Read lugbara Yosua 19 Bible Online

Yosua 19 - lugbara bible

Yosua 19

¹Odrisi ’beza iriri ’de Simeoni ma dria, efini suru Simeoni anzipini, enyati yini vusi; awuruso yiniri ovu awuruso Yuda anzipiniri ma eselia.

²Angu yini isule awuruso yiniru ’diyi yi ’di: Beeri-seba kani Seba pi, Molada pi,

³Hazarisuali pi, Bala pi, Ezemu pi,

⁴Elitoladi pi, Betuli pi, Horima pi,

⁵Zikilagi pi, Beti-marikaboti pi, Hazari-susa pi,

⁶Beti-lebaoti pi, Saruheni pie; yi aku ambo ambo mudri drini na, aku nyiri nyiri yini ’diyi be;

⁷Aini pi, Rimoni pi, Eteri pi, Asani pie; aku ambo ambo su, aku nyiri nyiri yini ’diyi be;

⁸azini aku nyiri nyiri aku ambo ambo ’diyi acepi kuru ’diyi dria indi, kpere Baalati-beeria.Rama angu uruleruria. ’Diri angu Simeoni anzipini isule awurusoru enyati yini vusiri.

⁹Angu Simeoni anzipini isule awurusoru ’diri ovu ndra lizaru angu Yuda anzipiniri ma alia; a’disiku Yuda anzipi ma anguni ovule amboru tu aga yi rarisi, e’yo ’disi Simeoni anzipi isu angu yini awurusoruri awuruso yini ma eselia.

¹⁰Odrisi nari ’de Zebuluni anzipi ma dria enyati yini vusi. Awuruso yini ma esele ca kpere Saridia;

¹¹engazu ’daarisi esele yini ma lokiri tu etuni ’derialeru cazu kpere Maralaa, kpere Dabeseti ma tia indi, ca vini yi ara rapi Yokineamu ma driliaria;

¹²engazu Saridiarisi oja i kala a’jo vu etuni efurialeru cazu Kisiloti-tabori ma lokiria;

¹³’daarisi nga fu Daberatia tuzu Yafiaa; engazu ’daarisi idri i agazu kala etuni efurialero kpere Gati-heferi pia Etikazini be; fu vini Rimonia angu nde i idripi Nea vuri’i;

¹⁴vilerisi lokiri nderi nga aku ’diri eci kalani andraleruria cazu Hanatonia; efuza asizarun a’bu Ifita-eliniria;

¹⁵azini Katati pi Nahalali pi, Simironi pi, Idala pi, Betilehemu pie-aku ambo ambo mudri drini iri, aku nyiri nyiri yini ’diyi be.

¹⁶’Diri angu Zebuluni anzipini isule awurusoru enyati yini vusiri-aku ambo ambo ’diyi, aku nyiri nyiri yini ’diyi be.

¹⁷Odrisi ’beza suri ’de Isakari ma dria, efini Isakari anzipi ma dria, enyati yini vusi.

¹⁸Esele yini ca Yezireeli pia, Kesuloti pi, Sun emu pi,

¹⁹Hafaraimu pi, Sioni pi, Anaharati pi,

²⁰Rabiti pi, Kisioni pi, Ebezi pi,

²¹Remeti pi, Eniganimu pi, Eni-hada pi, Beti-pazezi pie;

²²esele nde nga ca Tabori pia, Sahazuma pie, Beti-semesi be, fuza asizaniri ovu Yoridania-aku ambo ambo mudri drini azia, aku nyiri nyiri yini ’diyi be.

²³’Diri angu suru Isakari anzipini isule awurusoru enyati yini vusiri-aku ambo ambo ’diyi, aku nyiri nyiri yini ’diyi be.

²⁴Odrisi ’beza towiri ’de suru anzi Aserini ma dria enyati yini vusi.

