Read lugbara Marako 14 Bible Online

Marako 14 - lugbara bible

Marako 14

¹ De ace o’du iri ci cazu omu agaza ’ba drilesiri pi nyazu, omu mikate akufi kokoruri be; kuhani ambo ’diyi e’yo ndru carani be eri bizu lokirisi eri ’dizu,

²Te yi ’yo ra, O’du omu nyazurisi ku, ’ba nde kazu iyikiyi zozu ku.

³ Erini ovuzu Betania Simoni ’ba ofu beri vile joa, erini atiria nyaka nyaria, oku azini nga emu odu efiza be lu’bua tre, eri odu alaru arikariru silingi nyapi kakauri; eri agba lu’bu, odu osuzu eri ma dria ani.

⁴Te e’yoni ’de ’ba azini ma asia onzi, yi ’yo yi eselia kini, Yi odu arikariru eza ’dini a’disi ya?

⁵Eco ma odu arikariru ’diri ozi silingi turu turu na afa azi be, awazu ’ba alioru dri. Yi nga eri onzi onzi.

⁶Te Yesu ’yo ra kini, Emi ku eri; emi eri ecandi a’disi ya? Eri ’ye ma dri azi onyiru ’bo.

⁷A’disiku emi ovu tuala ’ba alioru ’diyi be o’du dria, etu dria emini leleria emi eco yi ’ye onyiru ra; te emi ovuni ma be o’du dria ku.

⁸Eri ’ye di erini ecolerile ’bo; eri efi di ma rua odu arikarirusi oko, de nga sani ma ku.

⁹Ma ’yo emi tia ndi ndi, pari dria yini e’yo bari oluzu, kani ngoaria oro dri dria, yi nga afa oku ’dirini ’yeleri ma e’yo olu indi, eri ma e’yo egazu.

¹⁰Yudasi Isikariote, ’ba mudri drini iri ’diyi ma azi, nga fu mu kuhani ambo ’diyi vu, eri ma o’di nyazu yi vu.

¹¹Yi’i, yi ka e’yo eri ’bo, yi ovu ayikosi, yi azi silingi fezu eri dri ra. Eri nga o’du onyiru eri ma o’di nyazuri ndru ra.

¹²O’du oko ’bani mikate akufi kokoruri nyazuria, etu yini omu agaza ’ba drilesiri liria, ’ba erini imbale ’diyi nga ’yo tinia kini, Mi le i ama fu mu pari mini agaza ’ba drilesiri nyazuri ede ngole ya?

¹³Eri nga ’ba erini imbale ’diyi ma ti pe iri, nga ’yo yi tia kini, Emi mu fi aku amborua, agupi imvu yi beri i be driari nga dri fu emi be; emi bi vutini,

¹⁴te pari erini fizuria, emi ’yo jo e’i nde ma tia kini, ’Ba ’ba Imbapiri ’yo ra, Jo omuni amani ngazu agaza ’ba drilesiri nyazu ’ba mani imbale ’diyi beri ngoa ya?

¹⁵Eri nga jo aliza uruleru amboru ece emi dri, edezaru ngonde; emi ede afa amani ’daa.

¹⁶’Ba erini imbale ’diyi nga fu ra, nga fi aku amborua, nga isu erini ’yolerile; yi nga omu agaza ’ba drilesiri ede ra.

¹⁷Ka eca ondresi, eri nga emu ’ba mudri drini iri ’diyi be.

¹⁸Yini riria nyaka nyaria, Yesu ’yo ra kini, Ma ’yo emi tia ndi ndi, ’ba alu emi eselia nga ma o’di nya ra, ’ba nyapi ma beri’i.

¹⁹Yi ’ba ovu candisi, yi nga ’yo eri tia, yi alu alu, kini, ’Do ma’i ya?

²⁰Eri nga ’yo yi tia kini, Eri ’ba mudri drini iri ma azi, dri supi otekua alia ma beri’i.

²¹Te Mvi ’bani mu ra, yini ndra sile erisirile, te candi agu Mvi ’bani ma o’di nyapi ’dari dri! Ka ndra agu ’dari osi nyakua ku ’yeke.

²²Yini nyaka nyaria eri nga mikate ’du, eri ka zi Mungu tia ’bo, eri nga aleni anyo awazu yi dri, kini, Emi ’du; ’di rua mani.

