Read lugbara Marako 13 Bible Online

Marako 13 - lugbara bible

Marako 13

¹Erini efuria hekaluarisi, ’ba erini imbaleri ma azi nga ’yo’tinia kini, ’Ba ’ba Imbapiri, mi ne oni ’diyi pi jo siza ’diyi be ndri ’doni ya!

²Yesu nga ’yo tinia kini, Mi ndre jo siza ambo ambo ’diyi ya? Oni alu ngani ace i agyi dria asukokoru aluani ku.

³Erini riria oni Mizeituni dria, hekalu be otizaru, Petero pi, Yakobo pie, Yohana pie, Andarea pie, yi nga eri zi ndindiru kini,

⁴Mi olu ama dri e’yo ’diyi nga yi ’ye a’dungare ya? Ewu e’yo ’diyini ngazu yi ’yezu cazu tinia driari ma ecetani ngoni ya?

⁵Yesu nga ’ba ’yo yi tia kini, Emi ovu mile be, ’ba azini ma ici emi ku,

⁶’Ba karakarau nga emu ma rusi, ’yozu kini, Ma eri’i! Yi nga ’ba ici karakarau.

⁷Emi ka nga e’yo ombani eri ra, androta ombani be, emi asi ma oti ku; e’yo ’diyi nga yi ’ye be, te ewu angu tini asizuri nga yo,

⁸Suruni nga enga suru azini be, opi nyazani nga enga opi nyaza azini be dria ombaru; oyakiani nga ovu anguasi ndu ndu, likini nga ovu indi; e’yo ’diyi bani rua suza ma tini e’dozuri’i.,

⁹Emi ovu mile be emi ma ngulupi ma agei tezu; yi nga emi ji diwania; yi nga emi co pari ’bani yi okuzuria; emi nga pa so e’yo manisi ’ba ’ba dri cepi ’diyi pi ma milia opi be, ovuzu e’yo etiru yi dri,

¹⁰Te ma olu e’yo bari suru dria vu oko.

¹¹Yi ka emi ji fe e’yo lizu emi dria, emi asi ma oti e’yo emini ’yolerisi oko ku; te e’yo dria ngapi ovupi fezaru emi dri sawa ’dasiri emi ’yo’i te ’ba e’yo ’yopiri emi’i yo, eri Orindi Alatararu’i.

¹²Adripini nga adripini fe drazu, atani nga mvini fe drazu, anzi yi nga enga ombaru ’ba yi tipi ’diyi be, yi nga yi fe odra ra;

¹³’ba dria yi nga emi ngu onzi ma rusi. Te ’ba asi tepi troa ewu angu tini asiriari, eri nga i pa ra.

¹⁴Emi ka afa ngule onzi ’ba dri jazuri ndre erini pa soria pari ogale siria (’ba waraga lapiri ma va e’yo ’diri), ’ba angu Yudiaa ’diyi ma apa oni eselia;

¹⁵’ba ovupi jo driari ma si va fizu afa ’duzu joarisi ku;

¹⁶’ba ovupi nga aliari ma atri dri vile koti erini ’duzu ku.

¹⁷Candi oku okporovuru ’diyi dri, odekua endrupi ’diyi be.

¹⁸Emi ma zi Mungu e’yo nderi ma ovu ewu egbenisi ku.

¹⁹O’du nde ’dayisi inzatani nga ovu indi, inzata azini engazu Munguni e’dozu nyaku ’bazurisi cazu kpere curu’do ndra nga ’dinileni yo, ngani vini eca ’dini ku indi.

²⁰Opi ka o’du ’diyi li alinaru ku, ’ba ndi aluni ngani i pa ku; te ’ba opeza erini opele ’diyi ma e’yosi eri nga o’du ’diyi li alinaru ra.

²¹Ewu ’dasi ’ba azini ka di ’yo emi tia kini, Mi ndre, Kristo eri ’do’i kani, Mi ndre, eri ’da’i! emi a’i ku.

²²Kristo inzoru piyi nabi inzoru ’diyi be nga enga ra, yi nga eceta piyi ’ye tali be ’ba icizu ani, ka eco ra, ’ba opeza pie dria.

²³Emi ma ovu mile be; emi ndre, ma olu emi tia e’yo dria drio okorisi ’bo.

²⁴O’du nde ’dayisi, inzata ’dari ma vutia, etuni nga ovu bizaru iniru, mba ngani angu mve ku,

²⁵’bi’bio yi nga o’de ’buarisi va, okpo ’bua ’diyi nga oya oya.

²⁶Yi nga di Mvi ’bani ndre erini emuria iriti ma alia, okpo amboru be, diza be tu.

²⁷Eri nga malaika erini ti pe, yi nga ’ba opeza erini oku tualu engazu oli su ’diyi ma alia, engazu angu ma kalatini asizuria cazu kpere ’bu ma kalatini asizuria.

²⁸Emi oni e’yo eti o’beza elioni arakalani efuria aroru ’bo, bini ka idi ra, emi ni kini ewu lozuri eca ogogo.

²⁹’Dinile emi alu indi, emi ka e’yo ’diyi ndre, yini yi ’yeria, emi nga ni kini eri ovu ogogo, va jotilia.

³⁰Ma ’yo emi tia ndi ndi, a’bianzi ’diyi ngani yi de ku de nga e’yo ’diyi dria ’yeni yi ku.

³¹’Bu pi nyaku be, nga yi de ra, te e’yo,mani ngani i de ku.

³²0’du ’dari pi ma e’yo, etuniri be, ’ba aluni nini ku, kani malaika ’bua ’diyi Mvi be ti, kiri Ata’i a’dule,

³³Emi ma ovu mile be, emi ko o’du ku, emi zi Mungu tia; emini,ewuni ovuzu a’dungareari nile kurisi.

³⁴Eri ovu ’ba mupi angu andinia rile, erini jo erini kuria, erini e’yo ’taziria ati’ba erini ma tia, azi awazu yi vusi alu alu yiniru, eri nga ’ba jotile agei tepiri azi ma te angu ma agei mile be,

³⁵Emi ma ovu: mile be ani-emini jo e’ini eca a’dungareari nile kurisi, kani ondre be, kani iniayii, kani a’uatani cere ’beria, kani o’biti be yani-

³⁶eri kazu emuzu rugbu emi isuzu o’du koria ku.

³⁷Mani ’yole emi tiari, ma ’yo ’ba tia dria ’dini: Emi ma! ovu ndrile be.