Read lugbara 2 Timoteo 2 Bible Online

2 Timoteo 2 - lugbara bible

2 Timoteo 2

¹E’yo ’dirisi mi’i, mva mani la, mi ma ovu okporu ’yeta anzutiri ovupi Kristo Yesu ma aliarisi,

²azini e’yo mini erile ma vu ’ba e’yo eti nzepi kakau ’diyi ma miliari, mi ma fe tani mbazu ’ba asi ada be ecopi ’ba azini imbapi indi ’diyi dri.

³Mi ma a’i candi isuzu ma be ekile asikari onyiru Kristo Yesunirile.

⁴Te asikari mupi ombaa ’bo ’diyi ma aluni ngani i eci adriza nyaku ’doriniri be ku, eri ma fe ani ayiko ’ba eri sipi asikariruri dri beni.

⁵Te ’ba azini ka o’bi avita ma alia, eri ngani ekilaza isu ku ka nzu azita, nderini lelerile kuria.

⁶’Ba i ecandipi lamvu ma azisiri ma e’do afa kazaniri i nyazu okoni.

⁷Mi ma dro asisile mini e’yo mani ’yoleri ma dria, te Opini nga e’yo vaza fe mi dri e’yo dria ma alia.

⁸Mi ma ega Yesu Kristo, Daudi ma oriru, engapi ’ba draza ma eselia ’bori ma e’yo, ekile e’yo baru mani Olulerile;

⁹e’yo baru ’dirisi ma ovu ecandizaru kpere mani ovuzu ombezaru ekile ’ba onzi ’yepirile. Te e’yo Munguniri ovuni ombezaru ku.

¹⁰E’yo ’dirisi ma a’i candi ’diyi dria ’iasi tezasi ’ba Munguni opele ’diyi ma e’yosi, ’dini yi indi ma isu pata ovupi diza ’dani ’daniri be ovupi Kristo Yesu ma aliari.

¹¹Te e’yo ’yoza ’diri ovu adaru, kini: Ama ka dra eri be, ama nga ovu idriru eri be indi;

¹²ama ka candi a’i asi teza be, ama nga opi nya eri be indi; ama ka eri ga si, eri’i eri nga ama ga si indi;

¹³ama ka ovu a’ita kokoru, eri’i eri ovu asi ada be ’danite eri econi i ma ngulupi gazaru ku.

¹⁴Mi fe yi ma ega e’yo ’diyi, mi ma azi e’yoni yi dri Opi ma milia, yi ma ga agata e’yo ’yoza toko toko ’diyisi ku, ’di orodri kokoru, eri lu, ’ba eripi ’diyi eza eza.

¹⁵Mi ma ’ba mi asi mi ngulupi ecezu Mungu dri ’ba Munguni a’ile rariru, ’ba azi ngapi drinzani ngazu ani eri bizu ku, e’yo adaniri ma esele awapi kililiruri’i.

¹⁶Te mi ma ku e’yo ’yoza toko toko inzita kokoru ’diyi la, te yi nga aga, tu e’yo ala tara kokoruri alia,

¹⁷e’yo yini nga anya ekile bele gbogboruirile. Humenaya pi Fileto be ovu ’ba ’diyi ma eselia;

¹⁸’ba ’diyi yi eza ira, yi gbi e’yo adaruri rwa, yini ’yole i kini engata ’ba draza ma eseliari ’ye ii ’borisi. Yi ’ba azini ma a’ita asu va.

¹⁹Te jo eti Munguniri so pa okporu ’dani, eceta ’diri ovu ekpazaru ruania i, kini Opi ni ’ba ini ’diyi ra, azini ’Ba dria ru Opini omvepi ’diyi ma ku e’vo onzi ja.

²⁰Jo amboru ma alia imvu ovuni lu edele melesi azini dahabusi ’diyi a’dule ku, te edele patisi azini sile odrisi ’diyi yi indi; azini ’diyi ma azi inzitaru, azini ’diyi ma azi inzita kokoru.

²¹’Ba azini ka i ngulepi ’ba alaru e’yo ’diyi kuzu, eri nga ovu imvu azi inzitarurini, ’bazaru alatai raru, dri fupi onyiru opi ma azisi ovupi ngonde azi onyiru ’diyisi driari.

²²Te mi ma apa li ’baza i ndu ndu karilauni ’diyisi ra, mi bi e’yo kililiruri pi ma vuti, a’ita pie, leta avasiri pie, asi anzuru pie, ’ba Opi ma ru omvepi asi alarusi ’diyi be tualu.

²³Te mi ma ga zita zile azazaru azini ondua kokoru ’diyi si, mini nile yi nga omba ejinirisi.

²⁴Te ati’bo Opiniri ma ’ba omba ku, te eri ma ovu e’yere ’ba dria vu, eco erini ani ’ba imbazaru beni, ovuzu asi teza be candi ma alia,

²⁵’ba i ma dri arupi ’diyi imbazu asi e’yeresi. Kani Munguni nga asi ojaza fe yi dri e’yo adani nizu ra yani,

²⁶yi ma isu ani egata o’diru, yini efuzu emba ’ba asu supirini ma aliasi,li de yi ovu obizaru idriru eri dri ati’baru e’yo erini leleri ’yezu.