Read lugbara 1 'Ba Korintoa 'Diyi 8 Bible Online

1 'Ba Korintoa 'Diyi 8 - lugbara bible

1 'Ba Korintoa 'Diyi 8

¹E’yo nyaka fele wura inzile inzi ’diyi dririsi: ama ni ra ama dria ovu nita be. Nita eri ’ba dri afu feni, te leta eri ’ba ezoni,

²’Ba azini kal osu kini i ni e’yo ra, isu de eri nini nga ekile onyiru eri ma ni rarile ’dini ku.

³Te ’ba Munguni lepi avasiri, Mungu ni ’ba nderi ra.

⁴E’yo nyaka fele wura inzile inzi ’diyi dririsi, ama ni ra kini wura ’bani inzile inzi nyakuari eri afa tokoni, azini Mungu azini yo pe alu eri’i.

⁵Te ka tro afa kakau indi yini omvele munguru, kani ’bua kani nyakua ’diyi tiekile ’bani ovule Mungu be kakau azini opi be kakaurile

⁶te ama vuni Mungu eri alu, Ata’i, afa dria efu eri ma alia, azini ama’i ovuzu eriniru; azini Opi alu, Yesu Kristo’i, afa dria efu geri eri vurisi, azini ama efu geri eri vurisi indi.

⁷Te ’ba dria ovuni nita ’diri be ku. Te ’ba azini, wura inzile inzi ’diyi ma e’yoni yi sile ’bo kpere curu’dorisi ’diyi, yi afa nya ekile eri afa fe1e wura inzile inziri dririle; t’e e’yo niza yini, erini ovule okpo kokorurisi, eca onzi.

⁸Te nyaka feni Munguni ama a’izuni ku. Te ama ka nya ku, onzi amani agani ani ku; ama ka nya ra, onyi amani agani ’Ivini ku.

⁹Te emi ma ovu mile be, okpo emini ’diri kazu ecazu kumuru ba okpo kokoru ’diyi dri ku.

¹⁰Te ’ba azini ka mi, ovupi nita beri, ndre mini riria mesa tia wura nzile inziri ma loa, ’ba okpo kokoru diri ma e’yo niza ngani eri se drile drile kpere erini afa fele wura inzile inziri driri nyazu ku ya?

¹¹’Dini nita minirisi, ’ba okpo kokoru nderi ja dri ra, eri adripi Kristoni drale erisiri’i.

¹²’Dini emini adripi ’diyi ’yeria onzi, azini emini e’yo niza yini ovupi okpo kokoruri furia, emi ’ye onzi Kristo vu.

¹³E’yo ’dirisi, nyaka ka ma adripi fe e’dezuni, ma ngani za nya dika aluni ku, ma kazu ma adripi fezu e’dezu ku.