Read lugbara 'Ba E'yo Lipi 'Diyini 8 Bible Online

'Ba E'yo Lipi 'Diyini 8 - lugbara bible

'Ba E'yo Lipi 'Diyini 8

¹’Ba Efiraimuni ’diyi nga ’yo eri ma tia, Mi ’ye ama ’dini a’disi ya, mini ama omvezu ku mini muria a’di ’dizu ’ba Midianini be ya? Oli eri dri lokaa aciru.

²Eri nga di ’yo yi ma tia, Afa mani ’yele yini ani ama o’bizu emi beri a’dini ya? Zabibu tiza vile Efiraimuniri ovuni onyiru aga zabibu tiza oko Abiezeriniri ra ku ya?

³Mungu fe opianzi Midianini Orebu pi Zeebu be emi dria ’bo; afa ndra mani ecole ’yele yini ama o’bizu emi beri a’di afani ya? Adra yini nga di i de eri vurisi ra, erini e’yo ’diri ’yoria ’boria.

⁴Gideoni nga emu Yoridania, zo ra, eri’i ’ba turu na ovupi eri be ’diyi be, yi ande tu te kiri yi nga ari’ba droria.

⁵Te eri ’yo ’ba Sukotia ’diyi ma tia, Ma zi emi tia, emi fe enya olemi ’ba ma vuti bipi ’diyi dri; te yi ande tu, te ma opi Midianini Zeba pi ma vuti dro Zalimuna be ’do.

⁶Te ’ba ’wara Sukotia ’diyi omvi e’yo kini, Zeba pi ma dri curu’do Zalimuna be mi dria, amani te ani enya fezu asikari mini ongulumuru ’diyi dri ’di ya?

⁷Gideoni nga di ’yo, Ka’dini Yehova ka Zeba pi fe Zalimuna be ma dria ’bo, ma di nga emu emi ma za oce oci angu didia ’diyisi oci nyirisi indi.

⁸Eri nga tu uru engazu ’diarisi ca Penuelia, nga e’yo ’yo yi be tro tro ’dinile; te ’ba Penuelia ’diyi nga e’yo omvi eri ma tia ekile ’ba Sukotia ’diyini te omvilerile.

⁹Eri nga di ’yo ’ba Penuelia ’diyi ma tia kini, Ma ka emu dika asi anzuru be, ma nga jo izuru ’diri nyo va.

¹⁰Isu de curu’do Zeba pi Zalimuna be Karikoria asikari yini ongulumuru ’diyi be, ekile ’ba alifu mudri drini towile, yi ’ba dria acepi ’ba ongulumuru kala etuni efurialeruria ’diyini ma eselia ’diyi; a’disiku ’ba sei be ’diyi o’de ndra alifu turu alu drini kali iri.

¹¹Gideoni nga di tu uru geri ’ba ovupi hema alia ’diyi vurisi, Noba pi ma kala etuni efurialeru Yogibeha be, asikari ongulumuru ’diyi ofuzu; a’disiku ’ba ongulumuru nde egani e’yo ombani ku.

¹²Zeba pi Zalimuna be apa ra; eri dro yi ma vuti, obi opi nde iri Midianini Zeba pi Zalimuna be ra, fe asikari ongulumuru ma asi oti tu.

¹³’Dini Gideoni Yoasi mvi nga di emvi engazu ombaarisi, esizu va Heresiasi.

¹⁴Eri bi karilau alu ’ba Sukotia ’diyini, zi e’yo tinia; eri olu opianzi Sukotia ’diyi pi ma e’yo dria eri tia, ’ba ’wara alenia ’diyi pie, yi ’ba kali aziri drini aziri.

¹⁵Eri nga di efi ’ba Sukotia ’diyi vu, ’yo ra, Mi lu, Zeba pi Zalimuna be yi ’do, ndra emini ma edezu e’yo yinisi ’yozu kini, Zeba pi ma dri curu’do Zalimuna be mi dria, amani te ani enya fezu ’ba mini andepi ’diyi dri ’di ya?

¹⁶Eri obi ’ba ’wara aku ndea ’diyi, o’du oci angu didia ’diyi pi oci nyirinyiriri pie, imba ’ba Sukotia ’diyi ani.

