Read lugbara 'Ba Ebraniani 3 Bible Online

'Ba Ebraniani 3 - lugbara bible

'Ba Ebraniani 3

¹E’yo ’dirisi, adripi alatararu omveta ’buari a’ipi tualu ’diyi, lemi ma ega Yesu ’ba ti epele azini atalau edeta edepi agapi ra a’ita amani e’daleriniri’i.

²Eri ovu asi be ’ba eri ’bapi atalaururi vu, kile Musani ovule asi adaru be jo Munguni ma alia driarile.

³Te la leri onyiru diza isuzu aga Musa ra, ekile ’ba jo sipirini inzita isule tu jo nde agazurile.

⁴A’disiku jo dria alu alu ovu afa ’bani sileniri’i, te ’ba afa dria ’bapiri eri Mungu’i.

⁵Te Musa ovu ndra asi adaru be jo Munguni ma alia dria ekile ati’bole, e’yo yini ngale ’yole etu vilerisi ’diyi ’ma e’yo eti nzezu;

⁶te Kristoni, ekile mvile, ovu asi adaru be jo Munguni ma drilia. Jo nderi ama’i, ama ka asi okporu amaniri pi bi ci, ayiko e’yo tezaniri be, kpere ewu asizuria.

⁷E’yo ’dirisi, ekile Orindi Alatararuni ’yolerile, Andru emi ka o’duko erini eri,

⁸emi ma ’ba asi emini mbazaru ku ekile o’du awatanisirile, ekile o’du o’bita roko driarinisirile,

⁹emi a’bipini ndra ma o’bizu yini ma oberiarile, yi ndre ndra ’yeta mani eli kali suo

¹⁰E’yo ’dirisi asi mani ve aokosi anzi nde ’diyi ma e’yosi, ma ’yo ra, Yi ovu abazaru asi yini ma alia o’du dria; yi nini nga geri mani ku.

¹¹Ekile mani oyo sole adra manisirile, Yi ma fi ava liza mani ma alia aluni ku.

¹²Emi te emi agei, ma adripi, ’ba azini alu emi eseliari kazu ovuzu asi onzi a’ita kokoruri be ku, Mungu idriruri kuzu.

¹³Te emi ma imba emi asi emi eselia o’du dria, de nga o’du omvele andruri eri indi, ’ba azini alu emi eseliari ma asi kazu ovuzu mbazaru lokiri e’yo onzinisi ku.

¹⁴A’disiku ama eca ovuzu ’ba Kristo isupi ’diyiru ’bo, ama ka a’ita amani okokeleri bi ci kpere ewu asizuria,

¹⁵yini nga ’yoria ’dani, Andru emi ka o’duko erini eri emi ma ’ba asi emini mbazaru ku ekile o’du awatanisirile.

¹⁶Te ’ba e’yo eripi ’diyi ma eselia, ’ba awapi eri be ’diyi a’di piyi ya? Yi ’ba dria efupi ndra Misiria Musasi ’diyi ku ya?

¹⁷Azini asi erini ve aokosi eli kali su a’di piyi ma e’yosi ya? Ovuni ’ba e’yo ezapi, yi ma; avuni o’dezu roko dria ’diyi ku ya?

¹⁸Te eri so oyo yi ma fi ava liza erini ma alia aluni ku a’di piyi dri ya? Ovuni kiri ’ba e’yo eripi ku ’diyi ku ya?

¹⁹’Dini ama ndre econi yini fizaru ku, a’ita yinini ovule yorisi.