Read lulogooli 1 Avami 18 Bible Online

1 Avami 18 - lulogooli bible

1 Avami 18

¹Inyima wa madiku manyingi, likuva lya Yahova lya duka ku Elija ku muhiga gwegyivaka, ni li vola, Tsia, welolekidze ku Ahabu; na nda kupidza imbula ku kivala.

²Ma Elija ya tsia kwelolekidza ku Ahabu. Na itodzo yeyo ya li inene ligali mu Samaria.

³Ahabu ya langa Obadia, wa li umusingiriri wenyumba yeye. (Obadia ya tia Yahova ligali:

⁴kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)

⁵Ahabu ya volera Obadia, U gende mu kivala, u duke ha migera gyamadzi gyosi, nevisenukiru vyosi: namusya ku la nyola ubunyasi kuhonnyira tsiparasi netsinyumbu, ku vule kudaka imi tugu gyosi.

⁶Ma va gavula kivala hagati havo va duke kugenda mkivala kyosi: Ahabu ya tsia yeng'ine ku inzira indala, na Obadia ya tsia yeng'ine ku inzira yindi.

⁷Na lwa Obadia ya li ku inzira, henza, Elija ya mu nyola: naye ya mmanya, na a gwa mammama, na a vola, Ni ive, munene wange, Elija?

⁸Naye ya tivula, Ninze: tsia u volere munene wowo, Henza Elija a veye hano.

⁹Nayeyavola, Nkoli ubwoni ki, bwa wenya kuvika mutumekiri wowo mmukono gwa Ahabu, ku nziita?

¹⁰Kuli Yahova Nyasaye wowo a veye mwoyo, si ha veye nehiri kinga ubwami, ho munene wange a vula kutuma avandu kwenya ive: navo lwa va vola, Si a veye hano mba, naye yisuhidza bwami yibu nehiri yiyi, si va ku nyola mba.

¹¹Na kalunu ive u volanga, Tsia, u volere munene wowo, Henza, Elija a Deye hano.

¹²Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

¹³Munene wange si wa volerwa ga nda kola lwa Jezebeli yiita vaprofeti va Yahova, kuli nda visa mia avalala ku vaprofeti va Yahova makumi gatano, gatano mu tsimbangaywa, nokuvaha vyokulia nokuvaha amadzi?

¹⁴Na kalunu u volanga Tsia u volere munene wowo, Henza Elija a veye hano; a la nziita.

¹⁵Na Elija ya mu volera, Kuli Yahova wa mahe a veye mwovo, wa nsingiye imbiri uewe, ligali ndelolekidza inze mwene ku muami lero.

¹⁶Ma Obadia ya tsia kuvugana na Ahabu, na ya mu volera; na Ahabu ya tsia kulolana na Elija.

¹⁷Na ga duka, lwa Ahabu ya lola Elija, Aha bu ya vola, Nive, ive u dambidzanga Israeli?

¹⁸Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

¹⁹Kunangwa kalunu tsia, u mbungidzire Israeli vosi mu kigulu kya Karimeli, na vaprofeti va Baal avandu tsimia tsine na makumi gatano, na vaprofeti vomunyasaye wekikali avandu tsimia tsine, ava lagiranga ku imeza ya Jezebeli.

²⁰Ma Ahabu ya tuma vatumwa ku avana va Israeli vosi, na a va vungidza, na ya vungidza vaprofeti halala mu kigulu kya Karimeli.

²¹Na Elija yisunda ku avandu yavo vosi, na a va volera, Mu la genda kuli avalema mu tsiganagani tsiviri kuduka inyinga ki? Yahova na a va na a veye Nyasaye mu mu londe navutswa na a va na a veye Baal mu londe uyu. Navandu yavo si va mu tivulira kindu kali kilala mba.

²²Hene yaho Elija ya volera avandu yavo, Inze hano, Inze mbeye tsveng'i ne muprofeti wa Yahova; navutswa Baal a veye navaprofeti veve avandu tsimia tsine na makumi gatano.

²³Kunangwa va ku he tsigiriki tsi viri; navo va tovole igiriki indala i ve yavo, nokugidonnya vidonye, noku givika ku tsinku, na va vule kuvika muliru isi watsyo; na inze nda lomba igiriki yindi, nokugivika ku tsinku, na nda vula kuvika muliru isi watsyo.

²⁴Na mwinye mwanire lieta lya nyasaye wenyu, na inze ndanira lieta lya Yahova: na Nyasaye uyu u leta litivula lyomuliru, a ve Nyasaye. Avandu yavo vosi va tivula ni va vola, Ga veye amakuva malahi.

²⁵Na Elija ya volera avaprofeti va Baal, Mu tovole igiriki indala i ve yenyu, mu tange kugilomba; kigira mu veye avanyingi; na mwanire lieta lyomunyasaye wenyu, navutswa mu ta vika muliru isi wayo mba.

