ji ’ba, alu, kani ’ba iri mi be indi, ’dini e’yo dria ma so pa ’ba e’yo eti nzepi ’ba iri kani na ’diyi ma tisi ani.

¹⁷Eri ka e’yo yini ’yoleri ga si, mi ’yo kanisa tia; eri ka e’yo kanisani ga si, eri ma ovu mi dri ekile ’ba jurule kani ’ba musoro okupirile.

¹⁸Ma ’yo emi tia ada, afa dria emini ombele nyakuari nga ovu ombezaru ’bua, azini afa dria emini trule nyakuari nga ovu truzaru ’bua indi.

¹⁹Ma ’yo emi tia dika kini ’ba iri emi eselia ka ti eci tualu nyakua e’yo alu dria yini zile ’diyisi Ata mani ovupi buari nga eri ’ye yi dri

²⁰Te pari ’ba iri kani ’ba na yini yi okuzu tualu ma rusiria pari ’daa ma indi yi eselia.

²¹Vutinia Petero riga di eca, nga ’yo eri tia, Opi, adripi mani nga eza pale si ka, mani e’yo onzi erini kuzu ya? Kpere ecazu pale aziri ya?

²²Yesu nga ’yo eri tia, Ma ’yoni emi tia, Ecazu pale aziri, ’dini ku; te, Ecazu kali aziri pale aziri.

²³E’yo ’disi suru ’buari ovu ekile agu melekiru lepi afa erini lazu nizu kani si ya, ati ’ba erini berile.

²⁴Erini ’baria laria, yi nga ’ba alu mari erini nyapi talamo alifu mudriri eji eri vu;

²⁵te erini ovuria afa kokoru mari ofezurisi, opi nga azi yi ma fe eri ozizu, oku pie, anzi pie, afa erini ovuzu yi be ’diyi be dria, mari nde ofezu,

²⁶Ati’bo nde nga di ceo va eri inzizu, kini, Opi, mi ’ye ma be e’yere, ma nga afa ofe mi dri dria ra.

²⁷Opi ati’bo ndeni nga ovu yikisi eri vu, nga eri tru ra, nga mari nde ku eri dri ra.

²⁸Te ati’bo nde ’dari nga fu, nga ati’ba i agyiru ’diyi ma azi isu alu, ndra mari erini nyapi silingi turu aluri; eri nga eri bi ombelekoa nzizu, kini, Mi ofe mari mini nyaleri.

²⁹’Dini ati’bo eri ma agyiru nga i eco va, nga matu ’ba eri vu, kini, Mi ’ye ma be e’yere, ma nga mi afa ofe ra.

³⁰Te eri leni ku, te eri mu eri ’bezu arujoa, ecazu erini ngazu mari erini nyaleri ofezuria.

³¹’Dini ati’ba agyiru ’diyi ka e’yo yi ’yepi ’diyi ndre ra, ovu candisi tu, yi nga emu e’yo dria yi ’yepi ’diyi olu opi yini ma tia.

³²Opi erini nga di eri omve, nga ’yo ra, Mi’i, mi ati’bo onzini, ma ku ndra mari ’dari mi dri dria ra, mini matu ’bale ma vurisi;

³³eri ovuni onyiru mini ovuzu yikisi ati’bo mi agyiruri vu, ekile ndra mani ovule yikisi mi vurile ku ya?

³⁴Opi erini nga ovu adrasi, nga eri fe ’ba ’ba ecandipi ’diyi dri, ecazu erini ngazu mari erini nyaleri ofezu driaria.

³⁵Ati mani ovupi ’buari nga ’ye emi be ’dinile indi, emi alu ka emi adripi ma e’yo ku asi driasi kuria.