Read lugbara Yakoboni 2 Bible Online

Yakoboni 2 - lugbara bible

Yakoboni 2

¹Ma adripi, a’ita emini Yesu Kristo Opi amani dizaniri a’izuri ma alia, emi ma ope ’ba ku.

²Te ’ba azini ka fi jo emini emi okuzuria mele driamvaari be, bongo ndrizaruri be ruaa, te ’ba alioni ka fi bongo ondiru be indi;

³emi ka ’ba bongo ndrizaru supiri lu ’yozu, Mi ri pari onyiru ’doria; azini emi ’yo ’ba alioru ma tia, Mi so pa ’dale, kani, Mi ri va pari mani ma pa ’bazuri ma etia ’doa;

⁴ka’dini ’di ovuni ’ba opezu emi eseliari ku ya, emi ojani emi ’ba e’yo lipi asisile onzisi ’diyiru ku ya?

⁵Adripi mani lele ’diyi la, i emi eri. Mungu openi ’ba alioru afa nyakunisi ’diyi yi ’bazu ovuzu ’ba a’ita e’iru, azini suru erini azile ’ba eri lepi ’diyi driri nyazu yi ma afaru ku ya?

⁶Te emi ’ba ’ba alioru ’diyi edematararu. ’Ba afa e’iru ’diyi adrini emi drilia opiru emi nyazu okposi ku ya? Yi seni emi pari ’bani e’yo lizuria ku ya?

⁷’Ba ’divi adrini ru onyiru ’bani emi omvezuri o’da ku ya?

⁸Te di, emi ka azita suru opini nyaleriniri ’ye kilili e’yo sizani ’yolerile, kini, Mi ma le mi agyi mini mi ngulupi lelerile; emi ’ye onyire,

⁹Te emi ka ’ba ope, emi ’ye onzi, azini azita nderi nde emi, emini e’yoni ezale rarisi,

¹⁰Te ’ba azini ka azita inzi dria ra, te ka mu eza e’yo alosi, eri eca ovuzu ’ba azita dria ezapiniru,

¹¹Te ’ba ’yopi, Mi ’ba ali kuri, eri ’yo vini indi, Mi ’di ’ba ku. Mi ka ali ’ba ku ti, te ka ’ba ’di ra, mi ofu ovuzu ’ba azita ezapiriru,

¹²Emi ma ’yo azini emi ma ’ye ekile ’ba yini ngale yi ma e’yo lile azita trotaniri vosi ’diyile.

¹³Te e’yo liza ovu yiki kokoru ’ba yiki ’bapi kuri ma dria; yikini i enya ayikosi erini e’yo liza ndelerisi,

¹⁴Ma adripi la, orodrini ngoni ya, ’ba ka ’yo i ovu a’ita be, te ’yeta erini yo? A’ita ’diri eco eri pazaru ya?

¹⁵Adripi kani amvipi ka ovu pililiru, ka ovu nyaka kokoru o’du dria,

¹⁶te ’ba azini emi eseliari ka ’yo yi tia, Emi mu asi anzuru be, emi mu ad yu, emi tra nyakasi indi; te emi ka afa yini ndale yi ma rua ma aza kozuri fe ku, orodrini ngoni ya?

¹⁷Awa’dini a’ita ovu ’dinile: ka ovu a’dule ’yeta kokoru, eri ovu idri kokoru.

¹⁸Te ’ba azini nga ’yo, Mi’i mi ovu a’ita be, ma’i ma ovu ’yeta be. Mi ece a’ita mini ’yeta kokoruri ma dri, te ma nga a’ita mani ece mi dri ’yeta manisi.

¹⁹Mi a’i kini Mungu eri alu; mi ’ye onyiru, Te orindi onzi yi a’i ale indi-yi rua ya ya ani.

²⁰Mi ’ba ondtra kokoruri la, mi leni ni kini a’ita ’yeta kokoruri ovu toko, ku ya?

²¹Yi lani ama a’bi Iburahimuni kililiru ’yeta erinisi, erini i mvi Isakani fele pari edeta edezuri ma driarisi ku ya?

²²Mi ndre a’ita ’ye tualu ’yeta erini be, azini ’yeta nde ’diyisi a’ita eca i paria kililiru,

²³te e’yo siza ’yopi kini, Iburahimu a’i Mungu ra, yi la e’yo ’diri eri dri e’yo kililiriru, ’diri ’ye i trotro; azini omve eri agyi Munguni.

²⁴Ka’dini emi ndre yi ’ba la kililiru ’yetasi, te a’itasi a’dule ku.

²⁵’Dini alu indi, oku awuouru Rahabu ovuni ndra lazaru kililiru ’yeta erinisi, erini ojiou a’ile azini ti pele geri andinisirisi ku ya?

²⁶Te ekile rua orindi kokorurini ovule avunirile, ’dini alu indi a’ita ’yeta kokoruri ovu drazaru idri kokoru.