Read lugbara ’Yeta 13 Bible Online

’Yeta 13 - lugbara bible

’Yeta 13

¹Isu kanisa Antiokiaari ma alia nabi azini ’ba ’ba imbapi ’diyi indi, Baranaba pi, Simeoni yini omvele Nigeriruri pie, Lukio ’ba Kureneari pie, Manaeni adripi zopi tualu Herode beri pie, Saulo pie.

²Yini azi ngaria Opi dri azini yini i nyaka ’daria, Orindi Alatararu ’yo ra, Emi pe Baranaba pi ndu Saulo be, yi ma nga azi mani yi omvezuri’i.

³Yini nyaka ’daria azini Mungu ziria ’boria, yi ti dri yi dria, ku yi muzu.

⁴’Dini, yini ovule ti pezaru Orindi Alatararusirisi, yi si Selukiaa; engazu ’dale yi mu ogurusi Kuporoa.

⁵Yini ovuria Salamisia, yi olu e’yo Munguni pari ’ba Yahudini yi okuzu ’diyi ma alia. Yohana ovu yi be yi aza kozu indi.

⁶Yini agaria angu nde i lipi miri ma aliari ma eselesi dria cazu kpere Pafoa ’boria, yi isu agu alu oleouru, nabi inzoru ’ba Yahudini, runi Bara-Yesu’i.

⁷Eri ovu tualu Serigio Paulo opi ’ba Rumia ’diyini pele azi ngazu angu nderiari be. Opi nderi ’ba onduaruni, eri omve Baranaba pi i vu Saulo be, le e’yo Mungurii erizu.

⁸Te Eluria ’ba oleouru nderi (ru erini ma efi ’dini) aru yi dri agatasi, lezu opini ojazu kazu a’izu ku.

⁹Te Saulo ’bani omvele Paulo, gapi Orindi Alatararusi treri, eri su mile ruania okporu,

¹⁰eri ’yo ra kini, Lokiri ga mi alia tre e’yo onzi dria be, mi mva Satanini Mi ari’bo e’yo onyiruni dria, mi kuni geri kililiru Opiniri ojazu ku ya?

¹¹Curu’do mi ne, dri Opini ovu mi ruaa, mi mileni nga dra ra, mi ngani eco etu ndrezaru cazu o’du azinisi ku. Coti apurusa azini angu iniru ’ba yi asu eri dria, eri mu ’ba ndazu i sezu drisi.

¹²Te opini e’yo i ’yepiri ndreria eri a’i ra, eri ovu taisi tu imbata Opinisi.

¹³-Te Paulo ’ba acipi eri be ’diyi be, yi fi oguru alia engazu Pafoa cazu Perigaa angu Pamfuliania. Te Yohana eri ku yi ra, da dri vile mvizu Yerusalemua;

¹⁴te yi aga engazu Perigaa cazu Antiokia angu Pisidianima aliaria. Te o’dusabatonisi yi fi pari ’ba Yahudini yi okozoria, yi ri va.

¹⁵Yini buku azitaniri laria nabini be ’boria, ’ba amboru ovupi jo ’bani okuzuri drilia ’diyi yi pe ’ba ti yi vu, yi ’yo ra, Adripi, emi ka ovu e’yo asi omizani be imbazu ’ba dri, emi ’yo.

¹⁶Paulo eri enga, erini yi ogaria drisi eri ’yo kini: Emi agupi Israelini azini emi ’ba Mungu rupi ’diyi, emi eri.

¹⁷Mungu suru ’diri Israeliniri ope ndra ama a’bipi, eri ’ba suru nde uru ewu yini adrizu angu Misiriniarisi, ofu ndra yi wu okporu inirisi.

¹⁸Te ekile eli kali su ’dipi ma alia dria eri mba yi ma ta asi tezasi roko dria.

¹⁹Eri ka suru jururu aziri angu Kananini ma alia ’diyi ma dri ja ’bo, eri fe angu ’ba nde ’diyini yi dri ovuzu yiniru ekile eli turu su drini kali towile,

²⁰E’yo ’diri ma vutia, eri fe ’ba e’yo olipi ’diyi yi dri ecazu nabi Samueli vu.

²¹Vilerisi yi zi opi; azini Mungu fe yi dri Saulo Kisimvi, ’ba suru Benyaminini, eli kali suo

²²Eri ka eri nze ra, eri enga Daudini ovuzu opi yini; eri nze eri ma e’yo eti ’yozu kini, Ma isu Daudi Yese mvini, eri ’ba ma asini lele ngapi e’yo dria mani leleri ’yepiri’i.

²³Engazu agu ’di ma ori ma alia, Mungu eji Israeli vu ’Ba ’ba Papiri Yesu, ekile erini azile ndrarile.

²⁴De eri ecani ku, Yohana olu baputizi asi ojazani ma e’yo ’ba, Israelini ’diyi dri dria.

²⁵Yohana ka ’ye acita erini de, eri ’yo, Emi ega ma a’di’i ya? Ma eri’i yo. Te emi ne, ’ba azini nga emu ma vutia, mani dri fuzu onyisi enyiriko eri ma paari ayuzu kuri’i.