²³Eri nga okele ’du indi, eri ka awa’difo ’yo drinia ’bo, eri fe yi dri, yi dria nga mvu ani erisi.

²⁴Eri ’yo yi tia, ’Di ari mani e’yo azizani, rapi ’ba kakausiri.

²⁵Ma ’yo emi tia ndi ndi, ma ngani efi zabibuni ’yaleri ma su mvu dika ku, kpere etu ’dasi mani o’dini mvuria suru Mungu ma aliaria.

²⁶ Yi ka ongo ngo ’bo, yi fu mu oni Mizeitunia,

²⁷Yesu nga ’yo yi tia kini, Emi nga aba dria aba aba; yini sile ’borile, Ma nga ’ba i kabilo ocepiri co ’a, kabilo nga yi ere ani.

²⁸Te ma ka enga ’bo, ma! nga mu emini oko drile Galilia.

²⁹Petero nga ’yo eri tia kini, ’Ba dria ka aba ra ti, te ma’ini yo.

³⁰Yesu ’yo tinia kini, Ma ’yo mi tia ndi ndi, o’du va ’dosi, ini vai ’dirisi, de nga a’nata ’beni cerei paleko iri ku, mi nga ma ga sili paleko na.

³¹Te eri nga ’yo okposi tu kini, Ka tro ma dra mi be, ndro ti, ma ngani mi ga si ’de ku yi dria ’yo ’dini.

³² Yi nga mu pari omvele Getesemani’iria; eri nga ’yo ’ba erini imbale ’diyi ma tia kini, Emi ri ngari ’doa, mani Mungu ziria.

³³Eri ji i be Petero pi, Yohana pie, Yakobo be; eri ’ba ota ota ambo, eri ’ba ovu candisi tu.

³⁴Eri nga ’yo yi tia kini, Orindi maniri ombu ombu candisi tu, kpere dra ma tia; emi te nga ’doa, emi ma ovu mile be,

³⁵Eri mu drile were, nga i eco va, nga zi kini ka eco ra etu ’diri ma aga i driasi ra.

³⁶Eri ’yo ra kini, Baba, Ata, e’yo dria eco mini ra mi ’du okele ’diri ma vurisi ra; te e’yo mani leleri’i ku, te mini leleri’i.

³⁷Eri nga emu yi isu o’du koria, eri nga ’yo Petero ma tia kini, Simoni la, mi o’du ko ya? Mi econi tezaru mile be etu alu ku ya?

³⁸Emi ma ovu mile be, emi zi, emi kazu fizu obeta ma alia ku; orindi emini avaru ada, te rua emini ovu okpo kokoru.

³⁹Eri nga mu Mungu zi dika, e’yo tekari ma vu ’yozu,

⁴⁰Eri nga emu dika yi isu o’du koria, mile yinini ovule nzizarusi; yi nini yi ma omvi tinia ngoni yari ku.

⁴¹Eri nga emu pale narisi, eri ’yo yi tia kini, Emi ko di o’du curu’do, emi li di vini ande emini indi, Lou dri ra, etu eca ’bo; emi lu, yi Mvi ’bani ma o’di nya eri fezu ’ba onzi ’yepi ’diyi ma dria.

⁴²Emi enga, ama mu; mi lu, ’ba ma o’di nyapiri eca va ’di.

⁴³Coti, erini nga e’yo ’yoria,i Yudasi ’ba mudri drini iri ’diyi ma azi ’nga eca ’ba ongulumuru be, sei piyi abeleku be yi ma dria ci; yi ibi, emu kuhani amboru piyi vu, karani pie, ’ba ’wara pie.

⁴⁴’Ba eri ma, o’di nyapiri fe te yi dri eceta ’bo, kini, ’Ba amani ama o’dele eri be ndrutasiri bani eri’i; emi bi eri kirikiri, emi ji eri, ma apa ku.

⁴⁵Eri ka eca ’bo, eri nga mu vunia coti, kini, ’Ba ’ba Imbapiri! Eri o’de eri o’bolo ndruzasi.

⁴⁶Yi nga yi dri o’ba ruania, nga eri bi ci.

⁴⁷’Ba alu pa sopi ageiniari nga eli nze, nga kuhani amboru ma ati’bo ma bi ga mgbiri va.

