Read lugbara E'yo Eceza 3 Bible Online

E'yo Eceza 3 - lugbara bible

E'yo Eceza 3

¹Mi si malaika kanisa Saridisiarini vu kini ’Ba ovupi Orindi Munguni aziri piyi be, ’bi’bio aziri pieri ’yo ’dini: Ma ni ’yeta mini; mi ovu ru be kini mi idriru, dere mi dra ’bo.

²Mi ma te mi agei mile be, mi ’ba lafa acepi ’yepi drapi ’diyi okporu, a’disiku ma isuni ’yeta mini capi kililiru Mungu mani ma miliani ku.

³Mi ega ani e’yo mini a’ile ’bori azini erile ’bori; mi ma mba yi ma ta, mi cia mi asi. Mi ka mi agei te mile be ku, ma nga emu oguoule, te mi ngani etu mani emuzu mi vuri ni ’laluni ku.

⁴Te mi ovu ru alu alu be Saridisia indi, ’ba afa suza yini ezapi ku ’diyi; yi nga aci ma be bongo emveru be, a’disiku e’yo nderini yi sile rarisi.

⁵Yi nga ’ba agapiri osu afa suza emverusi, azini ma ngani ru erini ini buku idriniri ma aliasi aluni ku; te ma nga ru erini e’da ma Ati ma milia, malaika erini be.

⁶’Ba ovupi bile beri ma eri e’yo Orindini ’yole kanisa tiari.

⁷Mi si malaika kanisa Filadele-fiaarini vu kini: ’Ba alatarare, ’ba ladaru, ovupi fungua Daudiniri be, ’lafa ma ti zipi te ’ba aluni ngani tini opi ku, azini afa ma ti opipi te ’ba laluni ngani tini zi kuri ’yo ’dini:

⁸Ma ni ’yeta mini. Mi ne, ma ’ba jorile zizaru ’ba aluni ecole opile kuri imi drilia ’bo; ma ni kini mi ovu okpo ibe were, te ti mi mba e’yo mani ma ta ’bo, azini mi gani ru mani ku.

⁹Mi ne, ma fe ’ba Satanini okuleni, ’yopi kini yi ’ba Yahudini de yi ovuni ’dini ku, te yi ’ba inzo lipi ’diyi -mi ne, ma nga fe yi ma emu yi ecozu va mi palaa inzizu, yi ma ni ani kini ma le mi ra.

¹⁰Mini asi teza maniri ma e’yo oluza ma ta mbalerisi, ma nga vini mi ta mba indi etu ’ba o’bizu ngapi ecapi angu wudrikuru drisi dria, ’ba ovupi nyakua ’diyi o’bizurisi.

¹¹Ma emu mbele; mi bi afa ovupi mi beri ci, ’ba aluni kazu ekilaza mini pazu ku.

¹²Ma nga ’ba agapiri ’ba ovuzu pati idiaferu hekalu Mungu manirini ma alia; eri ngani fu ’daarisi dika ku, te ma nga Mungu maniri ma ru si eri i ma dria, azini aku Mungu manirini ma ru, ’di Yerusalemu o’diru engapi ’bua Mungu maniri yo esipi vari’i, ma nga vini ru ma vile o’diruri si indi,

¹³’Ba ovupi bile beri ma eri e’yo Orindini ’yole kanisa tiari.

¹⁴Mi si malaika kanisa Laodikiaarini vu kini: Amena nderi ’yo ’dini, eri ojiou e’yo eti nzepi kililiru azini adaru, afa Munguni o’bale ’diyi e’dopi okori’i:

¹⁵Ma ni ’yeta mini ra, mi ambini ku, mi drini vini ku indi. Ma le te mi ma ovu ambizaru kani drizaru!

¹⁶’Dini mini tole kiri yuu, drizaru ku kani ambizaru kurisi, ma ’ye ani mi ogbe ma tiliarisi va.

¹⁷Mini ’yole kini, Ma afa e’ini, ma isu lonyi ’bo, lomere azini ndeni ma ku; de mi nini mi ocokoru tu, azini candiru, azini alioru, azini mile draza be, azini pililiru ’diniri kurisi,

¹⁸ma imba mi, mi ma je ma vu mele edele alaru acisiri, mi ma eca lonyi e’iru beni; afa suza emveru mi ma su mi ruaa, drinza mi rua pililiruriniri kazu e’dazu ku; azini mile aro mi mile efizu, mi ma ndre angu ani beni.

¹⁹Ma adri ega ’ba dria mani lele ’diyi ma dria, ma adri vini yi imba ra; mi ma ’ba ani ava, mi asi ojazu beni.

²⁰Mi ne, ma pa so jotile kpozu; ’ba azini ka o’duko mani eri, ka jotile zi, ma nga fi eri yo, ama nga nyaka nya eri be, azini eri’i ma be.

²¹Ma nga fe ’ba agapiri ma ri va ma be oguna mani ma dria, ekile mani agale ’bo azini rile va ma Ati be ogula erini ma driarile.

²²’Ba ovupi bile beri ma eri e’yo Orindini ’yole kanisa tiari.