Read lugbara 1 'Ba Tesalonikia 'Diyi 2 Bible Online

1 'Ba Tesalonikia 'Diyi 2 - lugbara bible

1 'Ba Tesalonikia 'Diyi 2

¹Te adripi, emi ma ngulupi ni ama fini ndra emi eselia oye ku;

²te yini tro ndra ama ecandizu oko, azini ama ’yezu onzi Filipia rari ti, ekile emini nilerile, ama ovu uri kokoru Mungu amani ma alia e’yo baru Munguniri oluzu emi tia agata gaza okporu ma eselesi.

³Ama oluni asi omiza amani inzo ma e’yosi ku, kani e’yo alatara kokorurisi, kani lokirisi, ’dini ku;

⁴te ekile Munguni ama o’bile lale onyiru erini ani e’yo bari kuzu ama dri oluzu ’borile, ’dinile ama olu ra, ayiko fezu ’ba dri ku, te Mungu asi amani o’bipiri dri,

⁵Te engazu drio ama ’yoni e’yo inzita lokiriruri be ku, ekile emini nilerile, kani ’baza afasiri ma ri a’buzu inzosi, ’dini ku, Munguni e’yo ’diri ma eti nipiri;

⁶ama ndani inzita ’ba vu, kani emi vu, kani ’ba azini vu aluni ku, ama ka tro eco ovuzu nzizaru emi dri ekile ’ba Kristoni ti opele ’diyile ti.

⁷Te ama ovu e’yere emi eselia, ekile endriani anzi ma ta mbalerile.

⁸’Dini, ava eminiri ama vale turisi, ama ega ndra eri onyiru kiri e’yo baru Munguniri fezu emi dri a’dule ku, te asi amani fezu indi, emini ovule ’ba ama asini lele tu ’diyi’irisi.

⁹Te emi ega, adripi, azi okporu azini maturu amani ngale ndrari; ama adri ndra azi nga inisi etusi, ama ma ovu nzizaru ’ba aluni emi eseliari dri ku beni, amani ndra riria e’yo baru Munguniri oluria emi tiaria.

¹⁰Emi ovu ’ba e’yo amani ma eti nzepi ’diyi, azini Mungu’i indi, kini ama ri ndra ovu emi ’ba e’yo a’ipi, diyi ma eselia asi alarusi e’yo kililiruri be, asu suza ama ruaani ndra yo;

¹¹te emini nilerile, ama ri ’ye emi vusi emi vusi dria alu alu, ekile atani ’yele anzi ini vurile, emi asi omizu azini omvizu, e’yo eti nzezu emi dri,

¹²emi ma ad ani onyiru ekile Mungu emi omvepi fizu suru ini pi ma alia diza ini berini lelerile.

¹³E’yo ’disi ama kuni awa’difo i’yozu Mungu dri ku, a’disiku emini e’yo Munguni ’diri eriria ama vu, emi a’ini eri ekile e’yo ’banirile ku, te ekile erini ovule adadarurile, ekile e’yo Munguni, azi ngapi emi ’ba a’ipi ’diyi ma aliarile.

¹⁴’Dini, adripi, emi ofu ndra ovuzu ’ba kanisa Munguni ovupi Yudiaa Kristo ma,alia ’diyi ma pamvu o’bipi ’diyiru; a’disiku emi ma ngulupi isu ndra candi emi ori’ba dri trotro ekile yini i isule ’ba Yahudini dririle.

¹⁵’Ba Yahudini ’diyi ofu ndra Opi Yesu pi nabi pie, inza ndra ama ama drozu ra, te yi feni ayiko Mungu dri ku, yi ’ba i dria be ari’baro,

¹⁶ama ogazu e’yo oluko ’ba Jururu ’diyi dri si yini yi pazu ani-’dini yi fe e’yo onzi yinini ezuzu tre etuzu ’dani, Te aoko eca yi ma dria kpere etu asizaniria ’bo!

¹⁷Te ama’i, adripi, ovupi esele cozaru emi be ewu weresi, milesi te asi ma alia ku ’diyi, ama ’ba asi tu lezu emi mile ndrezu ava amborusi;

¹⁸a’disiku ama le te ndra ’ye mu elini vuma’i Paulo pale alu azini pale iri-te Satani oga ndra ama si.

¹⁹Te asi teza amani, kani ayiko amani, kani ekilaza amani afu ’bazu Opi amani Yesu ma milia, ewu erini emvizuri ngarerisiri a’di’i ya? Eri emi’i ku ya?

²⁰Te emi diza amani azini ayiko amaniri emi’i.