Read lulogooli 1 Avami 1 Bible Online

1 Avami 1 - lulogooli bible

1 Avami 1

¹Mwami Daudi ya li musakulu nowemihiga minyingi; na va mu kunika netsingubo, navutswa si ya nyola uluya mba.

²Kigira yaga avatumekiri veve va mu volera, Munene wange mwami yenyerwe mukana mugima: a singire imbiri womwami, a duke kumukonya; a gone mu kiritu kikye, umunene wange umwami a nyole uluya.

³Ma venya mukana mulahi mu tsinzako tsyosi tsya Israeli, ni va nyola Abishagi Mushunam, ni va mu leta ku mwami.

⁴Na mukana uyu ya li mulahi ligali; naye ya duka mwami, na a mu tume kira; navutswa mwami si ya va halala naye mba.

⁵Hene yaho Adonija mwana wa Hagithu yiidzominya mwene, na a vola, Inze nda va mwami: na yelo mbera magai na avasikari va nina ku tsiparasi, navandu makumi gatano kunyagula imbiri wewe.

⁶Na dada wewe si ya mbereridza kali inyinga indala ku livola, Kigira ki u kolanga yaga? Na halala na yaga ya li mundu weligondo lilahi ligali; naye yivu lwa inyima welivulwa lya Abisalom.

⁷Na ya lomba makuva na Joabu mwana wa Zeruia, na Abiatharu musalisi: na va londa Adonija kumu konya.

⁸Navutswa Zadoku musa lisi, na Benaia mwana wa Jehoiada, na Nathan muprofeti, na Shimei, na Kei, na avetsingulu ava li vandu va Daudi, si va li halala na Adonija mba.

⁹Na Adonija yiita magondi netsing'ombe nevinolu ahimbi neli gina lya Zohelethu, lya li himbi Enrogeli; na ya langa avamwavo veve vosi, avana vomwami, navandu vosi ave Buyuda, avatumekiri vomwami:

¹⁰navutswa Nathan mu proieti, na Benaia, navetsingulu, na Solomoni amwavo wewe, si ya va langa mba.

¹¹Hene vaho Nathan ya volera Bathsheba mama wa Solomoni, na a vola Si u hulira Adonija mwana wa Hagithu yamehanga, na Daudi munene wetu si a manya mba?

¹²Kunangwa kalunu, mwadza, hamba nkuvolere, u duke hwehonnya mwene nokuhonnya mwana wowo Solomoni.

¹³Tsia wingire ku mwami Daudi, na u mu teve, Umunene wange, O mwami, si wisuhira mukana mutugwa wowo, na u vola, Ligali Solomoni mwana wowo a lameha inyima wange, na a likala ku intebe yange yobwami? Kigira ki Adonija yamehanga?

¹⁴Henza, lwa ive u veye mwivolerana nomwami, na inze kandi ndingira inyima wowo na nda lungekidza makuva gogo.

¹⁵Ma Bathsheba yingira mu inyumba yomwami, nomwami ya li musakulu ligali, na Abishagi Mushu nam ya tumekira mwami

¹⁶Bath sheba yinama, na sigamira mwami. Mwami y a mu teva, Wenya ki?

¹⁷Naye ya mu volera, Munene wa nge, wisuhira inze mukana mutugwa wowo, ku Yahova Nyasaye wowo, ligali Solomoni mwana wowo a lameha inyima wange, na a likala ku intebe yobwami bwange.

¹⁸Na kalunu, henza, Adonija yamehanga; na ive, munene wange urnwami, si u manya mba:

¹⁹naye wiiti tsing'ombe nevinolu, na magondi vinyingi, na a langi avana vosi vomwami, na Abia tharu musalisi, na Joabu munyampara welihe; navutswa Solomoni mutumekiri wowo si a mu langi mba.

²⁰Na ive, munene wange, mwami, tsimoni tsya Israeli vosi tsi veye ku ive, u duke kuvavolera ni bwaha a likala ku intebe yobwami yomunene wange, mwami, inyima wowo.

²¹Ni ga ta veye ndiyo ga la duka, lwa munene wange mwami a gona halala na vaguga veve, mze nomwana wange Solomoni ku la validzwa ku va avahyoli.

²²Nonoho, lwa ya li mu livolerana nomwami, henza, Nathan muprofeti yingira.

²³Na va volera mwami, ni va vola, Henza, Nathan muprofeti. Naye lwa ya mala kuingira imbiri womwami, yenaminya mwene imbiri womwami na gwa mammama.

²⁴Na Nathan ya vola, Umunene wange, O mwami, ive wa vola, Adonija a lameha inyima wange, na a likala ku intebe yange yobwami?

²⁵Kigira lero u sulunguti, na wiiti tsing'ombe nevinolu na magondi vinyingi, na u langi avana vomwami vosi, na va nyampara velihe, na Abiatharu musalisi, na henza, va litsanga va nwedza nga imbiri wewe, ni va vola, Mwami Adonija a hindire.

²⁶Navutswa inze, yee inze mutumekiri wowo, na Zadoku musalisi, na Benaia mwana wa Jehoiada, nomutumekiri wowo Solomoni, si a ku langi mba.

²⁷Inkuva yiyi munene wange, umwami a gi koli, na si wa vuulira kwinye, ava tumekiri vovo, ni bwaha u likala ku intebe yobwami yomunene wange, umwami inyima wewe?