⁴⁸Yesu nga e’yo omvi, ’yo yi tia kini, Emi efu sei piyi emi dria abeleku be ma bizu, emini oguou bilerile ya?

⁴⁹Ma ovu ndra emi be etuzu, ’ba imbaria hekalua, te emi bini ndra ma ku. Te e’yo ’ye i ’dini, e’yo siza ma ’ye i ani beni.

⁵⁰’Ba nga di eri ku ra, nga apa dria.

⁵¹’Ba azini karilauru nga vutini bi yi be, ’be suka i ruaa ’be ’be; yi nga eri bi indi,

⁵²te eri nga suka ku yi dri, apa pililiru.

⁵³Yi nga Yesuni ji kuhani ambori vu; kuhani amboru piyi, ’ba ’wara pie, karani be dria, nga yi oku tualu vunia.

⁵⁴Petera bi vutini re, kpere fizu kuhani amboruri ma riidria; eri ovu riria asikari be ad i tia, ari yuria,

⁵⁵Kuhani amboru piyi ’ba e’yo amapi ’diyi be dria, yi ndru e’yo eti nzele Yesu ruaari eri ’dizu; te yi isuni ku.

⁵⁶A’disiku ’ba kakau yi nga e’yo eti nze eri ruaa inzaru, te e’yo eti yini nzeleri ecini yi tualu ku.

⁵⁷’Ba azini nga enga ra, nga e’yo eti nze inzoru eri ruaa kini,

⁵⁸Ama eri ndra erini ’yoda kini, Ma nga hekalu sile ’ba ndi ma drisi ’diri anzu ra, ma nga andini yini sile drisi kuri si a’du na.

⁵⁹Te ka tro ’dini ti, e’ya eti yini nzeleri ecini di yi tualu ’de ku.

⁶⁰Kuhani amboruri nga enga uru ’ba eselia, eri nga zi Yesu tia kini, Mi omvini e’yo ku ya? E’yo eti yini nzele mi ruaari ngoni ya?

⁶¹Te eri avu ndi, eri omvini e’yo ku. Kuhani amboruri nga zi tinia dika, nga ’yo kini, Mi Krista Mungu Asi ’i Ndriza beri ma Mvi’i ya?

⁶²Yesu ’kini, Ma eri’i; emi nga Mvi ’bani nare erini riria Okpa ma dri ndiria, azini erini emuria iriti ’bua ’diyibe.

⁶³Kuhani amboru nga i ma bongo asi ra, kini, Ama di kiri ’ba,e’yo etini nzepi ’diyi le a’disi ya?

⁶⁴Emi eri di o’data erini ’bo. Emi ega ngoni ya? Yi dria nga ’yo erini li kini e’yo nde eri ra, ma dra ra.

⁶⁵’Ba azini ’ba cucu wu ruania, azini yi eri mile a’bu ci, yi nga eri osi dri otuzasi, nga ’yo tinia kini, Mi ondri e’yo! Asikari nga eri a’i osatasi.

⁶⁶Peteroni de ovuria ele riidria, zamva azi ngapi kuhani amboru vile ’diyi ma azi nga emu ra;

⁶⁷erini Peteroni ndreria aci yuria, eri nga mile su ruania, kini, ovu te Yesu Nazarenioururi be indi fo!

⁶⁸Eri ga si, kini, Ma nini e’yo mini ’yoleri ku, ma vani ku judi, Eri nga fu fi jo ’bileko etia; a’nata nga cere ’be.

⁶⁹Zamva ndeni eri ndreria, nga ’ba ’yo dika ’ba pa sopi ’daa ’diyi ma tia kini, ’Di ’ba yini ma azi,

⁷⁰Te Petero nga ga si dika. ’Di ma vutia were ’ba pa sopi ’daa ’diyi nga ’yo Petero tia kini, Mi ’ba yini ma azi ada; mi ’ba Galilini.

⁷¹Eri ’ba i otri, oyo piyi so kini, Ma nini agu emini e’yoni ’yole ’diri ku.

⁷²Coti a’nata nga cere ’be paleko iri. Petero nga e’yo te Yesuni ’yole eri tiari ega i asia, kini, De nga a’nata ’beni cere paleko iri ku, mi nga ma ga si paleko na, Erini e’yoni egaria i asia, eri nga wu wu.