Read lugbara Azita Amvizu 25 Bible Online

Azita Amvizu 25 - lugbara bible

Azita Amvizu 25

¹’Ba ka agata ga yi ma eselia, yi ka fi pari e’yo lizuria, ’ba e’yo lipi ’diyi ka e’yo yini li, eri ma fe ’ba kililiru ’diyi ma nde e’yo ra, te e’yo ma nde ’ba onzi ’diyi’i.

²Eri nga ovu ’dini, ’ba onzi ma e’yo ka i si eri cozu ra, ’ba e’yo lipiri ma fe eri ma la va, ma co eri eri ma milia ’de, kalafe eri cozuri ma ovu e’yo onzi erini vusi.

³Eco eri cozaru kali su, te ma aga ’diri ku; mi adri kazu ovuzu afa tokole mi milia ku, eri ka eri co kakau aga ’diyi raria.

⁴Mi ma ombe ranya ma ti, erini anya turia ku.

⁵’Ba azini ka ovu i adripi be tualu, yi ma azi alu ka dra mva ikokoru ra, ma fe agupi drapi rari ma oku omvi ani’bo dri amveleru ku; agupi erini ma adri ma fi eri vu eri omvizu i ma okuru, ma ’ye eri ekile agupi oko drapi rari ma adrini adrile ’yelerile.

⁶Eri nga ovu ’dini, mva erini tile okori ma fi adripi nde drapi rari ma rusi, runi kazu avizu Israeli ma eselia ku.

⁷Te agu nde ka le i adri ma oku omvizu ku, ka’dini oku adripi nde drapi rarini ma mu ’ba ’wara vu aku nde ma kalitilea, ma ’yo kini, Agupi mani ma adri ga i adri ma ru enga ko Israeli ma eseliasi; eri leni ’ye ma vu ekile agupi drapi rari ma adrini adrile ’yelerile ku.

⁸’Ba ’wara aku erinia ’diyi nga di eri omve, nga ’yo i eri tia; te eri ka pa so ’yozu kini, Ma leni oku ’diri omvizu ku,

⁹ka’dini adri ma oku ma mu vunia ’ba ’wara ma milia, ma tru katala eri ma paari, ma wu cucu eri ma andretia; ma omvi e’yo, ma ’yo kini, Ma ’ye ’ba i adri ma jo sipi kuri dri ’dini,

¹⁰Yi nga eri ma ru omve Israeli ma eselia, Jo ’ba yini katala truzuriniri’i.

¹¹Agupi ka yi ofu yi eselia, te aluri ma oku ka esi agupi ini pazu ’ba eri copiri ma dria, ka i dri eju ari’ba ma elo bizu sezu,

¹²mi ma li eri ma dri ’dari va; mi mile ma ovu yikisi aluni ku.

¹³Mi ma ovu ratili ndu ndu be jurua mini ma alia, aluri amboru, aziniri ganaru, ’dini ku.

¹⁴Mi ma ovu afazu afa o’bizu ndu ndu be mi ma joa, aluri amboru, aziniri ganaro, ’dini ku.

¹⁵Mi ma ovu ratili dri fupi ci onyiru kililiruri be, mi ma ovu vini afazu afa o’bizu dri fupi ci onyiru kililiruri be indi; o’du mini ovuzu idriru angu Yehova Mungu minirini fele mi driri ma alia ’diyi ma ovu ani kakau beni.

¹⁶A’disiku ’ba dria e’yo ’dini ’diyi yepi ’diyi, ’ba dria e’yo kililiru kuri ’yepi ’diyi, yi afa Yehova Mungu minirini ngule onziri’i.

¹⁷Mi ma ega e’yo Amalekini ndra ’yele mi dri geria, emini ndra efuria Misiriasiri’i,

¹⁸e’yo erini ndra mi isuzu geria mini de ovuria okpo kokoru azini andezaru, erini ’ba mi vutia vile okpo kokoru ’diyi dria ocozuri’i; te eri runi ndra Mungu ku.

¹⁹E’yo ’disi eri nga ovu ’dini, Yehova Mungu miniri ka nga ava liza fe mi dri ari’ba mini mi ma kalaasi ’diyi dria ma e’yosi, angu Yehova Mungu minirini fele mi dri awurusoru ovuzu miniruri ma alia, mi ma ini egata ’bani Amaleki ma e’yo egazuri ’bu etiasi ra; mi dri ma avi ku.