Read lugbara Yohana 2 Bible Online

Yohana 2 - lugbara bible

Yohana 2

¹O’du narisi omu odrua pari nyazuri ovu Kana Galiliaria indi; Yesu ma andrini ’dale indi;

²yi omve Yesuni alu indi ’ba erini imbale ’diyi be, omu odrua pari nyazuria.

³Patiefi ma su ka ’ba anu ra, Yesu ma andri nga ’yo eri tia, Yi ovu patiefi su kokoru.

⁴Yesu nga ’yo eri tia, Oku, amani mi be a’di e’yoni ya? Etu mani ecani nga ku.

⁵Andrini nga ’yo ’ba azi ’yepi ’diyi ma tia, E’yo erini ’yole emi tiari ka ngoni ti, emi ’ye.

⁶Isu o’ba yilemvu azia edele onisi ’diyi ’dale ’bo, adriza ’ba Yahudiniri adrizu yi rua ’bazu alaruri ma e’yosi, tijo iri kani na eco yilemvu aluri gazaru ra.

⁷Yesu nga ’yo yi tia, Emi osu yi yilemvua tre tre. Yi osu yi yilemvu alu alu nde ’diyia tre tre kpere tinia.

⁸Eri ’yo yi tia, Curu’do emi be ji ’ba nyaka awapi omuari vu. Yiji di ra.

⁹Te ’ba nyaka awapi omuari ka yi i ojapi curu’do patiefi suru ’bori ma aji ’bi ra, te nini pari erini engazuri ku (te ’ba azi ’yepi yi bepi ’diyi ni ra), ’ba nyaka awapi omuari nga izioni omve,

¹⁰nga ’yo tinia indi, ’Ba dria adri patiefi su aluzaruri fe oko; ’ba ka mvu huruhuru ’bo, yi alukokoruri fe ndo; te mi mba patiefi su aluzaruri ma ta kpere curu’do.

¹¹Yesu ’ye tali erini ma e’doza ’diri Kana Galiliaria, eri ece diza ini; ’ba erini imbale ’diyi a’i eri ra.

¹²E’yo ’diri ma vutia, eri si mu Kaperinaumua, eri’i, andri pie, adripi pie, ’ba erini imbale ’diyi pie; te yi ovuni ’daa o’du kakau ku.

¹³Omu agaza ’ba drilesi ’ba Yahudiniri eca ogogo; Yesu nga tu mu Yerusalemua ani.

¹⁴Eri isu hekalua ’ba yini ti piyi oziria kabilo pie, a’balau pie, isu vini ’ba silingi ofupi ’diyi yini riria ’daa.

¹⁵Eri nga baka ekila ekila, nga yi odro dria hekaluarisi amve, kabilo piyi, ti pie; eri oda silingi ’ba silingi ofupi ’diyini va, ogu vini mesa yini indi.

¹⁶Eri ’yo ’ba a’balau ozipi ’diyi ma tia, Emi ji afa ’diyi amve; emi ’ba ma Ati ma jo jo afa jezuriru ku.

¹⁷’Ba erini imbale ’diyi nga a kini e’yo ovu sizaru ’dini, jo mini ma avani ma fu fu.

¹⁸’Ba Yahudini nga e’yo omvi, ’yo eri tia ani, Mi ece ama dri eceta ngoni ngori mini afa ’diyi ’yezurisi ya?

¹⁹Yesu nga e’yo omvi ’yo yi tia, Emi anzu hekalu ’diri ra, ma nga di eri enga o’du na ma alia ra.

²⁰’Ba Yahudini nga e’yo omvi ani, Yi si ndra hekalu ’diri, nya eli kali su drini azia; mi di nga eri enga o’du na ma alia ra ya?

²¹Te eri ’yo hekalu eri ruaniri ma e’yo’i.

²²Eri ka enga ’ba draza eselia ’bo, ’ba erini imbale ’diyi ega ani kini eri ’yo e’yo ’diri’i; yi a’i ani e’yo siza pi e’yo Yesuni ’yoleri be ra.

²³Erini ovuria Yerusalemua, omu agaza ’ba drilesiri ma alia, ’ba kakau nga eri ma ru a’i ra, yini tali erini ’yele ’diyi ndrelerisi;

²⁴te Yesu a’ini i fezu yi dri ku, erini ’ba dria nilerisi,

²⁵azini leni ’ba azini ma nze e’yo ’bani ma eti eri dri ku; a’disiku eri ni eri’i afa ovupi ’ba aliari ra.