Read lugbara Yakoboni 3 Bible Online

Yakoboni 3 - lugbara bible

Yakoboni 3

¹Ma adripi, emi ma ovu ’ba ’ba imbapiriru kakau ku, a’disiku emi ni ra ama nga e’yo liza amboru agapiri isu ra.

²Te ama dria adri aba e’yo kakausi. Te ’ba azini ka aba e’yo ’yozasi ku, ’ba nderi eri ovu ’ba kililiruni, eri eco vini i ma rua dria ogazaru indi.

³Te ama ka afa ayaruri ’ba akanya ma tilia, yi ma ’ye ani ekile amani lelerile, ’dini ama oja yi rua dria.

⁴Mi ndre oguru indi; ka tro ovu amboru tu, ka ovu drozaru oli okporusi ti, te di yi ovu ojazaru atu gakanyarurisi kala ’ba oguru ma ti pipiri ma asini leleria dria.

⁵Awa’dini andre ovu rua ma esele wereri’i, re eri e’yo ambo ambo ’yo afu be tu. Mi ndre, aci gaaru nga pati kakau ve ngopi ya!

⁶Andre eri acini. Andreni angu ambo wudrikurule e’yo onzini rua amani ma esele ndu ndu ’diyi ma aliari’i, eri rua ’bani eza dria, eri adriza ruani ’bani osizu eri beri ma ti du acisi, te yi du eri ma ngulupi ma ti jehanumaa.

⁷Te ’ba ma adani adri suru anyapani dria etali, aria pie, afa acipi agatisi nyakua ’diyi pie, afa ovupi miri alia ’diyi pie dria, ’ba adri yi etali ’dini engazu drio,

⁸te ’ba aluni econi andre etalizaru ku eri i afa onzi ecole ogale kuri, eri ga enyata dra fepirisi tre tre.

⁹Andrei si ama Opi Ata ma ru idu, azini ’ andresi ama ’ba tri, yi ’ba Munguni, ’bale i ma wurasi ’diyi.

¹⁰Ru iduza pi ’ba trizuri be yi ibi efu tile alua. Ma adripi, e’yoni ovuzu ’dinileri funi dri ku.

¹¹Yi a’di ma alia, yi aluzaruri pi adri ega yi drazaruri be ’bile alua ya?

¹²Ma adripi, eco elioni mizeitu efi yazaru ya, kani eco zabibuni elio efi ’yazaru ya? ’Dinile indi yi a’iruri econi yi aluzaruri fezaru ku.

¹³’Ba onduaru emi eselia e’yo vapiri a’di’i ya? Eri ma ece ’yeta erini adriza onyirusi, asi e’yere onduaniri ma alia.

¹⁴Te emi ka ovu ma’yala drazaruri be azini awata be emi asia emi ma enya emi afusi ku, emi ma li inzo e’yo adaru ogazu ku.

¹⁵Ondua ’diri ibini enga ’bua esizu va ku, te eri ondua nyakuni, ava ruani be, orindi onziniri’i.

¹⁶Te pari ’bani ovuzu ma’yala pisi awata beria, isu angu di i ma aji ra, ’yeta onzikanyaru be tre tre.

¹⁷Te ondua ibipi ’bua ururi, okorisi eri ovu alaru, vutinia asi anzuru be, asi e’yere pie, eri ngonde e’yo ’bani erizu, eri ga yiki pie tre tre efi ’yaza onyiru ’diyi pie, openi ’ba ku, ovuni lokiri be ku,

¹⁸Efi ’yaza e’yo kililirurini ma ori ovu rizaru asi anzuru ma alia, ’ba e’yo ’yepi asi anzurusi ’diyi ma e’yosi.