Read lugbara 1 'Ba Tesalonikia 'Diyi 4 Bible Online

1 'Ba Tesalonikia 'Diyi 4 - lugbara bible

1 'Ba Tesalonikia 'Diyi 4

¹E’yo acepiri ’di, adripi, ama matu ’ba emi vu emi asi omizu Opi Yesu ma alia, kini, ekile emini ndra e’yo a’ile ama vu acizu ani onyiru lazini ayiko fezu Mungu dririle, ada ekile emini acilerile, emi ma ere emi drile drile.

²Te emi ni e’yo amani azile emi dri Opi Yesusiri ra.

³Te e’yo Munguni leleri ’di, ’baza emini alatararuri: emini emi onazu ali ’bazasi;

⁴emi dria alu alu ma ni ovuzu rua ini ma opiru alata pi ma alia inzita be,

⁵li ava ruanirini ma alia ekile ’ba jururu Mungu nipi ku ’diyile ku;

⁶’dini ’ba aluni ma eza ku, adripi ini ’yezu onzi e’yo ’diri ma alia, Opini ovule ’ba arioti ofepiri’i e’yo ’diyi ma alia drianirisi, ekile amani emi bilendu lile drio, e’yo eti nzezu emi tia okorile.

⁷Te Mungu omveni ndra ama e’yo onzikanyarusi ku, te alata ma alia.

⁸E’yo ’dirisi ’ba e’yo gapiri gani ’ba ku, te Mungu Orindi Alatararu fepi emi driri’i.

⁹Te leta adripi lezuri ma e’yosi, leni ma ma si e’yo azini emi vu ku, emi ma ngulupini ovule imbazaru Mungu dri emi lezu emi eseliarisi;

¹⁰te adaru emi le adripi ovupi Makedonia dria ma alia ’diyi dria ra. Te ama emi asi omi, adripi, emi ma aga drile drile,

¹¹emi ’ye asi driasi ovuzu e’yere, emi ma ’ye azi emi ngulupiniri, azi ngazu dri eminisi, ekile amani emi azilerile;

¹²acita eminiri ma e’da’i kililiru ’ba ovupi ’’amveleru ’diyi vu beni, alio afa azinini ma fu vini emi ku indi.

¹³Te adripi, ama leni emi ma ovu nita kokoru ’ba o’dua ’diyi ma e’yosi ku, emi kazu ovuzu imvosi ’ba azini lasi ’bapi e’yo tezu ku ’diyile ku.

¹⁴A’disiku ama ka a’i kini Yesu dra ra, enga vini ra, ’dinile indi Yesusi, Munguni nga ’ba o’dua ’diyi eji eri ibe indi.

¹⁵Te ama ’yo e’yo ’diri emi tia e’yo ’yoza Opinisi, kini, lama’i acepi nga idriru kpere emviza Opini vu ’diyi, ama ngani mu ’ba o’dua ’diyi ma drilia oko ku;

¹⁶A’disiku Opi ma ngulupini nga ’lesi va ibizu ’bua, e’yo oyuza be, o’duko malaika drilerurini be, guka Munguni pie. Te ’ba drapi Kristoi ma alia ’diyi yi nga enga okonini;

¹⁷vutinia ama’i ’ba acepi idriru ’diyi, ama nga ovuo’duzaru mbelekocici yi be tualu iriti ma alia, dri fuzu Opi be angu ’buari ma eselia agadua; ’dini ama nga ovu. Opi be tualu ’dani.

¹⁸E’yo ’disi emi ma emi asi emi eselia e’yo ’diyisi.