Read lugbara 'Ba Rumia 'Diyi 12 Bible Online

'Ba Rumia 'Diyi 12 - lugbara bible

'Ba Rumia 'Diyi 12

¹Ma vini matu ’ba emi vu, ma adripi, yiki aleru Mungunirisi, emi fe emi rua eri dri ekile afa edetaru idriru, alatararu, ayiko fepi Mungu dririle; ’diri azi emini yekeri’i.

²Te emi ma si emi ’ba ewu ’dosi ’diyile ku, te emi oja emi asisile ’bazu o’diru, emi ma ni ani e’yo Munguni leleri, ovupi onyiru, ayiko fepi, kililiruri.

³Te ma ’yo emi tia alu alu, ’yeta anzutiri fele ma dririsi, emi ma ega e’yo emi vileri afusi aga ku, te emi ma ega e’yo emini ovuzu ani asi e’yere be, ekile Munguni esele a’itani awale ’ba alu alu dririle.

⁴Te ekile amani ovule rua esele be kakau rua alu ma aliarile, te azi rua esele alu aluni ovuni trotro ku,

⁵’dini ama ovupi kakau ’diyi ti, ama ovu rua alu Kristo ma alia, te ama dria alu alu ovu rua esele ama agyini indi.

⁶Te amani ovuria afa feza be ndu ndu ekile fele ama dri ’yeta anzutirisirile, kani e’yo oluzu, ama ma olu ekile esele a’ita amanirini ovulerile;

⁷kani ’ba aza kozu, ama ma ’ba asi azi ’ba aza kozuri ma dria; te ’ba ’ba imbapiri ma ’ba asi imbata dria;

⁸’ba ’ba asi omipiri, eri ma ’ba asi asi omiza ma dria’i; ’ba afa fepiri, eri ma fe asi basi; ’ba ’ba dri cepiri, eri ma ’ye asi driasi; ’ba yiki ’bapi ’ba vuri, eri ma ’ba yiki nde ayikosi.

⁹Emi ku ale ma ovu lokiri kokoru; emi ngu e’yo onziri onzi, emi ebi emi e’yo onyiruri vu;

¹⁰ale adripi vuri ma e’yosi emi ma le emi avasi; emi ma inzi emi ma agyi ma e’yo oko.

¹¹Emi ovu ovuouni ku, emi ’ye e’yo asi driasi, azi ngazu Opi dri.

¹²Emi ovu ayikosi e’yo tezu luzu drile, emi ovu asi tezasi inzata me alia, Mungu zizu ’dani asi okporu be

¹³Emi ko ’ba alatararu ma aza afa ovupi yi vu yo ’diyisi, emi fe emi asi wa’di a’izu.

¹⁴Emi fe asi ndriza ’ba emi inzapi ’diyi vu; emi fe asi ndriza, emi tri yi ku.

¹⁵Emi ma ovu ayikosi ’be ayikoru ’diyi be, emi owu ’ba owupi ’diyi be.

¹⁶Emi ovu asisile alu be emi eselia; emi ma ovu egata asi afusiri be ku, emi a’i emi ecizu ’be were ’diyi be; emi ma ovu onduaru emi ma ngulupi ma milia ku

¹⁷Emi ma omvi onzi e’yo onzi me paria ariotiru ’ba aluni dri ku. Eri dro asisile e’yo emini ’yele ’diyi ma ovu kililiru ’ba dria ma milia.

¹⁸Ka eco rarisi, e’yo eminisi emi ma ovu asi anzuru be ’ba dria vu.

¹⁹’Ba mani lele ’diyi, emi ma omvi arioti emi’i ku, te emi te adra Munguniri erini ovule sizarurisi, Arioti omvizuri e’yoni mani, ma nga ariotini ofe ma’i, Opi ’yo ra.

²⁰Te ari’bo mini ka ovu abirisi mi fe nyaka eri dri, yi avijo ka eri fu ra mi fe eri ma mvu; te mini ’yele ’dinirisi mi nga aciolu vepi acisiri oku eri ma dria.

²¹Emi ma a’i e’yo onzini emi ndezu ku, te emi Inde e’vo onzi e’yo onyirusi.