Read lugbara 1 Petero 5 Bible Online

1 Petero 5 - lugbara bible

1 Petero 5

¹Ma matu ’ba ’ba atalauru emi eselia ’diyi vu, ma’i atalauni indi, ma ’ba ecandiza Kristoni ma e’yo eti nzepi, azini ’ba ti ecipi diza ngapi i e’dapiri ma aliari’i.

²Emi ma oce kabilo Munguni ovupi emi eselia ’diyi, yi ma e’yo nezu, ’bani emi omilerisi ku te emi asini lelerisi, Munguni lelerile; yi ocezu silingisi ku te asi avarusi;

³emi ma ovu lopiru ’ba fele emi dri ’diyi ma drilia Ku, te emi ma ovu ecetaru kabilo nde I’diyi ma milia,

⁴’Dini, ’Ba kabilo ocepi agapi rari ka nga e’da ra, emi nga ekilaza dizani onyupi kuri isu ra.

⁵’Dinile, emi karileru ’diyi, emi ma inzi ’ba atalauru ’diyi. Emi dria ma Isu asi e’yere, ovuzu ani emi eselia asi lafu kokorusi, a’disiku Munguni ’ba asi afu be ’diyi ma dri aru, te eri ’yeta anzutiri fe ’ba asi afu kokoru ’diyi dri.

⁶Emi ma ovu ani asi afu kokoruri be dri okporu Munguniri ma etia, eri ma ’ba ani emi uru ewunirini ecaria.

⁷Emi ma ku e’yo asi otiza fepi emi dri ’diyi dria eri ma dria, a’disiku eri ma asini e’yo emini egale amborurisi.

⁸Emi ma ovu asisile e’yere be, emi ma ovu mile be. Ari’bo emini ’ba asu supiri eri ad kamile, awu be ’ba ndazu nyazu.

⁹Te emi ma oga eri, emi ma so pa kirikiri a’ita emini ma alia, a’disiku emi ni ra candi eminile trotro ’diyi adri emi adripi wudriku rua ’diyi ecandi indi.

¹⁰Emi ka ovu ecandizaru were ’bo, Mungu ’yeta anzutiri driani, emi omvepi fizu diza erini ’dani ’dani Kristo ma aliari vuri ma ngulupini nga emi ede fudri ci, fezu emini pa sozu kirikiri, emi ’bazu okporu.

¹¹Okpo opiru ma ovu eri vu ’dani ’dani. Amena.

¹²Ma ega Silivano ovu adripi asi adaru beri; ma si ani waraga were emi dri eri ma dria, matu ’bazu, e’yo,eti nzezu kini ’diri ’yeta anzutiri Munguni adaruri’i; emi ma so pa eri ma alia kirikiri.

¹³’Ba ovupi Babulonia ovupi pezaru emi be tualu ’diyi zi emi ci ci; ma mvi Marako zi emi ci ci indi.

¹⁴Emi zi emi emi eselia o’dezu leta avasirisi. Asi anzuru ma ovu emi ovupi Kristo ma alia ’diyi be dria.