²⁶Adripi, a’bianzi Iburahimuni azini ’ba Mungu rupi ovupi emi eselia ’diyi, epe pata ’diri ma e’yo ma ti ama vu ’boo

²⁷Te ’ba ovupi Yerusalemua ’diyi ’ba yi dri cepi, diyi be, yini ’ba ’did nile kurisi azini yini o’duko nabini ovupi lazaru sabato dria vusi ’diyi vale kurisi indi, yi fe e’yo ’diyi ma ’ye yi trotro, yini eri ndele e’yo lizasirisi,

²⁸Yi isuni e’yo efi eri alia eri fuzuri ku, te ’ti yi a’i Pilato ma fu eri.

²⁹Te yi ka fe e’yo ovupi sizaru eri ma e’yosi ’diyi dria ma ’ye yi trotro ’bo, yi tru eri pati ruaasi, yi sa eri ’bilia.

³⁰Te; Mungu enga eri ’ba draza ma eseliasi ra;

³¹eri e’da i o’du kakau ’ba engapi Galilia emupi eri be Yerusalemua ’diyi dri, ’ba ’diyi ovu curu’do ’ba e’yo erini ma eti nzepi ’ba dri ’diyiru.

³²Te ama olu e’yo bari emi dri aziza Munguni azile ndra ama a’bipi driri’i;

³³eri fe aziza nderi ma ’ye i ama’i anzi yini dri erini Yesu engalerisi; ekile ovupi sizaru zaburi iriri ma aliarile indi, Mi ma Mvi’i, andru ma ti mi ra.

³⁴E’yo erini eri engazu ’ba draza: ma eselia erini ngazu mvizu mazu dika kuri, e’yo nderisi eri ’yo ’dinile, Ma nga e’yo onyiru Daudini alatararu azini adaru ’diyi fe mi dri.

³⁵E’yo ’dirisi eri ’yo zaburi azini ma alia indi, Mi ngani fe ’Ba Alatararu miniri ma ma ku.

³⁶Te Daudi ka ndra azi nga a’bianzi ewu erinisi ’diyi dri ekile Munguni edelerile ’boria, eri ko o’du ra, sa eri tualu a’bipi erini ’diyi be, ma ra;

³⁷te eri’i Munguni engale ’ba draza ma eseliari, ’ba nderi mani ku.

³⁸Agupi ma adripiru ’diyi la, emi ma ni di e’yo ’diri ani, ama olu emi tia kini e’yo onzi ovu wuzaru ’ba nde ’deri ma e’yosi,

³⁹te ’ba ’dirisi yi la ’ba dria eri a’ipi ’diyi kililiru, e’yo dria emini ecole ovuzaru lazaru kililiru azita Musanisi ku ’diyi ma alia.

⁴⁰E’yo ’disi emi ma netonyiru, e’yo nabini ’yoleri kazu ecazu emi vu ku:

⁴¹Emi ne, emi ’ba e’yo onzopi afusi ’diyi, emi ma ovu taisi, emi ma ali ra; a’disiku ma ’ye ’yeta ewu eminisi, ’ yeta nderi emi ngani a’i aluni ku, ’ba ka tro olu emi dri ti.

⁴²’Bani efuria, yi ’ba matu yi vu yi ma olu e’yo ’diyi yi tia sabato ecapirisi.

⁴³’Ba okezaa ’diyini yi ere u ’borisi, ’ba Yahudini kakau azin, ’ba Mungu rupi engazu suru azinia yi olapi ’ba Yahudiniru ’diyi yi bi Paulo pi ma vuti Baranaba be; te yi’i, yi ’yo yi be yi asi imbazu yi ma ebi yi asi ndriza Munguni be ’dani.

⁴⁴Sabato ecapirisi ’ba aku amboru nderi ma alia ’diyi eca ekile dria e’yo Munguni erizu.

⁴⁵Te ’ba Yahudini yi ka ’ba ongulumuru ndre, yi ovu ma’yalasi tre, yi ’ba agata ga e’yo Pauloni olulerisi, yi eri o’da o’da.

⁴⁶Te Paulo pi Baranaba be yi ’yo e’yo uri kokoru, ’yozu kini, Adani, e’yo Munguni ma ovu oluzaru emi dri oko raka, Te ’dini emini e’yo nderi zele ’dalerisi, emini egale kini sini emi idri ’dani ’dani isuzu kurisi, emi ne, ama oja ama ’ba Jururu ’diyi vu.

⁴⁷Opini azita fele ama dri ’dinirisi, Ma ’ba mi ovuzu dizale ’ba Jururu ’diyi dri, ’dini mi ma ji e’yo patani wudrikuru ma kalatini asiria.

⁴⁸’Ba Juruni yi ka e’yo nderi eri ra, yi ovu ayikosi, yi inzi e’yo Opini; te ’ba dria opele idri ’dani ’dani isuzu ra ’diyi, yi a’i ra.

⁴⁹E’yo Opini eri ku wakaka angu nderia dria.

⁵⁰Te ’ba Yahudini yi mu oku ’wara inzita yini ma vuti bipi avasi ’diyi vu, azini agupi amboru aku nderia ’diyi vu indi, yi esu yi bile inzata fezu Paulo pi dri Baranaba be, dro yi angu yini ma eseliasi ra.

⁵¹Te ’ba ’diyi yi we irifura yi ma paari va yi vu, yi mu Ikoniaa.

⁵²’Ba Yesu vuti bipi ’diyi yi ga ayikosi tre, Orindi Alatararurisi indi.