Read lugbara Matayo 19 Bible Online

Matayo 19 - lugbara bible

Matayo 19

¹ Eri nga eca, Yesu ka e’yo’diyi’yo de’bo eri fu Galiliasi, nga eca Yudia ma kalati Yoridania ’aa’dasiria,

²’ba ongulumuru kakau bi eri ma vuti, eri nga yi ati ’dale.

³’Ba Farisaini nga mu eri vu, eri obezu kini, Azita a’i ’bani oku ini drozu e’yo driasi ra ya?

⁴Eri nga e’yo omvi, ’yo ra kini, Emi lani ndra kini ’ba ’ba ’bapi okokeleri ede ndra yi agupiru azini okuru ku ya?

⁵Eri nga ’yo ra, E’yo ’disi agupi nga ati pi ku andri be, nga i ebi oku ini be; ’ba ’diyi iritro nga ovu rua aluru.

⁶’Dini yi ovuni iri dika ku, te rua alu. E’yo ’disi afa Munguni ecile tualuniri, ’ba ada ma co eseleni ’ku,

⁷Yi nga ’yo eri tia, Ka adri ’dini, Musa azi di waraga esele cozaniri fezu eridrozu a’disi ya?

⁸Eri riga ’yo yi tia, Asi mbaza eminisi Musa a’i ndra ani emini oku emini drozu, te okokelerisi ovuni’dini ku,

⁹Ma’i, ma ’yo emi tio: ’ba azini ka oku ini dro ra, ka ovu e’yo ali ’bazanisi ku, ka andini je, eri ’ba alini; ’ba oku ’bani drole ’diri jepiri ’ba alini indi.

¹⁰’Ba erini imbale ’diyi nga ’yo eri tia, E’yo agupi,pini oku beri ka ovu dinile, onyiru ba ma je oku ku.

¹¹Te eri nga ’yo yi tia, ’Ba dria econi e’yo ’di,i a’izaru ku, pe ’ba Munguni a’ita fezu yi dri ’diyi’i.

¹²Te agupi azini yi ondoru, ’bani yi osile ’dinile engazu andri yini ma aliarisi; agupi aziili yi ondoru ’bani yi onzele rarisi; agupi azini yi ondoru yini yi ’bale ’dini1e ceni sur ’buari ma e’yosirisi. ’Ba ecopi e’yo ’diri a’ipiri ma a’i.

¹³Etu ’dasi yi eji auzi nyiri eri vu, eri ma ti dri yi dria ani beni, ma a’i Mungu yi dri indi; te ’ba erini imba1e ’diyi nga ega yi ma dria.

¹⁴Te Yesu nga ’yo ra, Emi ku anzi nyiri ma emu ma vu, emi ma oga yi si ku; suru ’buari ovu ’ba ’dinile ’diyini.

¹⁵Eri nga i dri oti yi dria, nga fu ’darisi ndo.

¹⁶Mi ndre, ’ba a1u nga eca eri vu, nga ’yo ra kini, ’Ea ’ba Imbapiri, ma nga e’yo onyiru ngoniri ’ye’i ka, ma ovu idri ’dani ’daniri be ani ya?

¹⁷Eri nga ’yo eri tia, Mi zi onyi ma e’yo ma tia a’disi ya? ’Ba onyi beri eri alu. Te mi ka le fi idria, mi mba azita ma tao

¹⁸Eri nga ’yo eri tia, Ngoyi ya? Yesu nga ’yo ra, Mi fu ’ba ku, Mi ’ba ali ku, Mi ogu ku, Mi nze e’yo eri inzoru ku,

¹⁹Mi inzi ati pi mi andri be, azini Mi le mi agyi mini mi lelerile.

²⁰Karilau nga ’yo eri tia, Ma mba ’diyi ma ta dria ’bo; e’yo ngoni ace nga vinini ya?

²¹Yesu nga ’yo eri tia, Mi ka le ovu kililiru, mi mu, mi ozi afa mini dria, mi fe ’ba alioru dri, te mi nga ovu lonyi be ’bua; azini mi emu ma vuti bizu ani.

²²Te karilau, erini e’yo ’diri eriria, nga mvi asi candirusi; a’disiku eri afa be kakau.

²³Yesu nga ’yo ’ba erini imbale ’diyi ma tia, Ma ’yo emi tia ndi, kini, eri nga ovu ewaru ’ba afa e’iru dri fizu suru ’buaria.

²⁴Dika ma ’yo emi tia, Ngamiani fizu sindani ma talaasiri eri ewa kokoru aga ’ba afa e’iruni fizu suru Munguniari ra.

²⁵’Ba erini imbale ’diyi ka eri ra, yi nga osu tu aga ta, ’yozu kini, Ka’dini a’di eco i pazaruni ya?

²⁶Yesuni mile baria yi ruaa, nga yo yi tia, Ba vurisi e’yo ’diri econi ku, te Mungu vurisi e’yo dria eco ra.

²⁷Petero nga di e’yo omvi, ’yo eri tia, Mi ndre, ama ku afa dria ’bo, ama bi mi vuti. Ama nga ani a’di isu ya?

²⁸Yesu; nga ’yo yi tia, Ma ’yo emi ria ndi, emi ’ba ma vuti bipi ’diyi, ewu afa ’bazu o’dirurisi Mvi ’bani ka ri oguna erini dizaruri dria, emi’i indi, emi nga ri oguna mudri drini iri ma dria, suru mudri drini iri Israelini ’diyi ma e’yo lizu.

²⁹’Ba dria alu jo pi kupi, adripi pie, amvipi pie, ati pie, andri pie, anzi pie, angu pie dria, ma rusiri, yi nga eri ofe pale turu, azini eri nga idri ’dani ’daniri bi awitaru.

³⁰Te ’ba kakau ovupi oko ’diyi nga ovu ’ba vileru; ’ba vile ’diyi nga ovu ’ba oko ’diyiru.