Read lugbara 1 Samueli 19 Bible Online

1 Samueli 19 - lugbara bible

1 Samueli 19

¹Te Saulo ’yo i ma mvi Yonatani pi ma tia, ati’ba erini ’diyi dria be kini, yi ma fu Daudini ra. Te Yonatani Saulo mvi le Daudini tu.

²Te Yonatani olu Daudi tia kini, Ma ati Sauloni geri nda mi fuzu; e’yo ’disi ma matu ’ba mi vu, mi te mi agei onyiru o’bitisi, mi adri pari zizaruri ma alia, mi ma zi mi zi;

³te ma nga fu amve, mu pa sozu ma ari ageia, pari mini adrizu asearia, ma nga o’yo ma ati be ’yo minisi; ma ka e’yo isu ra ma nga olu mi dri ra.

⁴’Fe Yonatani ’yo e’yo onyiru Daudiniri i ati Saulo ma tia, ’yo tinia kini, Opi ma ’ye onzi ati’bo ini Daudi vu ku, a’disiku eri ’yeni onzi mi vu ku, azini ’yeta erini mi vu ’diyi ovu onyiru tu;

⁵te eri adi idri ini pi dra dri, ’ Filisitiaari fuzu, aziru Yehova ’ye para amboru Israeli dria dri, Mi ne e’yo nde ndra ra, mi ovu ani ayikosi; mi di ’ba ezata kokoru ’diniri ma ari eza, Daudini fuzu e’yo kokoru a’di e’yosi ya?

⁶Te Saulo eri o’duko Yonatanini ra; te Saulo so oyo kini, Ekile Yehovani ovule idri berile, yi ngani eri fu ku.

⁷Yonatani nga di Daudini omve ra, azini Yonatani ece eri dri e’yo ’diyi dria ra. Te Yonatani eji Daudini Saulo vu, eri ovu eri ma milia ekile okorile.

⁸A’di ’diza e’do dika; azini Daudi efu ra, eri ’di a’di ’ba Filisitiaa ’diyi be, eri ofu yi azavuru, yi apa Daudisi apa apa.

⁹Te isu orindi onzi engapi Yehova vuri esi Saulo ma dria, erini riria aju be i ma dria joaria; te Daudi ovu o’di cozu i ma drisi.

¹⁰Te Saulo o’bi Daudini ’dizu ajusi kpere abi ruaa; te eri ona i Saulo ma driliasi, ’dini aju so i abi ruaa toko. Daudi apa ra, nga i pa ini ’ dasi ra.

¹¹Te Saulo pe ’ba ti jo Daudiniria eri mbazu, eri fuzu o’bitisi. Te Mikali Daudi vile okuri ’yo tinia kini, Mi ka apa inisi andru ku, drusi yi nga mi fu ra.

¹²’Dini Mikali osi Daudini va derisasi; eri mu ra, nzu ra, pa ira.

¹³Te Mikali ’du wura inzile inziri, eri la eri gbolo dria’i eri ’ba afa dri atizu ede le ndri ’bikosiri erini dri atizu’i, eri ’be drini bongosi ci.

¹⁴Te Sauloni ’ba ti peria muzu Daudini ejizu, oku ’yo ra kini, Eri azoru.

¹⁵Te Saulo pe ’ba ti dika Daudini ndrezu kini, Emi eji eri gbolo dria ma vu ’doa, ma ma fu eri ani.

¹⁶Te ’ba tini epele ’diyi ka efi ra, mi ne, dere wura toko ’baleri gbolo driani, afa dri atizu edele ndri ’bikosiri ati drini ani.

¹⁷Te Saulo ’yo Mikali ma tia, Mi ici ma dri ’dini, azini mi fe ari’bo manini muzu i pazu ra ’dini a’disi ya? Te Mikali omvi e’yo Saulo ma tia kini, Eri ’yo ma tia, kini, Mi fe ma ma mu ra; ma te mi fu a’di e’yosi ya?

¹⁸’Dini Daudi apa, eri pa ira, eri emu Samueli vu Ramaa, eri olu tinia e’yo dria Sauloni ’yele eri vu ’diyi. Te yi Samueli be mu adrizu Nayotia.

¹⁹Azini yi olu Saulo ma tia kini, Mi ne, Daudini ’Nayoti Ramaaria ’dale.

²⁰Te Saulo pe ojio ti muzu Daudini bizu; te yini nabi ongulumuru ndreria, yini e’yo ondriria, Samuelini pa soria yi ma drilia, Orindi Munguni esi ojio Sauloni tini pele ’diyi ma dria, yi ondri e’yo indi

²¹Te yi ka e’yo nderi olu Saulo tia, eri pe ojio azini ’diyi ma ti, te yi ondri e’yo indio Dika Saulo pe ojio ti pale narisi, te yi ondri e’yo indi.

²²Eri ma ngulupi nga di mu Ramaa, eri emu yi a’di ambo gale ga Sekuaria; eri zi kini, Samueli pi Daudi be yi ngoa ya? Te ’ba alu ’yo ra, Mi ne, yi Nayoti Ramaaria.

²³Eri mu Nayoti Ramaaria ’dale; te Orindi Munguni esi eri ma dria indi, eri mu drile, ondri yo kpere erini caria Nayoti Ramaaria.

²⁴Azini eri otru i ma bongo indi, eri ondri e’yo Samueli ma drilia indi, eri la i va pililiru etu nde ’dasi zu azini ini rra. E’yo ’disi yi ’yo di ani, Sauloni vini alu nabi piyi ma eselia indi ya?