²⁶Na va vugula igiriki ya va hebwa, ni va gi lomba, ni vanira lieta lya Baal kutwula mugamba kuduka mbasu hagati, ni va vola, O Baal, u ku hulire. Navutswa si ha li nomwoyo, kinga wa tivula. Navo va tumatuma yiyi neyiyi ku bwali bwa lombwa.

²⁷Na ga duka inyinga ya mbasu hagati Elija ya va kolera kihenyehenye, na a vola, Mu hanzuke ligali; kigira a veye nyasaye: wevolerananga, kinga a himanga, kinga a veye mu lugendo, kinga mbula a gonanga ga mu dukira a vukidzwe.

²⁸Navo va hanzuka ligali, ni vekalaga nemibano netsinge mbe kuli miima gyavo, kuduka va tadza masahi ligali.

²⁹Ni ndiyo ga li inyinga yombasu hagati ya vita, va lolekidza buprofeti bwavo kuduka inyinga yokuhaana kisuuviriru kyamgolova; navutswa si ha li nomwoyo, kinga wa tivula, kinga wa henza.

³⁰Na Elija ya volera avandu yavo vosi, Mwisunde ku inze; navandu vosi vesunda kuye. Naye ya lomba ubwali bwa Yahova bwa li ni bwa tsomwa hasi.

³¹Elija ya vugula amagina likumi na gaviri kuli livali dzwa lyetsihiri tsyavana va Yakobo, welikuva lya Yahova lya duka kuye, nokumuvolera, Lieta lilyo li la va Israeli.

³²Naye yombaka ubwali namagina yago ku lieta lya Yahova; naye ya yava mugerera gwamadzi kukumbiridza ubwali tsimbega tsyosi, ubunene bwagwo bwa duka kuli vihinda viviri vyobuswage.

³³Na ya lohidza tsinku, nokudonnya igiriki vidonye, nokugivika ku tsinku. Na ya vola, Mwizulidze amadzi mu tsisika tsine, mu ga tsuke ku kihaanwa kyokusambwa, noku tsinku.

³⁴Na ye ya vola, Mu kole hali kaviri; va kola hali kaviri. Kandi ya vola, Mu kole hali kavaka; va kola hali kavaka.

³⁵Namadzi ga genda ku nyasi kwobwali; naye yidzulitsa amadzi kandi mu mugerera.

³⁶Na ga duka inyinga yokuhaana kihaanwa kya mgolova, muprofeti Elija yisunda himbi, na a vola, O Yahova, Nyasaye wa Abrahamu, na Isaka, na Israeli, ga manyekane lero ive u veye Nyasaye mu Israeli, na inze mbeye mutu mekiri wowo, na nkoli vindu yivi vyosi nelikuva lilyo.

³⁷U mbulire, O Yahova, u mbulire, avandu yava va duke kumanya ive, Yahova, u veye Nyasaye, na wirannyi myoyo gyavo kandi.

³⁸Hene yaho muliru gwa Yahova gwika, nokusamba ki haanwa kyokusambwa, netsinku, namagina, nolugukyi, nagwo gwa komba amadzi ga li mu mugerera.

³⁹Na vandu yavo vosi lwa va lola yago, va gwa mammama: ni va vola, Yahova a veye Nyasaye; Yahova a veye Nyasaye.

⁴⁰Elija ya va volera, Mu gumire avaprofeti va Baal; mu ta leka a hone kali mulala mba. Navo va va gumira, na Elija ya va sulungutidza kuduka ku mugera gwa Kishon, na a viitira yo.

⁴¹Na Elija ya volera Ahabu, Yanegira, u lie na u nwe; kigira ha veye nomwoyo gwembula inene.

⁴²Ma Ahabu yanegira a duke kulia nokunwa. Na Elija kandi yanegira kuduka hasonga ya Karimeli; naye ya gwa hasi, na a vika mumoni mwimwe hagati ha amalu gege.

⁴³Naye ya volera mutumekiri wewe, Yanegira kalunu, u henze ku luvega lwenyanza. Naye yanegira, na a henza, na a vola, Si ndola kindu mba. Na ya mu volera, Tsia kandi, hali gatano na kaviri.

⁴⁴Na ga duka inyinga zana ya gatano na kaviri, ya vola, Henza, akalesi ka senukanga kutwula mu inyanza, ka veye kakekeke kuli kigalo kyomundu. Na ya mu volera, Yanegira, u volere Ahabu, Lomba ligari lilyo, u sulungute, imbula i vule kukwigalira.

⁴⁵Na ga duka inyinga inkekeke, ligulu lya gwa limwamu kigira amalesi nembudza, imbula ya kupa inene muno ligali. Na Ahabu ya nina ligali, na ya tsia Jezireeli:

⁴⁶mukono gwa Yahova gwa li ku Elija; naye yeboha kikenge, ni yekolerera imbiri wa Ahabu kwingira mu Jezireeli.