Read lugbara 2 'Ba Korintoa 'Diyi 10 Bible Online

2 'Ba Korintoa 'Diyi 10 - lugbara bible

2 'Ba Korintoa 'Diyi 10

¹Te ma’i Paulo, ma emi zi asi afu kokoru Kristonisi, azini e’yo e’yereru erinisi indi-ma’i ovupi e’yere emi eselia mani ovuria emi miliari, re mani ovuria emi be reria ma ovu asi okporu be emi vu-

²ma mate ’ba emi vu, mani ngaria ovuria emi eselia indi ma ma ece asi okporu asi teza be, ekile mani egale ovuzu okporu ’ba azini egapi kini ama aci ruasi ’diyi vurile, ’dini ku.

³Te ama ka aci rua ma alia ri, ama ’bani omba ruasi ku,

⁴a’disiku afa ombani amani ’diyi ovuni afa ruani ku, te yi okporu Mungusi pari okporu ’diyi asuzu va.

⁵Ama agata gaza asu va, afa dria i ’bapi uru nita Munguni ma geri ogapi ’diyi be, e’yo dria ’bani otule i asia ’diyi bizu ari’boru Kristo ma e’yo erizu;

⁶ama ovu edezaru ngonde panga fezu edematara dria ma e’yosi, e’yo eriza emini ka nga i ’ye raria.

⁷Emi ndre afa ovupi emi milia ’diyi. ’Ba azini ka a’i i asia kini i ’ba Kristoni, eri ma ega vini e’yo ’diri i asia dika, kini, ekile erini ovule ’ba Kristonirile, ama’i ama ovu ’dinile indi.

⁸’Dini ma ka tro ma enya amboru were okpo amani Opini fele emi sizu uru, te emi asuzu va kuri ma e’yosi ti, ma ngani ovu drinzasi ku.

⁹’Dini ma leni ovu emi milia ekile mani lele uri fele emi dri waraga mani silerisirile ku.

¹⁰A’disiku ’ba nde kini, Waraga erini yi we nzizaru azini okporu,re ka ovu indi ruani okpo kokoaru, azini e’yo oluzaniri toko.

¹¹’Ba ’dinileri ma ega ’dini, kini, ekile amani ovule e’yo sile waraga ma aliarisi amani ovuria reriarile, ama nga ovu ’dinile ’yetasi ama ka nga ovu emi eselia indiria.

¹²’Dini ama ovuni asi okporu be ama lazu kani o’bizu ’ba azini yi ngulupi inzipi ’diyi be trotro ku. Te ’ba ’diyi yini yi ngulupi ma e’yo o’biria yi ngulupisi, azini yi ma ngulupi o’biria yi ma ngulupi be ceni ceni, yi ovu ondua kokomo

¹³Te ama ngani ama enya aga lo’biza amani ku, te lu esele Munguni awale ama driri ma o’biza vusi, cazu kpere emi vu.

¹⁴’Dini ama aseni lama ngulupi ma e’yo izuru, ekile ’ba ecapi nga emi vu ku ’diyile ’dini ku; a’disiku ama eca kpere emi vu e’yo baru Kristonisi okoni ama’i.

¹⁵Ama enyani ama aga o’biza amani, ’ba azini ma azi okporu ma e’yosi ku; te ama ovu asi teza be, a’ita eminini zoria ’boria, esele amani nga ovu ’bazaru amboru aga ra e’yo eminisi,

¹⁶kpere amani ngaria e’yo bari oluria angu emi ma kala ’daleria, amani ani ama enyazu azi ovupi edezaru angu esele o’bile ’ba azini driri ma aliari ma e’yosi ’dini ku.

¹⁷Te ’ba i enyapiri ma enya i Opisi.

¹⁸’Dini a’ini ’ba i ngulupi inzipiri’i ku, te ’ba Munguni inzileniri’i,