¹⁷Eri nye vini jo izuru Penuelia va, ofu ’ba aku ndea ’diyi indi.

¹⁸Eri nga di ’yo Zeba pi ma tia Zalimuna be, ’Ba ndra emini ofule Taboria ’diyi ’ba ngonini ya? Yi omvi e’yo eri ma tia, Ekile mini ovulerile, yi ndra alu ’dini indi; yi alu alu si yi opianzile.

¹⁹Eri nga di e’yo omvi kini, Yi ma adripini, ma andri ma anzi; ekile Yehovani ovule idrirurile, emi ka ndra yi opa idriru, ma ngani te emi ofu ku.

²⁰Eri nga di ’yo Yeteri i ma mvi okori ma tia, Mi nga uru, mi ofu yi. Te karilau nde enzeni sei ini ku; eri ovu urisi, a’disiku erini ndra nga ovule kiri mvanirisi.

²¹Zeba pi nga di ’yo Zalimuna be, Mi enga, mi e’de ama dria mi’i ka; te ekile agu nderini ovulerile, okpo erini ’dini. ’Dini Gideoni nga ra, ofu Zeba pi Zalimuna be; o’du onyiafa mbasile go’do go’do ngamia yini ma ombelea ’diyi ra.

²²’Ba Israelini nga di ’yo Gideoni ma tia, Mi nya opi ama drilia, emi iri tro mi mvi be, mi mvi ma mvi ma nya indi; mini ama opale Midiani ma driarisi.

²³Te Gideoni ’yo yi ma tia, Ma ngani opi nya emi drilia ku, kani ma mvi’i ku indi; Yehovani nga opi nya emi drilia opiruni.

²⁴Gideoni ’yo yi ma tia, Ma le te afa a’i emi dri fo; emi ’ba dria alu alu ma fe mani nzia bia emini opaleri. (’Da nde ovu nzia meleru be yi bia, yini ovule ’ba Isiraelinirisi.)

²⁵Te yi omvi e’yo kini, Ama nga yi fe avasi. Yi nga di bongo aja ra, ’ba dria alu alu nga ani nzia bia erini opale ombaa ’diyi o’be alenia.

²⁶Yi o’bi nzia meleru erini a’ile ’diyi ma nziza sekeli meleru alifu alu drini turu aziri; drinia onyiafa mbasile ’diyi yi indi, onyiafa o’ile keleru ’diyi pie, bongo okalakokalaru ndra opi Midianini ma ruaari pie, anziriku ovupi ngamia yini ma ombelea ’diyi pie ,dria.

²⁷Gideoni nga ani koti alinaru ede afa nde ’diyisi, ’ba eri aku ini ma alia, adani Ofira ma alia; te Israeli dria mu ali o’baria eri vutia, eri nga i oja embaru Gideoni pi dri ori’ba erini ’diyi be.

²⁸’Dini nde Midiani anzi Israelini ma drilia ra, yi engani yi ma dri uru dika ku. Angu nde li di ava eli kali su ewu Gideoninirisi.

²⁹Yerubaali Yoasi mvi mu di ovu i vile joa.

³⁰Gideoni ma anzi ndra kali aziri, eri ma ngulupini tileni ’diyi, erini ndra ovule oku be trerisi.

³¹Oku erini ati’boru ndra Sekemuari ti erini mva alu indi, eri ’da runi Abimeleki’i.

³²Gideoni Yoasi mvi nga di dra ra de eri di mbazauru eli be fudri ci ’bo, sa ndra eri nyadri ati Yoasini ma alia, Ofira ’ba Abiezeriniria.

³³Te eri nga eca ’dini, Gideoni ka dra ’bo, coti anzi Israelini oja yi dika muzu ali o’bazu adrou Baaliru ’diyi ma vutia, yi ede Baali-beriti Mungu yiniru.

³⁴Te anzi Israelini egani Yehova Mungu yini, ndra yi opapi ari’ba yini dria ma dria kala driasiri’i ku;

³⁵eceni vini asi ndriza ori’ba Yerubaalini dri (eri Gideoni’i) onyi dria erini ndra ecele Israeli dririle ku.