Read lugbara Yosua 15 Bible Online

Yosua 15 - lugbara bible

Yosua 15

¹Angu anzi Yudani ma suruni isule awurusoru enyati yini vusiri ovu kpere angu Edomuni mkalaa, ada kpere roko Ziniaria uruleru, roko nde ma kalatini asizu uruleruria.

²Esele yini kala uruleruri e’do asiza Miri A’irunia, engazu yi oji ti fepi uruleruria;

³engazu ’dale lokiri nde aga kala uruleru de nga cani pari ’bani tuzu Akarabimuaria ku, aga kpere Zinia, tu vini dika Kadesi-barinea ma kala urulerua, aga geri Hezironiarisi tuzu Adaria, oja i ani kpere Karikaa,

⁴aga cazu Azimonia, eri nga vini fu yi ara Misirinia, esele nde ma lokiri ma asiza fu asizu mirialeru. Lokiri erruru uruleruri eri ’di.

⁵Lokiri etuni efuzurialeruri eri Miri A’iruri’i, kpere ecazu asiza Yoridaninia indio Lokiri kala andraleruriari e’do i miri ma yioji Yoridani ma asizaniriaria;

⁶engazu ’darisi esele nde ma lokiri tu kpere Betihogilaa, aga Beti-araba ma kala andralerurisi; lokiri nde aga tu kpere kata Bohani Rubeni mvinira;

⁷engazu a’bu Akorinia lokiri nde tu kpere Debiria, mu ’dani andraleru luzu Giligali vurialeru, otizaru angu tuza Adumimuni, yi raza ma tia ’aa’dasi kala uruleruari be; Lokirini nga aga kpere yi Eni-semesini vu, asizaniri fu asi ani Enirogelia;

⁸vilerisi angu esele nde ma lokiri nga di tu geri a’bu Hinomu mvi vilerisi ’ba Yebusini ma angu kalatiasi uruleru (angu nde bani Yerusalemu’i); lokiri nde nga vini tu oni ovupi a’bu Hinomuni ma drilia etuni ’derialeruri ma drisi, oni nderi a’bu Refaimuni ma kalatini asiria andraleruri’i;

⁹engazu oni ma driasi idri i kpere cazu yi a’di Nefitoaria, fu vini kpere aku oni Efironini ma dria ’diyia; idri i vini cazu Balaa (angu nde Kiriati-yearimu’i);

¹⁰engazu Balaarisi angu esele nde ma lokiri nga i oja kala etuni ’dezuria cazu oni Seirinia, aga vini oni Yearimuni ma tiasi kala andraleru (angu nde Kesaloni’i), ’dalerisi si Betisemesia, aga ani geri Timinaarisi;

¹¹angu esele nde ma lokiri efu Ekironi ma tia kala andraleruria, vilerisi lokiri idri vini i cazu Sikeronia, aga kpere oni Baalania, mu di efu vini Yabineelia; esele nde ma asiza efu asi di miria.

¹²Lokiri etuni ’deriari ovu kpere miri amboruri pia angu ageiniari be. Anzi Yudani ma angu ma kalati yi ageia enyati yini vusiri eri ’di.

¹³Kalebu Yefune mvi dri eri fe awuruso anzi Yudani eselia, azita Yehovani azile Yosua tiarile; eri Kiriati-ariba’i, eri bani Hebironi’i ’(Ariba nde ndra Anaki ma ati’i).

¹⁴’Dalerisi Kalebu nga anzi Anakini na odro ra, Sesai pi Ahimani pie Talimai be, yi anzi Anakini.

¹⁵’Dalerisi nga tu ’ba ovupi angu Debiria ’diyi vu omba ’bazu; Debiri ma ru ndra okorisi Kiriati-seferi’i.

¹⁶Te Kalebu nga ’yo ra, ’Ba ngapi aku Kiriati-seferini ndepi ombasi eri bipi rari, ma nga zamva mani Akisa fe eri dri okuru.

¹⁷Otinieli Kenazi Kalebu ma adripi ma mvi bi eri ra; eri nga di i zi Akisani fe eri dri okuru ani.

¹⁸Nga eca ’dini zamva ’dirini caria agupi vile ’bo, eri omi eri amvu a’izu ati dri; dinile Akisani esiria va akanya driarisi, Kalebu nga zi tinia, Mi le a’dini ya?

¹⁹Eri nga ’yo tinia, Mi fe ma dri afa feza asi ndrizaniri; mini ma ’bale angu uruleru ma alia ’borisi, mi ma fe ma dri yi a’di indi fo! Nga ani eri dri yi a’di ururi pi fe andrari be iri tro,

²⁰Awuruso suru anzi Yudanini, awale enyati yini vusi ovuzu esele ’yiniruri eri ’di.

