Read lugbara Azita Amvizu 34 Bible Online

Azita Amvizu 34 - lugbara bible

Azita Amvizu 34

¹Musa nga di tu engazu angu senderu Moabuariasi cazu oni Neboa, tuzu Pisiga i otipi Yeriko beri ma dri mbiliria. Te Yehova nga di angu Gileadiari ece eri dri dria cazu Dania,

²angu dria Nafutali driri pie, angu Efiraimu pini Manase beri pie, angu dria Yudaniri pie, cazu miri etuni ’derialeruria,

³angu Uruleruria pie, angu Dala a’bu Yeriko aku itu pati beriariari pie, cazu kpere Zoaria.

⁴Te Yehova ’yo eri tia kini, ’Diri angu mani ndra oyoni sole Iburahimu pi ma tia, Isaka pie, Yakobo pieri, kini, Ma nga eri fe ori mini dri. Ma fe di mini eri ndrezu mi milesi ’do, te mi ngani zo ’aa’dale ku.

⁵’Dini Musa ati’bo Yehovani nga di dra ’daa angu ,Moabuaria, ekile e’yo Yehovani ’yolerile.

⁶Sa eri a’bu angu Moabuaria, pari i otipi Beti-peori beria; te ’ba aluni nini nyadriniri ngoa yari ku ecazu kpere andru.

⁷De ndra Musa ma eli ca turu alu drini kali iri erini drazurisi; mileni asani ndra ku, eri ma rua ma okpo deni ndra vini i ku indi.

⁸Anzi Israelini ’diyi ri awu wu Musasi angu senderu Moabuaria o’du kali na ’dipi; vutinia o’du ’bani awu wuzu azini lulu gazu Musasi ’diyi nga di yi de ndo.

⁹Te Yosua Nuni mvi ga tre orindi onduanirisi, a’disiku isu Musa ti i ma dri eri ma dria ’bo; anzi Israelini nga di yi ma bile co eri vu, nga ’ye vini ekile Yehovani azile Musa ma tiarile.

¹⁰Nabi azini engapi Israeli ma eselia Yehova pini yi nizu eri be milia milia Musaleni nga yo;

¹¹’ba azini eceta dria ecepi erileni yo, tali osutaru dria ’diyi pie, Yehovani ani eri ti pezu ’yezu angu Misiriari ma alia, Farau pi ma ruaa, ati’ba erini be, angu erini ma alia dria,

¹²dri okporuri pie dria, ’yeta dria ambo uriuriru Musani ’yele Israeli dria ma milia, ’diyi pie dria.