Read lugbara E'yo Eceza 10 Bible Online

E'yo Eceza 10 - lugbara bible

E'yo Eceza 10

¹Ma ndre malaika azini okpo berini esiria ’buarisi va, su iriti i ma ruaa bongole, gari ago i eri ma dria uruleru, andretini etule, pani ekile ad pa sopi piriru ’diyile.

²Eri ma dria buku gaaru ovu zizaru. Eri ’ba i pa dri ndiari miri dria, dri ejiari nyaku dria,

³eri tre o’duko urusi ekile kamini onolerile; ka tre ’bo, angu liza aziri ’diyi oli yi ma o’dukosi oli oli.

⁴Angu liza aziri ’diyi ka li ’bo, ma ’ye e’yoni si si, te ma eri o’duko engazu ’bua ’yozu kini, Mi ma ’ba eceta afa ma ti opizuri e’yo angu liza aziri ’diyini oluleri ma dria ci, mi si yi ku.

⁵Malaika mani ndrele pa sopi miri ma dria nyaku beri eju i dri ndiari uru ’bua,

⁶nga oyo so ’ba ovupi idriru kpere ’dani ’dani, ’bu pi ’bapi afa alenia ’diyi be, nyaku pie afa alenia ’diyi be, miri pie afa alenia ’diyi beri ma rusi, kini ewu tezuri ’ye asi di,

⁷te o’du o’duko malaika aziririnirisi, erini ’yeria vuria, e’yo zizaru Munguniri de i ra ekile e’yo bari erini olule ati’ba ini ’ba nabiru ’diyi ma tiarile.

⁸Ma eri o’duko teka mani erile ’buarini e’yo ’yoria ma be dika kini, Mi mu, mi ’du buku ovupi zizaruri malaika pa sopi miri ma dria nyaku beri ma dria.

⁹Ma mu di malaika vu ani, ma ’yo eri tia eri ma fe ma dri buku gaaru nderi, Eri ’yo ma tia, Mi ’du eri, nya; eri nga asi mini ’ba drazaru, te mi tilia eri nga ovu aluzaru anyule.

¹⁰Ma nga di buku gaaru nderi ’du malaika ma dria, ma nya eri ra; eri ovu ma tilia aluzaru anyule, te ma ka eri nya ’bo, eri ’ba ma asi drazaru,

¹¹Yi ’yo ma tia, Mi ma ondri e’yo dika ’ba kakau ma dria, suru pie, ti ’yoza pie, opi pie dria.