Read lugbara Marako 3 Bible Online

Marako 3 - lugbara bible

Marako 3

¹Eri nga fi dika pari ’bani yi okuzuria; ’ba azini indi ’daa, eri ma dri ovu ondrizaru.

²Yi nga eri ndre kani eri nga eri ati etu sabatonisi yani, yi ma su asu ruania beni.

³Eri nga ’yo ’ba dri be ondrizaruri ma tia kini, Mi enga uru ’ba ma eselia ’dia.

⁴Eri nga ’yo yi tia kini, Azita a’i ra ’bani e’yo onyiru ’yezu etu sabatonisi, kani e’yo onzi ’yezu ya? ’Ba ma idri pazu, kani ’ba fuzu ya? Te yini, yi adri ciri.

⁵Eri ka yi one adrasi, mile suzu yi ruaa alu alu, asi mbaza yinini eri ecandilerisi, eri nga ’yo agu takari ma tia kini, Mi eju mi dri. Eri nga eri eju ra, drini nga ovu atizaru.

⁶’Ba Farisaini nga perepere ru amve, yi nga ti eci ’ba Herodeni be eri dri.

⁷Yesu pi ’ba erini imbale ’diyi be nga mvi miria; ’ba ongulumuru amboru egazu Galilia nga mu yi vutisi, azini ’ba angu Yudia pia,

⁸Yerusalemu pie, Idumaya pie, angu Yoridani ’aa’dasiri pie, angu Turo pi ma ageia Sidoni be dria, yi ’ba ongulumuru kakau, yini e’yo erini ’yeleri eriria, yi nga mu vunia.

⁹Eri nga ’yo ’ba erini imbale ’diyi ma tia, yi ma ’ba o’bo ma te eri vu ogogo ’ba ongulumuru dri, ’ba kazu eri omizu ku;

¹⁰a’disiku eri ati ’ba kakau ma rua, ’dini ’ba dria azo beri nga eri ari ari, yi ma elo eri ma rua beni,

¹¹Orindi onzi, yini eri ndreria, yi eco yi va palania, yi oyu uru kini, Mi Mvi Munguni,

¹²Te eri nga yi azi okporu, kini, yi ma e’da eri ku.

¹³Eri nga tu uru oni dria, eri nga ’ba erini Ide ’diyi omve i vu; yi nga efu mu eri vu ani.

¹⁴Eri nga ’ba ope mudri drini iri, yi ma ovu i be tualu, azini eri ma pe yi ti e’yo oluzu,

¹⁵yi ma ovu okpo be orindi onzi odrozu indi:

¹⁶Simoni, runi azini erini ’dale Petero’iri pi;

¹⁷Yakobo Zebedayo mvi pi, Yohana Yakobo ma adri pi, eri ’da yi ma ru Boanerege, efini Anzi ovi onozani;

¹⁸Andarea pi, Filipo pi, Baritolomayo pi, Matayo pi, Tomasi pi, Yakobo Alifayo mvi pi, Tadayoi pi, Simoni ’ba Kanani pi,

¹⁹Yudasi Isikariote eri ma o’di nyapiri pie dria. Eri nga fi joa.

²⁰’Ba onguluInuru nga yi oku vunia dika, ’dini econi ani yini nyaka nyazaru ku.

²¹Agyi erini ka e’yo eri ra, yi efu eri bizu, yini ’yole kini, Eri aza aza-risi.

²²’Ba karanini engapi Yerusalemua ’diyi ’yo ra kini, Eri ovu Beelizebuli be, eri orindi onzi dro opi orindi onzi ma driliari ma i okposi.

²³Eri nga yi omve i vu,i nga e’yo eti olu yi tia kini, Eco Satanini Satanini drozu ngoni ngoni ya?

²⁴Te suru ka i ale ali, ceoni, suru ’darini pa sozaru ku.

²⁵Jo ka ’i ale ali, jo ’dal’i econi pa sozaru ku.

²⁶Satani ka enga omba ’bazu i ngulupi be, ka i ale ali, econi erini pa sozaru ku, te eri nga i de ra.

²⁷Econi ’ba aluni fizaru ’ba okporuri ma joa afa erini opazu ku, te eri ka ’ba okporu ’diri ombe oko raka eri nga di afa eri ma joa ’diyi opa ndo.

²⁸Ma ’yo emi tia ndi ndi, yi nga e’yo onzi wu dria ’ba ma ori dri, ezata piyi o’data yini o’dale ’diyi be dria;

²⁹te ’ba azini ka Orindi Alatararu o’da’i, yi ngani e’yo onzi erini wu ’dani ’dani ’de ku, te ezata ’dani ’daniri nga ovu eri ma dria-

³⁰yini ’yole eri ovu orindi onzi berisi.

³¹Andri erini pi adripi be nga emu ra; yini pa soria amve, yi nga ’ba azini ma ti pe vunia eri omvezu.

³²’Ba ongulumuruni de riria eri ageia, yi nga ’yo tinia kini, Mi lu, mi andri pi mi adripi be yi emu mi ndru amve.

³³Eri nga e’yo omvi yi tia kini, Andri mani adripi mani be yi a’di piyi ya?

³⁴Erini ’ba ripi eri ma ageia kuru ’diyi ma dri luria, eri ’yo ra, Emi lu, ma andri ma adripi yi ’doyi!

³⁵’Ba ka e’yo Munguni leleri ’ye ra, ’ba ’diri eri ma adri’i, eri ma amvi’i, eri ma andri’i.