Read lulogooli Litanga 46 Bible Online

Litanga 46 - lulogooli bible

Litanga 46

¹Kunangwa Israeli ya samula halala na vyoso vya ya li navyo, na a duka Beer-sheba, na a haana vihaanwa ku Nyasaye wa dada wewe Isaka.

²Na Nyasaye ya volera Israeli mu maloto gobudiku, na a vola, Yakobo, Yakobo. Naye ya bugira, Mbeye hano.

³Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

⁴Inze nda sulunguta halala nive kutsia Egepeti; na ligali nda ku leta hano kandi: na Yosefa a la vika mukono gwigwe ku tsimoni tsitsyo.

⁵Na Yakobo ya vuka kutwula Beer-sheba: na avana va Israeli va ginga Yakobo dada wavo, na avakekeke vavo, na avakali vavo, mu magari ga Farao ya leta kumuginga

⁶Na va hila imitugu gyavo, nobutugi bwosi bwa va nyola mu kivala kya Kanani, ni va duka Egepeti, Yakobo, na visukululwi vivye halala naye:

⁷avayai veve, na avayai vavayai veve halala naye, na avakana veve, na avakana vavayai veve, na lwivulo lwilwe lwosi ya leta halala naye mu Egepeti.

⁸Na ameta ga vana va Israeli ava duka Egepeti ni yaga, Yakobo na avayai veve: Rubeni, munene wa Yakobo.

⁹Na avana va Rubeni: Hanoku, na Palu, na Heziron, na Karmi.

¹⁰Na avana va Simeoni: Jemueli, na Jamini, na Ohadu, na Jakin, na Zoharu, na Shaulu mwana wa mukali Mukanani.

¹¹Na avana va Levi: Gerishon, Kohathu, na Merari.

¹²Na avana va Yuda: Eru, na Onan, na Shela, na Pereze, na Zera, navutswa Eru na Onan va kudzera mu Kanani. Na avana va Pereze va li Heziron na Hamulu.

¹³Na avana va Isakari: Tola, na Puva, na Yobu na Shimiron.

¹⁴Na avana va Zebuloni: Seredu, na Elon, na Jahaleli.

¹⁵Yava na vana va Leah, ava yivulira Yakobo mu Padanaram, halala na mukana wewe Dina: avana veve vosi, avayai navakana va li makumi gavaka na vavaka.

¹⁶Na avana va Gadi: Zifion, na Hagi, Shuni, na Ezibon, Eri, na Arodi, na Areli.

¹⁷Na avana va Asheri: a Jamini, na Ishua, na Ishui, na Beria, na mbotso wavo Sera; na avana va Beria: Heberi, na Malikieli.

¹⁸Yava navana va Zilipa wa Labani ya ha Leah mukana wewe; na yava nivo ava yivulira Yakobo, vosi likumi na vatano na mulala.

¹⁹Na avana va Raheli mukali wa Yakobo: Yosefa na Benjamini.

²⁰Na vivulirwa Yosefa mu kivala kya Egepeti Manase na Efiraim, ava Asenathu, mukana wa Potifera musalisi wa On, ya mwivulira.

²¹Na avana va Benjamini: Bela, na Bekeru, na Ashibel, Gera, na Naaman, Ehi, na Rosh, Mupim, na Hupim, na Aridi.

²²Yava nivo avana va Raheli, avivulirwa Yakobo: vosi va li likumi na vane.

²³Na avana va Dan: Hushim.

²⁴Na avana va Nafitali: Jahazeli, na Guni, na Jezeru, na Shilem.

²⁵Yava navana va Bilha, wa Labani ya ha Raheli mukana wewe, va yivulira Yakobo: vosi va li vatano na vaviri.

²⁶Vosi va sulunguta halala na Yakobo kuduka Egepeti, avivulwa kuye, bugira avakali va vana veve, vosi va li avandu amakumi gatano na lilala na vatano na mulala.

²⁷Na avana va Yosefa, avivulwa kuye mu Egepeti, va li vaviri: na vosi ava li venyumba ya Yakobo, ava duka mu Egepeti, va li makumi gatano na gaviri.

²⁸Naye ya tuma Yuda imbiri wewe kutsia ku Yosefa kumumannya inzira i tsitsanga Goshen: navo va duka mu kivala kya Goshen.

²⁹Na Yosefa ya lomba ligari lilye, ni yanegira kwaganira Israeli dada wewe, ha Goshen; na yesingeridza mwene imbiri wewe, na a gwa ku ligoti lilye, na a lirira ku inyinga i duki.

³⁰Na Israeli ya volera Yosefa, Kalunu leke nkudze, kigira ndoli mumoni mwumwo, nu u kiri mwoyo.

³¹Na Yosefa ya volera avamwavo veve, na yava vosi avenvumba ya dada wewe, Inze ndanegira kumannya Farao, nokumuvolera, Avamitu vange, na avenyumba ya dada wange ava li mu kivala kya Kanani, va duki ku inze;

³²Na avandu yavo va veye avayi vemitugu, kigira va veye avatugi vemitugu; navo va leti vyayo vya magondi, ne tsing'ombe, na vyosi vya va veye navyo.

³³Kunangwa, lwa Farao a mu langa, nokumuteva, Miyinzi gyenyu gyi veye ki?

³⁴Mwinye mu la vola, Avatumekiri vovo va veye avatugi vemitugu kutwula bwana bwoke bwetu kuduka lero, kwinye, na avadada vetu: mu duke kumenya mu kivala kya Goshen; kigira avayi vosi va veye livihiriridza ku Avaegepeti.