Read lulogooli 1 Avami 12 Bible Online

1 Avami 12 - lulogooli bible

1 Avami 12

¹Na Rehoboam ya tsia Shekem: kigira Israeli vosi va li va mali kutsia ha Shekem kumuha ubwami.

²Na ga duka, lwa Jeroboam mwana wa Nebati ya hulira (kigira ya li na a kikiri Egepeti, ha yirukira kutwula imbiri womwami Solomoni, na Jero boam ya menya Egepeti,

³na va tuma avandu kumulanga), Jeroboam nelivugana lyosi lya Israeli vadza, na va volera Rehoboam, na va mu volera,

⁴Dada wowo ya lomba inira yetu indiduhu: kunangwa ka lunu ubutumwa ubuliduhu bwa dada wowo nenira yeye indinyu vya ya ku minira, u vi lombe vi ve vyangu, na ku la ku tumekira.

⁵Naye ya va volera, Mu tsie kuduka madiku gavaka, ma mwirane kandi ku inze. Navandu va tsia.

⁶Mwami Rehoboam ya volerana navakulundu veve, ava singira imbiri wa Solomoni dada wewe lwa ya li na a kikiri mwoyo, na a va volera, Mu mpeye makuva ki kutivulira avandu yava?

⁷Va mu volera, ni va vola, Nu u va nu u bugirira kuva mutumekiri wavandu yava lero, nokuvatumekira, nokuvativulira, nokuvavo lera makuva malahi, hene yaho va la va avatumekiri vovo madiku gosi.

⁸Navutswa ya leka makuva gavakulundu va mu ha, na a volerana navasoleli avelikula lilye, nokusingira imbiri wewe.

⁹Na a va volera, Mu mbeye likuva ki, ku duke kutivu lira avandu yava, ava volera inze, ni va vola, Inira ya dada wowo ya ku minira, u gyi lombe inyangu?

¹⁰Na vasoleli avelikula lilye va mu volera, ni va vola, U volere avandu yava inkuva yiyi, ava ku volera, ni va vola, Dada wowo ya kola inira yetu indiduhu, navutswa ive u ku lombere inyangu; u va volere ndi, Kidete kyange kya nyasi ki la va kinene kuvita kikenge kya dada wange.

¹¹Na kalunu kuli dada wange ya mu dwika inira indiduhu, inze nda meda inira yenyu: dada wange ya mu kuya nolukova, navutswa inze nda mu kuya netsing'e.

¹²Ma Jeroboam navandu vosi va duka ku Rehoboam lidiku li kola gavaka, kuli mwami ya laga na a gavaka, kuli mwami ya laga, na a vola, Hambi ku inze kandi ku lidiku li kola gavaka.

¹³Mwami ya tivu lira avandu nobululu, na ya leka makuva gavasakulu va mu ha,

¹⁴na ya va volera makuva gava soleli na a vola, Dada wange ya kola inira yenyu indiduhu, navutswa inze nda meda inira yenyu: dada wange ya mu kuya nolukova, navutswa inze nda mu kuya netsing'e.

¹⁵Ma mwami ya vula kuvahulira; kigira lya li likuva lya Yahova ya leta, a duke kusingeridza likuva lilye, lya Y ahova ya volera Jeroboam mwana wa Nebati nomunwa gwa Ahija Mushilon.

¹⁶Na lwa Israeli vosi va lola mwami u vuli kuvahulira avandu va tivulira mwami, ni va voia, Ku veye nekidieli ki mu Daudi? Kandi si ku veye nemiyandu mu mwana wa Jesse: Israeli, mu tsie mmahema genyu, kalunu u henze inyumba yoyo ive mwene Daudi. Ma Israeli va tsia mmahema gavo.

¹⁷Navutswa avana va Israeli va menya mu madala ga Yuda, Rehoboam yameha kuvo.

¹⁸Hene yaho Rehoboam ya tuma Adoram, wa li igulu ku busutu; na Israeli vosi va mu lasa magina, na a kudza. Nomwami Rehoboam ya kola bwangu a duke kunina ligari lilye, a duke kwirukira mu Yerusalemi.

¹⁹Ma Israeli vebaala ku inyumba ya Daudi kuduka lero.

²⁰Na ga duka, lwa Israeli vosi va hulira Jeroboam wirani, va tuma vandu kumulanga yadze ku livugana, na va mu kola mwami ku Israeli vosi: na si ha veye nomundu wa londa inyumba ya Daudi, ni i ta li ihiri ya Yuda yeng'ine.

²¹Rehoboam lwa ya mala kuduka Yerusalemi ya vungidza inyumba yosi ya Yuda, na ihiri ya Benjamini, avasatsa ava tovolwa tsielfu mia na makumi gatano na gavaka, va li avelihe, kulwana nenyumba ya Israeli, nokuleta ubwami bu ve bwa Rehoboam mwana wa Solomoni.

²²Navutswa makuva ga Nyasaye ga duka ku Shemaia mundu wa Nyasaye, kuvola,

²³Volera Rehoboam mwana wa Solomoni, mwami wa Yuda, nenyumba yosi ya Yuda na Benja mini, noku vandu vosi, nu u vola,

²⁴Yahova a vola, Mwinye si mu lanegira, kandi si mu la lwana navamwavo venyu avana va Israeli: mwirane sa mulala ku inyumba yeye; kigira inkuva yiyi ni inze wa gyi kola. Ma va hulira likuva lya Yahova, ni virana, ni va tsia, kuli likuva lya Yahova.

²⁵Hene yaho Jeroboam yombaka Shekem mu kivala kyevigulu kya Efiraim, na a menya yo; na ya twula ha zana, na yombaka Penueli.

²⁶Na Jeroboam ya vola mmwoyo gwigwe, Kalunu ubwami bu lirana ku inyumba ya Daudi:

²⁷avandu yavo ni va va ni vanegira kuhaana vihaanwa mu inyumba ya Yahova ha Yerusa lemi, hene yaho mwoyo gwavandu gu lirana ku munene wavo, livola li veye, ku Rehoboam mwami wa Yuda: ma va la nziita, nokwirana ku Rehoboam mwami wa Yuda.

²⁸Kunangwa Jeroboam ya kola makuva, na a lomba vimoli viviri vyethahabu; na a va volera, Nobudinyu ku mwinye kutsia Yerusalemi: henzi avanyasaye vovo, O Israeli, va ku leta kwanegira kutwula mu kivala kya Egepeti.

²⁹Na ya singeridza kilala ha Betheli, nekindi ya ki singeridza mu Dan.

³⁰Nenkuva yiyi ya duka kuva ubwoni; kigira avandu va tsia kusi gama imbiri wekilala, kali kuduka Dan.

³¹Naye ya lomba tsinyu mba ha diguluku, na ya lomba avasa lisi ku avandu vosi, ava ta li ku avana va Levi.

³²Jeroboam ya vika lilia ku mweli gwegyitano na gyivaka, lidiku lyelikumi na gatano lyomweli, kuli lilia li veye mu Yuda, na yanegira kutsia ku bwali; ni ndiyo ya kola ha Betheli, na ya haana vihaanwa ku vimoli vya ya lomba: na ya vika ha Betheli avasalisi va hadiguluku ha ya lomba.,

³³Na yanegira kutsia ku bwali bwa ya lomba ha Betheli ku lidiku lyelikumi na gatano lyomweli gwegyitano na gyivaka, mweli gwa ya tovola mu mwoyo gwigwe: na ya singeridzira avana va Israeli lilia, nokwanegira ku bwali, kuvuyidza kimuli.