Read lugbara 1 Samueli 27 Bible Online

1 Samueli 27 - lugbara bible

1 Samueli 27

¹Daudi ’yo i ma asia, Ma nga dri ja o’du azinisi Saulo ma dria ra; e’yo onyiru agapi mani apazu angu ’ba Filisitiaa ’diyiniria rari yo; Saulo ma asini nga ande ma ndruzu angu Israelini ma alia dria, ’dini ma nga ma pa eri ma dria ra.

²Te Daudi enga ra, eri aga ’aa’dale, eri’i ’ba erini turu azia ovupi eri be ’diyi be, cazu Akisi Maoki mvi, opi Gatuari vu.

³Te Daudi adri Akisi be Gatua, eri’i ’ba erini ’diyi pie, ’ba dria alu alu ’ba i vile joa ’diyi be, adaru Daudi oku erini iri Ahinoamu Yezireeli zaaruri pi Abigaili Karimeli zaaruri ovupi ndra Nabali ma okururi be.

⁴Yi olu Saulo tia e’yo Daudini apazu Gatuari; te eri ndruni eri dika ku.

⁵Te Daudi ’yo Akisi ma tia, Ma ka curu’do asi ndriza isu mi milia ’bo, mi fe yi ma fe ma dri pari aku amboru angu amveri ma alia, ma ma adri ’daa; a’disiku ati’bo miniri ma adri mi be aku opiniria ’dani a’di e’yosi ya?

⁶Akisi fe di eri dri aku Zikilagi o’du ’dasi; e’yo ’disi Zikilagi awu di angu opi Yudani ’diyiniru kpere curu’do.

⁷Te o’du Daudini adrizu ’ba Filisitiaa ’diyi ma angua ma kalafe ovu eli alu pi drinia mba su.

⁸Daudi pi tu ’ba ini ’diyi be; yimu fi angu ’ba Gesuriniri pi ma alia, ’ba Girizini pie, ’ba Amalekini pie, omba ’bazu yi be; te engazu gbudrio suru ’diyi yi ovu kari’baru angu ndea, cazu Suria kpere Misiria.

⁹Daudi ja angu nderi ma dri, eri kuni agupi kani oku idriru aluni ku, azini eri o’du kabilo pi, ti pie, akanya gaaru ’diyi pie, ngamia pie, bongo suza pie, eri emvi ra, eca Akisi vu.

¹⁰Te Akisi ka ’yo ra, Emi mu te andru ombaa ’ba a’diko be ya? Daudini adri omvi ra kini, Kala, uruleru Yudaniri ma dri aruzu, kani kala uruleru ’ba Yerameelia ’diyiniri ma dri aruzu, kani kala uruleru ’ba Kenia ’diyiniri ma dri aruzu.

¹¹Te Daudi kuni ’ba azini agupi kani oku idriru aluni ejizu Gatua ku, kini, Yi kazu ’yozu ama ma e’yosi ku kini, Daudi ’ye ’dini. Azini adriza erini o’du dria erini adrizu angu ’ba Filisitiaa ’diyiniria ovu ’dini.

¹²Akisi a’i e’yo Daudini, kini, Eri fe ’ba ini Israelini ’diyi ma ngu i onzi tu; ’dini eri nga ovu ati’bo mani ’dani ’dani.