²⁵Esele yiniri eri Helikati pi, Hali pi, Beteni pi, Akisafu pi,

²⁶Alameleki pi, Amadi pi, Misali pie; vilerisi eri ca Karimelia kala etuni ’derialeru kpere Sihori-libinatia,

²⁷’daarisi oja i kala etuni efurialeru cazu Beti-dagonia, kpere Zebulunia azini a’bu fita-elinia kala andraleru cazu Beti-emeki pia, Neyeli be; fu vini Kabulia dri ejialerurisi,

²⁸kpere Ebironi pia, Rehobu pi, Hamoni pi, Kana pie, kpere cazu trei Zidoni amboria;

²⁹’daarisi esele nde ma lokiri oja i cazu Ramaa, azini aku Turoni ovupi kali beria; lokiri nga vini i oja cazu Hosaa, efuza asizaniri eri miria angu Akizibuni ma kalaa;

³⁰Uma pi Afeki pie, Rehobu be indi-yi aku ambo ambo kali iri drini iri, aku nyiri nyiri yini ’diyi be.

³¹’Diri angu Aseri anzipini isule awurusoru enyati yini vusiriaku ambo ambo ’diyi, aku nyiri nyiri yini ’diyi be.

³²Odrisi ’beza aziari ’de Nafutali anzipi ma dria, efini Nafutali anzipi ma dria enyati yini vusi.

³³Esele yini e’do Helefia, kumara pati Zaananimuaria, ’du Adami-nekebu pi Yabineeli pie, kpere cazu Lakumua; fuza erini asi Yoridania;

³⁴esele nde ma lokiri oja i etuni ’derialeru cazu Azinoti-taboria, erini engaria ’daarisi mu Hukokia, ba kpere Zebulunia kala uruleruria, cazu Aseria etuni ’derialeru, kala etuni efurialeruri ca Yuda vile angua Yoridania ’dale.

³⁵Aku kali be ’diyi yi ’di: Zidimu pi, Zeri pi, Hamati pi, Rakati pi, Cinereti pi,

³⁶Adama pi, Rama pi, Hazori pi,

³⁷Kedesi pi, Edrei pi, Eni-hazori pi,

³⁸Ironi pi, Migidali-eli pi, Horemu pi, Beti-anati pi, Betisemesi pie-aku ambo ambo ’diyi mudri drini oromi, aku nyiri nyiri yini ’diyi be.

³⁹’Diri angu Nafutali anzipini isule awurusoru enyati yini vusiri-aku ambo ambo, aku nyiri nyiri yini ’diyi be.

⁴⁰Odrisi ’beza aziriri ’de Dani anzipi ma dria enyati yini vusi.

⁴¹Awuruso yini ma esele eri Zora pi, Esitaoli pi, Iri-semesi pi,

⁴²Saalabini pi, Aiyaloni pi, Itila pi,

⁴³Eloni pi, Timina pi, Ekironi pi,

⁴⁴Eliteke pi, Gibetoni pi, Baalati pi,

⁴⁵Yehudi pi, Bene-beraki pi, Gatirimoni pi,

⁴⁶Me-yarikoni pi, Rakoni pie, kalati dri fepi Yopa vuleruri be.

⁴⁷Esele Dani anzipini efu angu ’diri ma drilia; a’disiku Dani anzipi yi mu omba ’ba aku Lesemuni be, yi nga eri pa ra, yi nga ’ba alenia ’diyi ofu sei ma sisi, nga aku nde ’ du yiniru, nga ovu alenia, ku di eri omvezu Lesemu’i ja, nga eri omve Dani’i yi a’bi Dani ma rusi.

⁴⁸’Diri angu Dani anzipini isule awurusoru enyati yini vusiri-aku ambo ambo ’diyi, aku nyiri nyiri yini ’diyi be.

⁴⁹Israeli anzipi nga di angu de awazu awurusoru esele erini vusi ra; vilerisi yi nga Yosua Nuni mvi dri awuruso fe angu yini ma eselia.

⁵⁰Azita Yehovani azilerile nga eri dri aku erini zileri fe ani, aku nde Timinati-sera angu oni dria Efiraimuniriari’i; eri nga ani aku nderi si, nga ovu alenia.

⁵¹’Diyi awuruso ’ba edeta edepi Eleazari pini awale, Yosua Nuni mvi pie, ’ba ’wara ori’ba yi ma atapini ma drilia suru anzi Israeliniri ma eselia ’diyi be, yini awale odrisisi Siloa Yehova ma milia hema ti ecizaniri ma jotilea ’diyi. Yi nga di angu nde awa de’dini.