Read lugbara Matayo 7 Bible Online

Matayo 7 - lugbara bible

Matayo 7

¹Emi li e’yo ku, yi kazu e’yo lizu emi dria ku.

²E’yo emini nga ovu lizaru e’yo liza emini lilerisi, yi nga afa o’bi emi dri afa o’biza emini o’bileri vusi.

³Mi ndre pati o’bo-roko ovupi mi adripi ma miliari a’disi ya, dere pati ’bara mi ngulupi ma miliari mi luni ku ya?

⁴Mi nga di ’yo mi adripi ma tia ngoni, Mi fe ma epe pati o’boroko mi miliarisi; te mi ndre, de pati ’bara mi milia ya?

⁵Mi ’ba lokiri be mi’i, mi epe pati ’bara mi miliarisi oko; mi nga eli ndre onyiro pati o’boroko epezu mi adripi ma imiliarisi ndo.

⁶Emi fe afa alatararu oce dri ku; emi o’be vini nyoro ndrizaro emini ezo drilia ku, yi kazu yi otuzu yi ma pasi ku, kazu yi ojazu vile emi rua osizu ku indi.

⁷Emi zi, eri nga ovu fezaru emi dri; emi ndru, emi nga isu ra; emi kpo eri nga ovu zizaru emi dri.

⁸A’disiku’ba dria afa zipiri eria’i ra; ’ba ndrupiri isu ra; ’ba kpopiri dri yi nga zi ra,

⁹’Ba emi eselia a’di’i, mva erinini enya a’izu, ngazu eri dri oni fezu’i ya?

¹⁰Ka e’bi a’i, eri nga eri dri uri fe’i ya?

¹¹Te emi’i ’ba onzi ’diyi, emi ka ni afa feza onyiru fezu anzi emini dri, Ata emini ovupi’buari ngani afa onyiru fe ’ba eri zipi ’diyi dri aga ra ku ya?

¹²Afa dria emini lele’ba ma ’ye emi dri ’diyi, emi ’ye vini yi dri ’dini; azita pi nabi be yi ’di.

¹³Emi fi kalitile luruarurisi; a’disiku kalitile walaru azini geri walaru muzu dri jaza vu, ’ba fipi alenia ’diyi kakau.

¹⁴Te kalitile luruaru azini geri izinaro muzu idri vu, ’ba eri isupi ’diyi were.

¹⁵Emi te emi agei nabi inzoru ’diyisi; ’ba nde emu emi vu ruasi kabilole, te alialeru yi ’balauni adraru.

¹⁶Emi nga yi ama, efi yini ’yale ’diyisi. ’Ba nga zabibu ti oci ruaa ya? Kani elio la ma ruaa ya?

¹⁷’Dini pati alu dria onyiruri eri efi onyiruri ’ya ra, te pati onzikanyaruri eri efi onzikanyaruri-ya’i.

¹⁸Pati onyiru econi efi onzikanyaru yazu ku, ’dini pati onzikanyaru econi vini efi onyiru ’yazaru ku indi.

¹⁹Pati dria ka efi onyiru ’ya ku, yi nga ga ra, nga ’be acia.

²⁰Emi nga bani yi ama efi yini ’yale ’diyisi.

²¹’Ba dria ’yopi ma, tia, Opi, Opi, diyi ngani fi suru buaria ku te ’ba, e’yo ma Ata ovupi ’buarini leleri ’yepiri.

²²’Ba kakau nga ’yo ma tia o’du ’dasi, Opi, Opi, mi rusi ama olu ndra e’yo, mi rusi ama dro ndra orindi onzi, mi rusi ama ’ye ndra tali okporu kakau ku ya?

²³Te etu ’dasi ma nga di e’yo omvi yi tia mgba kini, Ma nini emi aluni ku; emi da emi ma ageiarisi ra, emi ’ba e’yo onzi ’yepi ’diyi.

²⁴’Ba dria alu e’yo mani ’diyi eripiri, ka ’ye ra, eri ovu ekile ’ba onduaru jo ini sipi kata driarile;

²⁵ozoo ’di ra, yi ti ra, oliriko li ra, co jo ’dari ra, te eri asuni i ku, ’bani eri sile oni driarisi.

²⁶’Ba dria alu e’yo mani ’diyi eripiri, ka ’ye ku, eri ovu ekile ’ba ondua kokoru jo ini sipi cinya driarile;

²⁷ozoo ’di ra, yi ti ra, oliriko li ra, co jo’dari ma rua, eri asu i ra; asutani amboru tu.

²⁸Te eri nga eca ’dini, Yesu ka de e’yo ’diyi ’yozu ’bo, ’ba ongulumuru osu tu imbata erinisi,

²⁹erini yi imbale ekile ’ba okpo be, ’ba waraga sipi ’diyile kurisi.