Read lulogooli Litanga 16 Bible Online

Litanga 16 - lulogooli bible

Litanga 16

¹Kunangwa Sarai mukali wa Abram, si ya mwivulira avana mba: naye ya li nomkana mutugwa, Muegepeti, lieta lilye lya langwa Hagari.

²Na Sarai ya volera Abram, Henza, Yahova u ngayi ntivula mba; mwadza, u tsie kuva nomukana mutugwa wange: mbula nda nyola avana kuye. Na Abram ya hulira livola lya Sarai.

³Na Sarai, mukali wa Abram, ya leta Hagari, Muegepeti, mutugwa wewe, lwa Abram ya mala kumenya mihiga likumi mu kivala kya Kanani, na a mu haana ku Abram musatsa wewe kuva mukali wewe.

⁴Naye ya va na Hagari, naye ya vereka: na lwa ya lola u vereki, munene wewe ya legwa mtsimoni tsitsye.

⁵Na Sarai ya volera Abram, Lihyolo lyange li ve ku ive: nda ku ha mukana mutugwa wange, nokumbika mkiritu kikyo; na lwa ya lola u vereki, ndegwa mu tsimoni tsitsye: Yahova a kalage hagati hange nive.

⁶Navutswa Abram ya volera Sarai, Henza, mukana mutugwa wowo a veye mmakono gogo; u mu kolere kuli u lola bu veye bulahi. Na Sarai ya mu kupidza kivi, naye yiruka kutwula kuye.

⁷Na ingelosi wa Yahova ya mu nyola himbi nekisenukiru kya amadzi mwigendanyama, himbi kisenukiru kya madzi ku inzira ya Shur.

⁸Naye ya vola, Hagari, mutugwa wa Sarai, u twula haliki? Ka u tsitanga haliki Na ya vola, Nzirukanga kutwula ku munene wange, Sarai.

⁹Na ingelosi wa Yahova ya mu volera, Yirana ku munene wowo, wegehidze mmakono gege.

¹⁰Na ingelosi wa Yahova ya mu volera, Nda meda visukululwi vivyo ligali, vi vule kuvalidzwa ku bunyingi bwavyo.

¹¹Kandi ingelosi wa Yahova ya mu volera, Henza ive u veye inda, na u livula mwana muyai; na u la mu gulika Ishmaeli, kigira Yahova u huliye lidambidzwa lilyo.

¹²Naye a la va kuli isukiri yomulitu hagati ha vandu, mukono gwigwe gu la hing'ana na vandu vosi na mukono gwa vandu vosi gu la hing'ana; naye; kandi a la menya imbiri wa vamwavo veve vosi.

¹³Na Hagari ya langa lieta lya Yahova wa volerana naye, Ive u veye Nyasaye u lolanga: kigira ya vola, Inze kali hano nda henza uyu u ndolanga?

¹⁴Kigira yaga kidaho yiki kya langwa Beerlahairoi; Henza, ki veye hagati ha Kadesh na Beredi.

¹⁵Na Hagari yivulira Abram mwana muyai: na Abram ya gulika mwana wewe, wa Hagari yivula Ishmaeli.

¹⁶Na Abram ya li wemihiga makumi gatano na gavaka, na gyitano na mulala, lwa Hagari yivulira Abram Ishmaeli.