Read lugbara 2 'Ba Korintoa 'Diyi 3 Bible Online

2 'Ba Korintoa 'Diyi 3 - lugbara bible

2 'Ba Korintoa 'Diyi 3

¹Ama e’do dika e’yo ama ngulupini ecezu ama ’ba onyiru ya? Kani ama le, ekile ’ba azini ’diyile, waraga e’yo amani ecezu, sile emi vu, kani emini sile ’diyi ya?

²Emi ovu waraga amani, ovupi sizaru asi amani alia, ’ba driani nile ra azini lale rari’i;

³te emi e’da ce ovuzu waraga Kristoni, amani azini ’yele, sile vino kokoru te Mungu idriruri ma Orindisi, afa ’barataru edele onisiri ma dria ku, te afa ’barataru ’ba ma asiari ma driari’i.

⁴Te Kristosi ama ovu a’ita i ’dinileri be Mungu vu.

⁵Ovuni kini ama fu dri ama ngulupisi, amani e’yo azini egazu kini eri efu ama ngulupisi, ’dini ku, te dri fuza amani enga Mungu vu;

⁶eri ’ba ama fudri ovuzu ’ba aziza o’diruri ma azi aza kopi ’diyiru, waraga efisi ku te Orindisi; isu waraga efini ’ba fu fu, te Orindini idri fe.

⁷Te azi ngaza dratani, opale waraga efisi oni driari ka ovu ndra diza be, ’dini econi anzi Israelini Musa ma mile luzaru ’dani eri mileni dilerisi ku, ka tro diza nde ’ye i de de ti,

⁸ka’dini azi Orindiniri ngani ovu diza be tunini ku ya?

⁹’Dinile azi e’yo liza ’ba ndezuriniri ka ovu diza be, azi ’ba lazu kililiruri agani diza be amboru tu ku ya?

¹⁰Te ada, afa nde ndra ovupi dizaruri eca ovu diza kokoru, diza agapi turi ma e’yosi.

¹¹’Dini afa ’yepi i depi rari ka emu ndra diza be, afa ovupi ’dani ’daniri ovuni diza be tunini ku ya?

¹²E’yo ’dirisi amani ovuria asi teza ’dinileri be, ama e’yo ’yo mgba a uri kokoru,

¹³azini ama ovuni lekile Musale leu, erini bongo ’bale i mile a’buzu anzi Israelini kazu mile ’bazu diza nde ’yepi i depi deri luzu kpere erini i deria kurile.

¹⁴Te asisile yini mba kongolokoru; te ecazu kpere o’du andru ’dorisi, ’bani aziza okuri laria, a’buza ’diri ovu ’dani ayukokoru, te bongo a’buza ’diri de i Kristo alia.

¹⁵Te ecazu kpere andru, ’bani azita Musani laria yi dri, bongo a’bu yi ma asi ’dani;

¹⁶te ’ba ka i asi oja Opi vu, bongoni i ’du ra.

¹⁷Te Opi ndeni Orindi, pari Opi ma Orindini ovuzuria, trutani ’daa indi.

¹⁸Te ama dria, mile a’bukokoru be, diza Opini e’dapi ekile mandara ma aliarile ’diyi, ama ama oja ovuzu wura eriniru, engazu diza vu kpere diza vu drile drile; te e’yo ’diri enga Opi ovuni Orindi’iri vu.