Read lugbara Matayo 3 Bible Online

Matayo 3 - lugbara bible

Matayo 3

¹ O’du ’dayisi Yohana baputizi fepiri eca ra, e’yo oluzu angu rokoru Yudianiria, eri kini,

²Emi oja emi asi; suru ’buari eca ogogo ’bo.

³’Ba ’diri eri ’ba ndra nabi Isayani e’yoni ’yoleri’i, kini, 0’duko ’ba oyupi roko driarini: Emi ede geri Opini, emi ’ba leti erini ’diyi kililiru.

⁴Yohana ma ngulupi ma afa suza eri bongo cale ngamia ma ’bikosiri, kafa enyiru eri opilia ci; nyaka erini ombi pi anyuoso aseari be.

⁵’Ba Yerusalemua ’diyi pi nga di fu mu eri vu, Yudiaa ’diyi pie dria, angu Yoridani ma ageiaria ’diyi be dria,

⁶baputizi bizu eri vu yi ara,Yoridania, yini e’yo onzi yini e’daria.

⁷Te eri ka ’ba Farisaini piyi ma azi ndre ’ba Sadukayoni be yini emuria baputizi bizu, eri ’yo yi tia, Emi ori urini! A’di ece emini apazu adra emupirisini ya?

⁸Emi ma ka efi i sipi asi ojaza be si siri;

⁹emi osu ’yozu emi asia, Ama ovu Iburahimu be a’biru, ’dini ku; te ma ’yo emi tia, Mungu eco oni ’diyi engazaru Iburahimu dri anziru.

¹⁰Ji di ogara, ku pati ndua ’bo; pati dria efi onyiru kapi kuri, ’ba ga ra, ’ba ’be acia.

¹¹Ma’ini, ma baputizi fe emi dri yisi asi ojazu, te ’ba emupi ma vutia ovupi okpo be ma agapi ra, mani dri fuzu eri ma jijima ’duzu kuri, eri’i eri nga baputizi fe emi dri Orindi Alatararu pisi aci be.

¹²Ko’bi erini ovu eri dria, eri nga akuma ini ko alaru, nga anya ini oku eroa, te drilekoniri eri nga ve aci i depi kurisi.

¹³Yesu nga di enga Galiliarisi, nga mu Yoridania Yohana vu, baputizi bizu vunia beni.

¹⁴Te Yohana le oga eri dri si, kini, Si te mani baputizi bizu mi vu, mi vini emu ma vu ya?

¹⁵Te Yesu nga e’yo omvi, ’yo tinia kini, Curu’do di mi a’i; onyiru amani e’yo kililiru ’yezu dria’i, Eri nga di a’i eri dri ra.

¹⁶Te Yesu ka baputizi bi ’bo, eri efu yiarisi, etu amve coti, te mi ndre, ’bu zi i eri dri ra, eri ndre Orindi Mungunini esiria va a’balaule, emuria i dria;

¹⁷te mi ndre, o’duko ibi ’bua, ’yo ra, ’Di Mvi mani lele turi’i, ma ovu ayikosi tu erisi.