Read lulogooli Litanga 14 Bible Online

Litanga 14 - lulogooli bible

Litanga 14

¹Kunangwa mu madiku ga Amuraieli mwami wa Shinaru Arioku mwami wa Elasaru, Kedorilaomeri mwami wa Elam, na Tidali mwami wa Goiim;

²va kola lihe na Bera mwami wa Sodoma, na Birsha mwami wa Gomora, Shinabu mwami wa Adima, na Shemeberi mwami wa Zeboim, na mwami wa Bela (livola li veye Zoaru).

³Yava vosi va hambana halala mu livona lya Shidimi (li veye Inyanza Yomunyu).

⁴Vatumekira Kedorilaomeri mihiga likumi na gyiviri, na muhiga gwelikumi na gyivaka va mu tinguha.

⁵Muhiga gwelikumi na gyine Kedorilaomeri ya duka, na avami va li halala naye, na va guuta Varefaim mu Ashiterothukarinaim, na Vazuzim mu Ham, na Vaemi mu Shavekiriathaim,

⁶na Vahori mu kigulu kyavo Seiru, kuduka El-paran, li veye ku luvega lwekyangalangwi.

⁷Kandi virana ni va duka En-mishpat (li veye Kadesh), navo va guuta kivala kyosi kya Amaleki, nekya Vaamori, ava menya mu Hazazon-tamaru.

⁸Kandi mwami wa Sodoma na mwami wa Gomora, na mwami wa Zeboim, na mwami wa Adima, na mwami wa Bela (nalyo li veye Zoaru); na va kola ubulwani mu livona lya Sidimi;

⁹va lwane na Kedorilaomeri mwami wa Elam, na Tidali mwami wa Goim, na Amurafeli mwami wa Shinaru, na Arioku mwami wa Alasaru; avami vane va lwana na avami vatano.

¹⁰Kunangwa livona lya Sidimi lya li na malina manyingi gobudohi; na avami va Sodoma na Gomora viruka, navo va gwa yo, na ava tigala viruka kutsia mu kigulu.

¹¹Navo va lanya vindu vyosi vya Sodoma na Gomora, nevyokulia vyavo vyosi, na va tsia.

¹²Na va hila Loti, mwana wamwavo wa Abram, wa li na a menya mu Sodoma, ne vindu vivye, ni va tsia.

¹³Kandi yadza mulala wa hononoka, na a volera Abram Muhebraina: ha ya menya himbi nemisala gya Mamre, Muamori, amwavo wa Esikoli, na amwavo wa Aneri; na vandu yava va li ni va koli lilagana na Abram.

¹⁴Na Abram lwa ya hulira amwavo wewe u gumeywi, ya hila avandu veve avegidzwa, avivulwa mu inyumba yeye, avandu tsimia tsivaka ne likumi na vatano na vabaka, na a va londerera kuduka Dan.

¹⁵Na rnbudiku ya gavula avandu veve kuvo, mwene na vatumekiri veve, na a va guuta, na a va kunga kuduka Hoba, li veye ku luvega lwo mukono mmosi ku Damasko.

¹⁶Kandi yirannya vindu vyosi, kandi yirannya amwavo wewe Loti, na vindu vivye, na vakali kandi, na avandu vosi.

¹⁷Na mwami wa Sodoma ya tsia kumwaganira, lwa yirana kutwula kwiita Kedorilaomeri na vami va li haiala naye, mu livona lya Shave (li veye Livona lyo Mwami).

¹⁸Na Melikizedeki mwami wa Salemi ya leta ubukima na iwaini: naye ya li musalisi wa Nyasaye U Veye Igulu ku Vyosi.

¹⁹Naye ya mu gasidza, na a vola, A gasidzwe Abram wa Nyasaye U Veye Igulu ku Vyosi, Mwene weligulu nelirova;

²⁰na a gasidzwe Nyasaye U Veye Igulu ku Vyosi, u viki avasigu vovo mu makono gogo. Naye ya mu ha izaka ku vyosi.

²¹Na mwami wa Sodoma ya volera Abram, U mbe avandu, na ive mwene u vugule vindu vyosi.

²²Na Abram ya volera mwami wa Sodoma, Inze rgingiye Yahova mukono gwange, Nyasaye u Veye Igulu ku Vyosi, Mwene weligulu ne lirova,

²³kuvola, si nda vugula kali luvusi kinga rnugoye gwevilatu kinga ku vyosi vi veye vivyo, gase u la vola, Inze nkoli Abram kuva mutugi:

²⁴ni ki ta li kya vasoleli va liye, na kidieli kya vandu ava li kutsia halala ninze, navo ni Aneri, na Esikoli, na Mamre; u leke va vugule kidieki kyavo.