Read lulogooli Litanga 37 Bible Online

Litanga 37 - lulogooli bible

Litanga 37

¹Kandi Yakobo ya menya mu kivala ha dada wewe ya menya, mu kivala kya Kanani.

²Na yivi ni visukululwi vya Yakobo. Josefa, lwa ya li nemihiga likumi na gyitano na gyiviri, ya li mwayi wekyayo halala navamwavo veve; na ya li muyai halala na avana va Bilha, na halala na avana va Zilpa, avakali va dada wewe: na Yosefa ya letera dada wavo makuvagavomadamano.

³Henza, Israeli ya yanza Yosefa kuvita avana veve vosi, kigira ya li mwana wobusakulu bwibwe: na ya mu lombera likoti litambi na lyamakono.

⁴Na avamwavo veve va lola kuli dada wavo ya mu yanza kuvita avamwavo vosi veve; na va mu dunyira, na si va nyala kuvolerana naye nemirembe.

⁵Na Yosefa ya lota liloto, naye ya volera avamwavo veve: navo va meda lidunya kuye.

⁶Naye ya va volera, Mwadza, mu hulire liloto yili lya ndoti:

⁷kigira, henza, kwa li ku boha viganda mu mulimi, na henza, kiganda kyange kya vuka, ni ki singira; na henza, viganda vyenyu vya ki kumbiridza, nokusigamira kiganda kyange.

⁸Na avamwavo veve va mu volera, Hene ive u lameha ku kwinye? Kinga, ligali ive u la va nobwami ku kwinye? Navo va meda kumudunyira kigira maloto gege, na makuva gege.

⁹Naye ya lota liloto lindi, na a volera avamwavo veve, na a vola, Henza, Ndoti liloto lindi; na henza, liuva na mweli na tsing'ereng'ani likumi ne indala vya sigamira inze.

¹⁰Kandi ya volera dada wewe, na avamwavo veve; na dada wewe ya mu gaya, na a teva, Li veye kindu ki liloto yili lya wa lota? Inze na mama wowo na vamwavo vovo ku li yinaminya avene ligali kuduka hasi imbiri wowo?

¹¹Avamwavo va mu kendekera; navutswa dada wewe ya vika likuva yili mu mwoyo gwigwe.

¹²Kunangwa avamwavo veve va tsia kwaya kyayo kya dada wavo ha Shekem.

¹³Na Israeli ya volera Yosefa, Avamwavo vovo si vayanga kyayo ha Shekem?Hamba, nda ku tuma u tsie kuvo. Naye ya mu volera, Mbeye hano.

¹⁴Naye ya mu volera, Tsia kalunu, u lole avamwavo vovo ni va va ni va veye avalarnu, kandi kyayo ni ki va ni ki veye kilahi; u ndetere makuva. Kunangwa ya mu tuma a twule mu livona lya Hebironi, na ya duka Shekem.

¹⁵Na mundu mulala ya mu lola, na henza, a voyavoyanga mu kiguti: na mundu ya mu teva, na a vola, Wenya ki?

¹⁶Naye ya vola, Nyenyanga avamitu vange, mwadza, u mbolera ha vayanga kyayo.

¹⁷Na mundu ya vola, Va twuli hano; kigira nda hulira ni va vola, Ku tsie Dothan. Na Yosefa ya londerera avamwavo veve, na a va nyola ha Dothan.

¹⁸Navo va mu lolera ihale, ni va lomba makuva gobudamano, na a kikiri kuduka himbi kuvo, va duke kumwiita.

¹⁹Navo va volerana avene navene Henza, muloti zana udzanga.

²⁰Gendi kalunu, ku mwiite, nokumuta mubogo bulala, na ku la vola Inyama indamano ya mu lia: na ku la lola kuli maloto gege ga li va.

²¹Na Rubeni ya ga hulira, naye ya mu honnya mu makono gavo, na a vola, Ku ta mwiita mba.

²²Na Rubeni ya vola, Mu ta tahidza masahi; mu mu te mbogo mwigendanyama, navutswa mu ta hila kuye mukono: a duke kumuhonnya mu makono gavo, nokumwiranya ku dada wewe.

²³Kunangwa, lwa Yosefa ya duka ku avamwavo veve, va mu navula likoti lilye, likoti litambi na lyamakono lya yivika;

²⁴na va mu vugula, ni va mu ta mu bogo: na bogo bwa li bwere, bugira amadzi.

²⁵Na vikala kulia vyokulia: navo va ginga tsimoni nokuhenza, na henza, va lola uluvaso lwa Avaishmaeli va li kutwula Gileadi, na tsing'amia tsyavo tsi ginganga vindu vi funya mwayu, na kimuli, na manemane, va sulungutanga kutsia Egepeti.

²⁶Na Yuda ya volera avamwavo li veve, Ku la nyola ki ni kwiita amitu wetunokuvisaamasahigege?

²⁷Gendi, ku mu gule ku Avaishmaeli, na mukono gwetu gu ta va kuye; kigira a veye amitu wetu, masahi getu. Na avamwavo veve va mu hulira.

²⁸Ma Avamidiani avakiranyi va vita; na va senula Yosefa kumutwulidza mu bogo, ni va gula Yosefa ku Avaishmaeli vidonye vyefetha amakumi gaviri. Na va tsia na Yosefa kuduka Egepeti.

²⁹Na Rubeni yirana ha bogo; na henza, Yosefa si ya li mu bogo; naye ya tandula tsingubo tsitsye.

³⁰Ma yirana ku avamwavo veve, na a vola, Mwana si a li ho; na inze, na ntsie haliha?

³¹Na va vugula likoti lya Yosefa, ni viita ikole, ni vina likoti mu masahi;

³²ni va hila likoti litambe na lyamakono, nokulileta ku dada wavo, ni va voia, Ku doye yili: u lole li veye likoti lyomwana wowo naho mba.

³³Naye ya li manya na a vola, Yee, ni likoti lyomwana wange; inyama indamano i mu liye; ligaii Yosefa u donyanywa.

³⁴Na Yakobo ya tandula tsingubo tsitsye ni yeboha magunia ku kikengo kikye na a syomera mwana wewe madiku manyingi.

³⁵Na avayai veve vosi navakana veve vosi va singira kumuleminya mwoyo; navutswa ya sula kuleminywa; na a vola, Kigira nda sulunguta mu kilindwa ku mwana wange mu lisyoma. Na dada wewe ya mu lirira.

³⁶Na Vamidiani va mu gula mu Egepeti ku Potifara, munyampara wa Farao, munene wavalindi.