²¹Angu Yudani asirialeru dri fepi esele Edomu beria kala Uruleruria, aku ’diyi ndra aleniani: Kabizeeli pi, Ederi pi, Yaguri pi,

²²Kina pi, Dimona pi, Adada pi,

²³Kedesi pi, Hazori pi, Itinani pi,

²⁴Zifu pi, Telemu pi, Bealoti pi,

²⁵Hazori-hadata pi, Kerioti-hezironi pi (akunde Hazori’i),

²⁶Amamu pi, Sema pi, Molada pi,

²⁷Hazari-gada pi, Hesimoni pi, Beti-peleti pi,

²⁸Hazari-suali pi, Beeri-seba pi, Biziotia pi,

²⁹Baala pi, Iyimu pi, Ezemu pi,

³⁰Elitoladi pi, Kesili pi, Horima pi,

³¹Zikilagi pi, Madimana pi, Sanisana pi,

³²Lebaoti pi, Silimu pi, Aini pi, Rimoni pie: aku ambo ambo dria tualu kali iri drini oromi, aku nyiri nyiri yini ’diyi be.

³³Angu eleri ma alia yi Esitaoli pi, Zora pi, Asina pi,

³⁴Zanoa pi, Eni-ganimu pi, Tapua pi, Enamu pie,

³⁵Yarimuti pi, Adulamu pi, Soko pi, Azeka pi,

³⁶Saaraimu pi, Aditaimu pi, Gedera pi, Gederotaimu pie: aku ambo ambo mudri drini su, aku nyiri nyiri yini ’diyi be.

³⁷Zenani pi, Hadasa pi, Migidali-gadi pi,

³⁸Dilani pi, Mizipe pi, Yokiteeli pi,

³⁹Lakisi pi, Bozikati pi, Egiloni pi,

⁴⁰Kaboni pi, Lahimamu pi, Kitilisi pi,

⁴¹Gederoti pi, Beti-dagoni pi, Naama pi, Makeda pie: aku ambo ambo mudri drini azia, aku nyiri nyiri yini ’diyi be.

⁴²Libina pi, Eteri pi, Asani pi,

⁴³Ifita pi, Asina pi, Nezibu pi,

⁴⁴Keila pi, Akizibu pi, Maresa pie: aku ambo ambo oromi, aku nyiri nyiri yini ’diyi be.

⁴⁵Ekironi pi, aku ambo ambo erini be, aku nyiri nyiri erini ’diyi pie indi;

⁴⁶engazu Ekironiasi cazu miri tia, aku dria Asidodi ma kalaa ’diyi pi, aku nyiri nyiri yini ’diyi be.

⁴⁷Asidodi pi aku ambo ambo erini pie, aku nyiri nyiri erini ’diyi be; Gaza pi aku ambo ambo erini pi, aku nyiri nyiri erini ’diyi be; cazu yi raza Misirini pi ma tia miri amboruri be, kalani be indio

⁴⁸Azini angu oni eseliaria, Samiri pi, Yatiri pi, Soko pi,

⁴⁹Dana pi, Kiriati-sana pi (pari nde Debiri’i),

⁵⁰Anabu pi, Esitemo pi, Animu pi,

⁵¹Goseni pi, Holoni pi, Gilo pie: aku ambo ambo mudri drini alu, aku nyiri nyiri yini ’diyi be.

⁵²Arabu pi, Duma pi, Esani pi,

⁵³Yanimu pi, Beti-tapua pi, Afeka pi,

⁵⁴Humuta pi, Kiriati-ariba (ovupi Hebironi’iri) pi, Ziori pie: aku ambo ambo oromi, aku nyiri nyiri yini ’diyi be.

⁵⁵Maoni pi, Karimeli pi, Zifi pi, Yuta pi,

⁵⁶Yezireeli pi, Yokideamu pi, Zanoa pi,

⁵⁷Kaini pi, Gibea pi, Timina pie: aku ambo ambo mudri, aku nyiri nyiri yini ’diyi be.

⁵⁸Haluli pi, Beti-zuri pi, Gedor pi,

⁵⁹Maarati pi, Beti-anoti pi, Elitekoni pie: aku ambo ambo azia, aku nyiri nyiri yini ’diyi be.

⁶⁰Kiriati-baali (ovupi Kiriatiyearimu’iri) pi Raba be: aku ambo ambo iri, aku nyiri nyiri yini ’diyi be.

⁶¹Roko dria yi Beti-araba pi, Midini pi, Sekaka pi,

⁶²Nibisani pi, aku amboru Aini pi, Eni-gedi pie: aku ambo ambo azia, aku nyiri nyiri yini ’diyi be.

⁶³Te ’ba Yebusini ovupi Yerusalemua ’diyi ma e’yosi, adani anzi Yudani econi ndra yi odrozaru ku; te ’ba Yebusini adri anzi Yudani pie tualu Yerusalemua kpere o’du ’doria.