Read lugbara Filemona 1 Bible Online

Filemona 1 - lugbara bible

Filemona 1

¹Paulo, ’ba aruru Kristo Yesu ma e’yosiri, Timoteo adripi amani be, Filemona ’ba azi ngapi ama be tualu amani leleri pi vu

²Apia amvipi amani pie, Arikipo asikariru ama be tualuri pie, kanisa i okupi jo mini ma aliari pie:

³’Yeta anzutiri pi ma ovu emi vu asi anzuru be engazu Mungu Ata amani vu azini Opi Yesu Kristo vu.

⁴Ma awa’difo fe Mungu mani vu o’du dria, mani e’yo mini egaria Mungu ziza mani ma alia,

⁵mani leta mini avasiri pi, a’ita mini be Opi Yesu vu azini ’ba alatararu ’diyi vu driari ma e’yo erilerisi;

⁶ma zi kini ti ecita a’ita minirini ma fe ’ba ma ni e’yo onyiru dria alu alu ovupi ama alia Kristosiri.

⁷Te ma adri ovu ayiko be tu azini asi omiza be tu leta mini avasirisi, ma adri la, a’disiku ’ba alatararu ’diyini okpo o’diru isule yi ma asia mi dririsi.

⁸E’yo ’dirisi, ma ka tro ovu okpo be Kristo ma alia azita azizu mi dri e’yo dri fupi ciri ’yezu ra ti,

⁹leta ma e’yosi ma azini azitaru ku, te ma matu ’ba mi vu-ma’i mbazau Paulo, curu’do ’ba aruru Kristo ’i Yesu ma e’yosiri’i-

¹⁰ma matu ’ba mi vu ma mvi Onesimo ma e’yosi, mani tile mani ovuria arujoari’i.

¹¹(Eri koni ndra mi aza onyiru ku, te curu’do eri ama aza ko mi be onyiru.)

¹²Ma omvi eri ma ngulupi mi vu dika, eri asi mani ma adari’i.

¹³Ma le te eri ma ta mba ma be ’doa, eri ma ko ani ma aza mi paria, pari yini ma ombezu e’yo barisiri ma alia;

¹⁴te ma leni e’yo aluni ’ye asisile mini nikokoru ku, ’dini e’yo onyiru mini ma ovu mini ecole e’yo andini ’yezaru kurisi ’dini ku, te mi asini lele cenirisi.

¹⁵Te kani eri ovu esele cozaru mi be ewu were e’yo ’disi yani, mini ani eri a’izu dika ovuzu mi be ’dani ’dani,

¹⁶ati’boru dika ku te aga ati’bo ra, adripi ovupi lezaruriru, tuni ma dri, ’te agapiri mi dri, e’yo ruanisi azini e’yo Opinisi indi.

¹⁷Mi ka ega ma mi agyini, mi ma a’i eri ekile mini ma a’ilerile.

¹⁸Te eri ka ndra onzi ’ye mi vu, kani nya marini yani, mi si e’yo nderi ma dria.

¹⁹Ma’i Paulo, ma ti dri ma, ma nga eri ofe ra-te di mari mini ma vuri eri mi ngulupi’i, ma ka e’yoni ’yo mi tia ku ti.

²⁰E, ma adri, ma le te ayiko isu mi vu Opi ma alia. Mi ma fe okpo o’diru ma asia Kristo ma alia fo!

²¹Te mani nile mi nga e’yo ’diri a’i rarisi, ma si mi vu ani, te ma ni ra mi nga ’ye aga e’yo mani ’yoleri ra.

²²Te mi ede pari omuni lazuri ngonde ma dri indi, a’disiku ma ovui asi tezasi egazu ma nga ovu fezaru lemi dri, emini Mungu zilerisi,

²³Epafra, ’ba aruru ma be tualu Kristo ma aliari pi zi mi ci ci, i

²⁴Marako pie, Arisitariko pie, Dema pie, Luka pie, ’ba azi ngapi ma be tualu ’diyi.

²⁵’Yeta anzutiri Opi amani Yesu Kristoni ma ovu orindi mini be. Amena.