²⁸Hene yaho mwami Daudi ya tivula na a vola, Langa Bathsheba yadze ku inze. Naye yingira imbiri womwami, na a singira imbiri womwami.

²⁹Ma mwami yisuha, na a vola, Kuli Yahova a veye mwoyo, uyu wa honnya mwoyo gwange ku kivi kyosi,

³⁰ligali ga veye kuli nda kwisuhira ku Yahova, Nyasaye wa Israeli, ni mbola, Ligali Solomoni mwana wowo a lameha inyima wange, naye a likala ku intebe yange inyima wange; nda kola ndiyo lero.

³¹Hene yaho Bathsheba ya gwa hasi mammama, na a sigamira mwami, na a vola, Munene wange, mwami Daudi a ve mwoyo mihiga nemihiga.

³²Na mwami Daudi ya vola, Langa Zadoku musalisi, na Nathan muprofeti, na Benaia mwana wa Jehoiada, vadze ku inze. Navo vadza imbiri womwami.

³³Na mwami ya va volera, Mu vugule vatumekiri avo munene wenyu halala nemwinye, munyinnye Solomoni mwana wange ku inyumbu yange yene, na mu mu sulungutidze kuduka Gihon:

³⁴na Zadoku musalisi na Nathan muprofeti va mbake maguta a ve mwami ku Israeli; na mu kupe kisiliva, mu vole, Mwami Solomoni a ve mwoyo;

³⁵Hene yaho mu lanegira inyima wewe, naye a ladza kwikala ku intebe yange yobwami; kigira a la va mwami mbugono bwange; inze mu viki a ve munene ku Israeli noku Yuda.

³⁶Na Benaia mwana wa Jehoiada ya mu tivulira mwami, na a vola, Amini: Yahova, Nyasaye womu nene wange mwami, a vole ndiyo.

³⁷Kuli Yahova a veye halala nomu nene wange umwami, a veye ndiyo kandi halala na Solomoni, na a kole intebe yeye yobwami i ve inene kuvita intebe yobwami yomunene wange mwami Daudi.

³⁸Ma Zadoku musalisi, na Nathan muprofeti, na Benaia mwana wa Jehoiada, na Vakerethi na Vapelethi, va sulunguta, ni va nyinnya Solomoni ku inyumbu yomwami Daudi, ni va mu hila Gihon.

³⁹Na Zadoku musalisi ya vugula lwiga lwa maguta mu Lihema, na a vaka Solomoni maguta. Na va kupa kisiliva; navandu vosi va vola, Mwami Solo moni a ve mwoyo.

⁴⁰Na vandu vosi vanegira inyima wewe, na yavo vosi va kupa amalere, na va sangala nobusangali bunene, kuduka kivala kya sasuguka.

⁴¹Na Adonija navageni veve vosi va li halala naye va hulira lwa va mala kulia. Na lwa Joabu ya hulira mwoyo gwekisiliva ya vola, Kigira ki liyoga lyelidaia li humanga?

⁴²Lwa a veye mu livola, henza, Jonathan mwana wa Abiatharu musa lisi yadza: na Adonija ya mu volera, Hamba wingire; kigira u veye weligali, na u letanga makuva malahi.

⁴³Na Jonathan ya tivula na a volera Adonija, Ligali munene wetu mwami Daudi u viki Solomoni kuva mwami:

⁴⁴na mwami ya tuma halala naye Zadoku musalisi, na Nathan mupro feti, na Benaia mwana wa Jehoiada, na Vakerethi na Vapelethi; na va mu nyinnya ku inyumbu yomwami;

⁴⁵na Zadoku musalisi na Nathan muprofeti va vaki Solomoni maguta ha Gihon a ve mwami; na va twuli yo nobusangali ubunene, kuduka lidala lya langirira kandi. Yili ni liyoga lya mwa hulira.

⁴⁶Kandi Solomoni yikala ku intebe yobwami yomwami.

⁴⁷Na kandi avatumekiri vomwami vadza va duke kugasidza munene wetu mwami Daudi, ni va vola, Nyasaye wowo a kole lieta lya Solomoni li ve linene kuvita lieta lilyo, kandi a kole intebe yobwami yeye i ve inene kuvita yoyo: na mwami yinama ku kitali kikye.

⁴⁸Na mwami ya vola makuva yaga, Yahova a gasidzwe, Nyasaye wa Israeli, u haani mulala lero kwikala ku intebe yange yobwami, tsimoni tsyange tsi loli inkuva yiyi.

⁴⁹Navageni vosi va Adonija va tia, ni va singira, ni va tsia sa mulala ku inzira yeye.

⁵⁰Na Adonija ya tia kigira Solomoni; na ya singira, na a tsia, na a gumira tsinziga tsyobwali.

⁵¹Solomoni ya volerwa makuva yaga, Henza, Adonija u tiye mwami Solomoni, kigira henza, u gumiye tsinziga tsyobwaii, a vola, Mwami Solomoni a tange kunzisuhira lero a la vula kunziita nekivavi, inze mutumekiri wewe.

⁵²Na Solomoni ya vola, Na a va na a loleka kuva mundu mulahi, lisu lilye kali lilala li la vula kugwa hasi; navutswa ubudamano ni bu loleka muye, a la kudza.

⁵³Na Solomoni ya tuma, ni va mu sulungu tidza Adonija a twule ku bwali. Naye yadza na a sigamira mwami Solomoni; na Solomoni ya mu volera, U tsie ingo wowo.