Read lulogooli Litanga 32 Bible Online

Litanga 32 - lulogooli bible

Litanga 32

¹Kandi Yakobo ya tsia ku lugendo lwilwe, na tsingelosi va Nyasaye va vugana naye.

²Na Yakobo lwa ya va lola ya vola, Yili ni lihe lya Nyasaye: na ya gulika ha zana Mahanaim.

³Kandi Yakobo ya tuma avatumwa imbiri wewe kutsia Seiru, mu kivala kya Edom ku amwavo wewe Esau.

⁴Na ya va laga, na a va volera, Mu la volera mwami wange Esau: Mutumekiri wowo Yakobo a volanga, Inze mmenyi halala na Labani, nokuva yo kuduka kalunu:

⁵kandi mbeye netsing'ombe, netsisukiri, nevyayo, navatugwa avayai, navatugwa avakana: na ndetanga avatumwa yava kuvolera mwami wange, nduke kunyola tsimbabasi imbiri wowo.

⁶Na avatumwa virana ku Yakobo, ni va vola Kwa duka ku arnwavo wowo Esau naye kandi yadza kukwaganira, na avandu tsimia tsine halala naye.

⁷Kunangwa Yakobo ya tia ligali na a henda mwoyo: naye ya gavula avandu va ya li navo, na vyayo vyamagondi, na vyetsing'ombe, na vyetsing'amia, nokukola viduma viviri;

⁸na a vola, Esau na a va na a duka kuduya kidurna kyokutanga, kiduma ki tigaye ki la hona.

⁹Na Yakobo ya vola, O Nyasaye wa guga wange Abrahamu, na Nyasaye wa dada wange Isaka, O Yahova, wa mbolera, yirana mu kivala kikyo, nomu viko vovo, na nda ku kolera malahi:

¹⁰inze si ndukani kali ku tsinkekeke ku tsimbabasi tsitsyo tsyosi, noku ageligali gosi aga wa kolera mutugwa wowo; kigira ndaambuka mugera yigu Yordani nempimbo yange; na kalunu mmedeki kugwa viduma viviri.

¹¹U mbonnye, nku saala, ku mukono gwa amwavo wange, ku mukono gwa Esau: kigira mmu tia, gase a ladza nokuduya inze, na mama halala na avana.

¹²Kandi ive wa vola, Ligali nda ku kolera malahi, kandi nda kola kisukululwi kikyo kuva kuli umuyeke gwenyanza, gu ta validzwa kigira gu veye munyingi.

¹³Naye ya gona yo ubudiku yibu, kandi ya vugula ku vindu vya ya li navyo vi ve kihaanwa ku Esau amwavo wewe:

¹⁴tsimbuli tsinkali tsimia tsiviri na tsikole makumi gaviri, na magondi tsimia tsiviri na makole makumi gaviri,

¹⁵na tsing'amia tsinkerwa makumi gavaka na vimoli vyatsyo, na tsing'ombe tsidwasi makumi gane na tsigiriki likumi, na tsisukiri tsinkali makumi gaviri na vimoli vyatsyo likumi

¹⁶Naye ya vi vika mu mukono gwa vatugwa veve, kyayo sa kilala ha luvega, na a volera avatugwa veve Mwimire mwambuke imbiri wange na mu vike ubwiyangu hagati hekyayo nekyayo.

¹⁷Na ya laga wembiri na a mu volera, Esau amitu wange lwa a ku nyola, na a ku teva, Ive u veye wa bwaha? Kandi u tsitsa haliha? Ni vya bwaha yivi vi veye imbiri wowo?

¹⁸Hene yaho u vole Yivi ni vyomutugwa wowo Yakobo, vi veye kihaanwa kya leterwa mwami wange Esau: na henza, mwene kandi a veye inyima.

¹⁹Kandi ya laga ndiyo wa kaviri, nowa kavaka, navo vosi ava londa vyayo, na a vola, Mwinye mu volere Esau lwa mu lolana naye kuli yaga;

²⁰Na mu la vola, Kandi, henza, mutugwa wowo Yakobo a veye inyima wetu. Kigira ya vola, Nda mu yanzidza nekihaanwa kyemirira kutsia imbiri wange, na inyima nda mu lola mumoni mwimwe; mbula a la nyanza

²¹Kunangwa kihaanwa kyemirira kwambuka imbiri wewe: naye mwene ya gona mu kiduma ubudiku yibwo.

²²Na ya vuka ubudiku yibwo, na a vugula avakali veve vaviri, navatugwa veve avakana vaviri, na avana veve likumi na mulala, ni yambuka inyambuku ya Jaboku.

²³Na ya tsia navo nokuvambukidza mugera na yambukidza kandi vindu vyosi vya ya li navyo.

²⁴Na Yakobo ya tigala yeng'ine; kandi ha li nomundu wa lwana naye kuduka bwa kya.

²⁵Na lwa ya lola a vula kumuguuta, ya dira mukyi gwe ivadzwa yeye; na mukyi gwe ivadzwa ya Yakobo gwa kunuuka, lwa ya lwana naye.

²⁶Naye ya vola, Leka, ntsie, kigira bu kyeye. Na Yakobo ya vola, Si ndeka u tsie, nu u vula kungasidza.

²⁷Naye ya mu teva, Lieta lilyo ni bwaha? Naye ya tivula, Lieta lyange ni Yakobo.

²⁸Na ya mu volera, Lieta lilyo si li la langwa kandi Yakobo, navutswa li la langwa Israeli: kigira u gerani na Nyasaye na avandu, na u guuti.

²⁹Yakobo ya mu teva, na a vola, U mbolere lieta lilyo, nku saala. Naye ya teva, Kigira ki u tevanga lieta lyange? Na ya mu gasidziraho.

³⁰Na Yakobo ya gulika ha zana Penueli: kigira, ya vola, Ndoli Nyasaye moni na moni, na inze mwene ntigaye mwoyo.

³¹Na liuva lya tonga kuye lwa yambuka ha Penueli, naye ya segera kigira ivadzwa yeye.

³²Kigira yaga avana va Israeli si va litsanga mukyi gwo mumoni yevadzwa kuduka lero: kigira ya dira mu bwongiru bwevadzwa ya Yakobo ho mukyi gwekunyanga.