Read lulogooli Litanga 5 Bible Online

Litanga 5 - lulogooli bible

Litanga 5

¹Yiki ni kitabu kyevisukululwi vya Adamu. Mu lidiku lya Nyasaye ya lomba mundu, mu lifwanana lya Nyasaye ya mu lomba;

²musatsa nomukali ya va lomba, na a va gasidza, na a va gulika lieta lyavo Adamu, mu lidiku yilyo lya va lombwa.

³Na Adamu ya hindira mihiga mia na makumi gavaka, na yivula muana muyai mu lifwana lilye,, noku livamwoyo lilye; na a mu gulika lieta lilye, Sethu:

⁴na madiku ga Adamu inyima wokwivula Sethu ga li mihiga tsimia tsitano na tsivaka: na yivula avayai navakana.

⁵Na madiku gosi ga Adamu ya hindira ga li mihiga tsimia tsitano na tsine na mihiga makumi gavaka: na a kudza.

⁶Na Sethu ya hindira mihiga mia na gyitano, na yivula Enosh:

⁷na Sethu ya hindira inyima wokwivuls Enosh mihiga tsimia tsitano na tsivaka na gyitano na gyiviri, na yivula avayai na vakana:

⁸na madiku gosi ga Sethu ga li mihiga tsimia tsitano na tsine na likumi na gyiviri: na a kudza.

⁹Kandi Enosh ya hindira mihiga makumi gatano na gane, na yivula Kenan:

¹⁰na Enosh ya hindira inyima wokwivula Kenan mihiga tsimia tsitano na tsivaka na likumi na gyitano, na yivula avayai navakana:

¹¹na madiku gosi ga Enosh ga li mihiga tsimia tsitano na tsine na gyitano: na a kudza.

¹²Kandi Kenan ya hindira mihiga makumi gatano na gaviri, na yivula Mahalaleli:

¹³na Kenan ya hindira inyima wokwivula Mahalaleli mihiga tsimia tsitano na tsivaka na makumi gane, na yivula avayai navakana:

¹⁴na madiku ga Kenan ga li tsimia tsitano na tsine na likumi: na a kudza.

¹⁵Kandi Mahalaleli ya hindira mihiga makumi gatano na lilala na gyitano, na yivula Jaredu:

¹⁶na Mahalaleli ya hindira inyima wokwivula Jaredu mihiga tsimia tsitano na tsivaka na makumi gavaka, na yivula avayai navakana:

¹⁷na madiku gosi ga Mahalaleli ga li tsimia tsitano na tsivaka na makumi gatano na gane na gyitano: na a kudza.

¹⁸Kandi Jaredu ya hindira mihiga nia na makumi gatano na lilala na gyiviri, na yivula Enoka:

¹⁹na Jaredu ya hindira inyima wokwivula Enoka mihiga tsimia tsitano na tsivaka, na yivula avayai navakana:

²⁰na madiku gosi ga jaredu ga li tsimia tsitano na tsine na makumi gatano na lilala na gyiviri: na a kudza.

²¹Kandi Enoka ya hindira mihiga makumi gatano na lilala na gyitano, na yivula Methusela:

²²na Enoka ya genda halala na Nyasaye inyima wokwivula Methusela mihiga tsimia tsivaka, na yivula avayai navakana:

²³na madiku gosi ga Enoka ga li tsimia tsivaka na makumi gatano na lilala na gyitano:

²⁴na Enoka ya genda halala na Nyasaye: na si ya loleka; kigira Nyasaye ya mu yugula.

²⁵Kandi Methusela ya hindira mihiga mia na makumi gatano na gavaka na gyitano na gyiviri, na yivula Lameku:

²⁶na Methusela ya hindira inyima wokwivula Lameku mihiga tsimia tsitano na tsiviri na makumi gatano na gavaka na gyiviri, na yivula avayai navakana:

²⁷na madiku gosi ga Methusela ga li mihiga tsimia tsitano na tsine na makumi gatano na lilala na gyitano na gyine: na a kudza.

²⁸Kandi Lameku ya hindira mihiga mia na makumi gatano aa gavaka na gyiviri, na yivula muyai:

²⁹na a mu gulika lieta lilye Nuhu na a vola, Uyu a la leminya myoyo gyetu mu miyinzi gyetu nomu likola lya makono getu, kigira lirova lya Yahova ya laama.

³⁰Na Lameku ya hindira inyima wokwivula Nubu mihiga tsimia tsitano na makumi gatano na gane na gyitano, na yivula avayai navakana:

³¹na madiku gosi ga Lameku ga li tsimia tsitano na tsiviri na makumi gatano na gaviri na gyitano na gyiviri: na a kudza.

³²Na Nuhu ya li nemihiga tsimia tsitano: na Nuhu yivula Shem, na Ham, na Jaiethu.