Read lugbara 'Ba E'yo Lipi 'Diyini 10 Bible Online

'Ba E'yo Lipi 'Diyini 10 - lugbara bible

'Ba E'yo Lipi 'Diyini 10

¹Abimeleki ma vutia Tola, Pua Dodo mvi ma mvi, ’ba Isakarini, enga ’ba Israelini opazu; eri adri Samiria, angu oni ruaa Efiraimuniria.

²Eri li ’ba Israelini ma e’yo eli kali iri drini na, dra ra, sa eri Samiria.

³Eri ma vutia Yairi ’ba Gileadini engani, eri li e’yo ’ba Israelini eli kali iri drini iri.

⁴Isu de eri ovu ndra anzi be kali na, nzupi akanya kariaru kali na ’diyi ma dria ’diyi; yi ovu ndra aku ambo ambo be kali na, yini omvele Havoti-yairi kpere o’du ’disi ’diyi, yi angu Gileadinia.

⁵Yairi dra di ra, sa eri Kamonia.

⁶Te anzi Israelini ’ye onzi dika Yehova ma milia, yi nga azi adrou Baaliru piyi dri, Asitaroti pie, adrou ’ba Suriaa ’diyini pie, adrou Zidonini pie, adrou Moabuni pie, adrou Amoni anzipini pie, adrou ’ba Filisitiaa ’diyini pie; te yi ku Yehovani ra, yi ngani azi eri dri ku.

⁷Te Yehova ma adra nga ti ko anzi Israelini ma ruaa, eri fe yi jezu ’ba Filisitiaa ’diyi pi ma dria, Amoni anzipi pie,

⁸yi fe candi, yi inza anzi Israelini eli ’dasi. Eli mudri drini aro yi inza anzi Israelini dria ndra ovupi Yoridania ’aa’dasi, angu ’ba Amorini Gileadiaria ’diyi.

⁹Amoni anzipi nga enga vini alu Yoridania ’aa’dasi, mu a’di ’dizu ’ba Yudani piyi be, ’ba Benyaminini pie, ori’ba Efiraimuni ’diyi pie; Israeli ovu ndra ani ocokosi tu aga ra.

¹⁰Anzi Israelini nga ani owu Yehova vu, kini, Ama ’ye e’yo onzi mi vu, amani Mungu amaniri kule amani azi ngale adrou Baaliru ’diyi dririsi.

¹¹Yehova nga di ’yo anzi Israelini ma tia, Ma opani ndra emi ’ba Misiria ’diyi pi ma dria, ’ba Amorini pie, Amoni anzipi pie, ’ba! Filisitiaa ’diyi pie ku ya?

¹²’Ba Zidonini piyi inza ndra emi, ’ba Amalekini pie, ’ba Maonini pie ra; te emi owu ndra ani ma vu, ma opa ndra ani emi yi ma dria ra.

¹³Te kiri emi ku ma ra, emi nga azi Mungu andini ’diyi dri; e’yo ’disi ma ngani emi opa dika ku.

¹⁴Emi mu wu adrou emini pele emi dri ’bo ’diyi vu; yi ma opa emi etu candi emini ma aliani.

¹⁵Te anzi Israelini yi ’yo di Yehova nde ma tia, Ama ’ye onzi; mi ’ye di ama be ekile e’yo dria ovupi onyiru mi ma miliarile; te kiri mi opa ama o’du ’disi fo, ama zi mi tia.

¹⁶Yi nga adrou ndu ndu ’diyi onze yi ma eseliarisi amve ra, yi nga azi Yehova dri; te asi erini nga ndra ota candi Israelinisi.

¹⁷Amoni anzipi nga di yi oku tualu hema asozu Gileadia; anzi Israelini oku yi tualu hema asozu Mizipaa.

¹⁸Te ’ba nde, ’ba ’wara Gileadia ’diyi ’yo yi eselia ’dini, ’Ba ngapi a’di eti e’dopi ’dizu anzi Amonini be ’ba ngonini ya? Eri nga ovu ’ba ovupi Gileadia ’diyi ma drilia driani.