Read lugbara Yosua 16 Bible Online

Yosua 16 - lugbara bible

Yosua 16

¹Te angu Yusufu anzipini isule awurusoruri enga Yoridaniarisi Yerikoa ’daa, yi Yerikoni ma tiasi kala etuni efurialeru, ada angu rokoru ma alia, eri tu engazu Yerikoasi agazu angu oni eseliari ma alesi cazu Beteli vu;

²Eri fu engazu Beteliasi cazu Luzia, aga ’ba Arikini ma kalasi kpere Atarotia;

³si vini andra etuni ’derialeru angu ’ba Yafiletiniri ma kalatisi kpere Beti-horoni eleri ma kalatia, adani kpere Gezeria; asizaniri fu mu asi miria.

⁴Te anzi Yusufuni, Manase pi Efiraimu be, bi di yi ma awuruso ra.

⁵Anzi Efiraimuni ma angu ma esele enyati yini vusiri ovu ’dinile: angu yini awurusoruri ma kalati etuni efurialeruri ovu Ataroti-ada,ri’i, kpere Beti-horoni uruleruri vu

⁶esele nde ma lokiri fu etuni ’ derialeru kpere Mikimetatia angu andraleruria; ago i vini eca etuni efurialeru kpere Taanati-siloa, aga tiniarisi geri Yanoa ma kala etuni efurialeruria;

⁷engazu Yanoasi si va cazu Atarotia, azini Naaraa, cazu kpere Yerikoa, nga fu mu asi Yoridania.

⁸Engazu Tapuasi angu esele nde ma lokiri fu etuni ’derialeru, ca kpere yi ara Kanaria; asizaniri fu mu asi miria. Suru anzi Efiraimunini ma awuruso enyati yini vusiri eri ’eli,

⁹tualu aku ambo ambo ndra esele cole anzi Efiraimuni dri, awuruso anzi Manase vile ’diyini ma eselia agadua ’eliyi be, aku amboru dria alu alu aku nyiri nyiri yini ’diyi be.

¹⁰Te yi droni ’ba Kananini ovupi Gezeria ’diyi ku: te ’ba Kananini awu adri ’dani Efiraimu ma eselia kpere o’du curu’dorisi, oja eli yi ati’baru azi okporu ngazu.