Read lugbara 'Ba Galatiaa 'Diyi 4 Bible Online

'Ba Galatiaa 'Diyi 4 - lugbara bible

'Ba Galatiaa 'Diyi 4

¹Te ma ’yo ’dini, karimvani ovuzu nga mvarorisi eri coni i esele ati’bo be ndu ndu ku, ka tro ovu afa dria ma opiruni ti;

²te eri ovu ’ba eri ma agei tepi ’diyi pi ma palaa ’ba afa ta mbapi ’diyi be, de nga ewu eri ma atini peleri ecani ku.

³’Dinile ama’i indi, amani de ovuria anziru ama ovu ndra ati’boru e’yo drio nyakuni ’diyi ma palaa.

⁴Te ewu Ika eca fu dri ’bo, Mungu pe Mvi ini ma ti osizaru oku dri, osizaru azita ma palaa,

⁵eri ma onze ’ba ovupi azita ma palaa ’diyi ani, ama ma isu e’yo ama ’bazu anzi eriniruri beni.

⁶Te emini ovule anzinirisi, Mungu pe Orindi i ma Mviniri ma ti ama asia, wuzu kini, Aba, efini Ata’i.

⁷’Dini curu’do mi ovuni ati’boru ’dani ku, te mvani; te mi ka ovu mvani, mi di ’ba awuruso isupi Mungusiri’i.,

⁸Ewu ’dasi emini ndra Mungu niria kuria, emi ovu ndra ati’baru adrou ovupi munguru ku ’diyi ma palaa;

⁹te curu’do emini Mungu niria ’boria, te agapiri Munguni emi niria ’bo, emi asi vile dika e’yo drio okpo kokoru azini aliarioru ’diyi vu, emini lezu ovuzu ati’boru yi dri dika, ngoni ngoni ya?

¹⁰Te emi o’du pi inzi, mba pie, ewu pie, eli pie dria!

¹¹Ma ovu urisi emisi, kani ma inza ma emisi toko yani.

¹²Ma matu ’ba emi vu, adripi, emi ma ovu mani ovulerile, a’disiku mani ovule emilerisi. Emi ’yeni ndra ma vu onzi aluni ku;

¹³te emi ni ra kini ma olu ndra e’yo bari emi tia okorisi ma ruani ovule okpo koko-i rurisi;

¹⁴te ka tro ndra e’yo ma ruaari o’bi emi o’bi o’bi ti, emi ’bani ma edematararu ku, emi onzoni ma ku, te emi a’i ndra ma ekile malaika Mungunirile, ekile Kristo Yesule.

¹⁵Ayiko ndraka emini emi omvezu drilebaruri curu’do ngoa ya? Te ma ’ba e’yo emini ma eti nzepiri kini, ka ndra ’ye ’di eco rani, emi ’ye ndra emi mileefi nze fezu ma dri.

¹⁶Ma eca di ari’bo eminiru, mani e’yo adari olule emi tiarisi ya?

¹⁷Yi nda emi avasi ra ’bo, te de e’yo onyirusi ku; te yi le emi ti li ku amve, emi ma nda yi avasi beni.

¹⁸Te ’ba ka emi nda avasi e’yo onyirusi etuzu ’yeke, te ma ovu lu mani ovuria emi be indirisi ka a’dule ku.

¹⁹Anzi nyiri nyiri mani, mvaazo ’ye ma dika emisi de nga Kristo ’bani i emi alia kilili ku!

²⁰Ma ka te ovu curu’do emi be indi, o’duko mani ojazu, ’yeke tu, a’disiku ma nini ma ma ’ye emisi ngoni yari ku.

²¹Emi olu ma tia, emi lepi ovupi azita ma pajaa ’diyi, emi erini azita nde ku ya?

²²Te eri ovu sizaru kini Iburahimu ovu agianzi be iri, aluri zamva ati’borurini, aziniri oku karirurini.

²³Te yi ti mva zamva ati’borurini e’yo ruanisi, te mva oku kariruriniri e’yo azizanisi.

²⁴E’yo ’diyi yi ecetaru: oku iri ’diyi yi aziza iri. Aluri engapi oni Sinaia, anzi otizu ati’baruri; ’diri Hagari’i.

²⁵Hagari nde eri oni Sinai Arabuaari’i; siru kile Yerusalemu curu’dorile, a’disiku yi anzi ini be ati’baru.

²⁶Te Yerusalemu ovupi ururi eri kariru, eri ama andri’i.

²⁷Te eri ovu sizaru, Mi ma ovu ayikosi, mi oku ondoru mva tipi kuri la; mi oyu uru, mi otre, mi mvaazoni e’dule kuri’i; a’disiku oku kule andruari ma anzi yi kakau aga oku agupi berini ’diyi ra.

²⁸Te ama’i, adripi, ama anzi azizani ekile Isakale.

²⁹Azini ekile etu ’dasi ’ba tile e’yo ruanisirini ’ba tile Orindisiri inzalerile, eri ovu ’dinile curu’do.

³⁰Te e’yo siza ’yo ngoni ya? Kini, Mi dro zamva ati’boruri pi mvi be amve; te zamva ati’boruri ma mvi ma nya awuruso tualu oku karireri ma mvi be aluni ku.

³¹Ka’dinile, adripi, ama ovuni zamva ati’boruri ma anzi ku, te oku kariruri ma anzi.