Read lugbara Yakoboni 4 Bible Online

Yakoboni 4 - lugbara bible

Yakoboni 4

¹A’di enga ngoa, azini omba emi eseliari enga ngole ya? Engani ava ruani omba ’bapi emi rua ma esele ’diyi ma aliarisi ku ya?

²Emi li ’ba afasi ra, te emi ovuni afa nde be ku; emi ’ba fu ani. Emi ma’yala ’ba tu, te emi econi isuzaru ku; emi awa awa, emi omba ’ba ra. Te emi ovuni afa nde be ku, emini zita zile kurisi.

³Emi zi, te emi isuni afa ku a’disiku emini zile onzi, emini lezu ava ruani ’yezu anirisi.

⁴Emi oku awuouru ’diyi, emi nini kini agyi ’bazu nyaku beri eri ’ba ’ba ovuzu ari’baru Mungu be ku ya? Ka’dini ’ba azini ka le ovu agyi nyakuniru, agu nderi ’ba i ovuzu ari’ba Munguniru.

⁵Kani emi ega emi asia e’yo e’yo, sizani ’yoleri ’yo toko ya, ’yozu kini, Orindi erini ’bale ovuzu ama aliari eri ovu ava be kpere a’ya ’bazu ama, e’yosi?

⁶Te eri fe ’yeta anzutiri ’lama dri aga ra; e’yo ’disi e’yo siza kini, Munguni ’ba ovupi asi afu be ’diyi ma dri aru, te eri adri ’yeta anzutiri fe ’ba ovupi asi e’yeresi ’diyi ’dri.

⁷Awa’dini emi ma ovu inzitasi Mungu ma palaa; emi ma oga ’ba asu supiri, eri nga apa emi vurisi ani.

⁸Emi ma esi emi ogogo Mungu vu, Munguni nga ani i esi emi vu ogogo. Emi ma oji emi dri, emi ’ba ezapi ’diyi; emi ma ’ba emi asi alaru, emi ’ba ovupi asi iri be ’diyi.

⁹Emi ma inza emi, emi ma ota candisi, emi ma owu awu. Oguta emini ma oja i asi otazaru, ayiko emini ma oja i asi nzizaru.

¹⁰Emi ma ’ba emi va asi e’yeresi Opi ma milia, eri nga emi ’ba uru.

¹¹Emi ma ’yo emi agyi ma ru onzi emi eselia ku, adripi. ’Ba ka ii adri ma ru ’yo onzi, kani ka i adri ma e’yo li onzi, eri azita ma ru ’yo onzi, eri e’yo azitani li indi. Te mi ka e’yo azitani li, mi ovuni ’ba azita ’yepiri’i ku, te ’ba azita ma e’yo lipiri’i.

¹²’Ba azita fepiri azini ’ba e’yo lipiri eri alu, ecopi ’ba papi azini ’ba dri japiri’i. Te mi’i, mi agyi mini ma e’yo lipiri, mi a’di’i ya?

¹³Emi eri curu’do, emi ’ba e’yo ’yopi ’dini ’diyi, kini, Andru kani drusi ama nga mu aku amborua ’dale, ama nga ovu ’dale eli alu afa oziria orodri isuzu;

¹⁴te di emi nini e’yo druni ’de ku dri emini a’dini ya? A’disiku emi afurusa i e’dapi etu were, vutinia afipi rari’i.

¹⁵Te le emi ma ’yo ’dini, Opi ka le ra ama nga ovu idriru, azini ama nga e’yo ’diri ’ye, kani ’dari.

¹⁶Te curu ’do emi emi enya afu eminirisi, Enyaza awa’dinile ’diyi dria onzi.

¹⁷Ka’dini ’ba ka ni e’yo onyiru ’yezu ra, te eri ka ’ye ku, e’yo ’diri ezataru eri dri.