Read lulogooli 1 Avami 2 Bible Online

1 Avami 2 - lulogooli bible

1 Avami 2

¹Kunangwa madiku gelikudza lya Daudi gisunda himbi; na yeganehidza Solomoni mwana wewe, na a vola,

²Inze ntsitsanga ku inzira yavomulirova vosi: kigira yaga ive u ve wetsingulu, welolekidze mwene kuva mundu musatsa;

³u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

⁴Yahova a duke kudinyeridza likuva lilye lya ya vola ku liva lyange, na a vola, Avana vovo ni va linda inzira vavo, kugenda imbiri wange mu geligali nomwoyo gwavo gwosi na roho gwavo gwosi, si u la geherwa mba (ya vola) umundu kwikala ku intebe yobwami ya Israeli.

⁵Kandi u manya ga Joabu mwana wa Zeruia ya nkolera, kuli ga ya kolera vanyampara vaviri va vamahe ga Israeli, Abineri mwana wa Neri, na Amasa mwana wa Jetheri, ya viita, na ya tahidza masahi gobu lwani inyinga yemirembe, na ya vika masahi gobulwani ku musipi gwigwe gu veye mu kikenge kikye, na mu vilato vivye vi veye ku virenge vivye.

⁶Kunangwa u kole kuli ubugeeri bubwo, u ta leka mutwe gwigwe gwetsimbudze gwike mu kilindwa nemirembe.

⁷Navutswa u vere avana va Barizilai Mugileadi tsimbabasi, va ve ku yavo ava litsanga ku imeza yoyo; kigira ni ndiyo vadza ku inze lwa ndiruka Abisalom amwavo wowo.

⁸Kandi henza, Shimei mwana wa Gera Mubenjamini, wa Bahurim, a veye halala nive, niye uyu wa suha inze nemisu midamano ku lidiku lya nda tsia Mahanaim; navutswa ya sulu nguta ku nzaganira ha Yordani, na nda mwisuhira ku Yahova, ni mbola, Si nda kwiita nekivavi mba.

⁹Ku nangwa kalunu u ta mbalidza kuvula kuva nelihyolo, kigira ive u veye wobugeeri; na u la manya ni kindu ki ki kudukiranga kumukolera, na u likidza mutwe gwigwe guetsimbudze mu kilindwa halala namasahi.

¹⁰Ma Daudi ya gona halala navaguga veve na ya tebwa mu lidala lya Daudi.

¹¹Na madiku ga Daudi yameha ku Israeli ga li mihiga makumi gane: mihiga gyitano na gyiviri yameha ha Hebironi, nemihiga makumi gavaka na gyivaka yameha mu Yerusalemi.

¹²Na Solomoni yikala ku intebe yobwami ya Daudi dada wewe; na ubwami bwibwe bwa dinyeridzwa ligali.

¹³Inyinga yeyo Adonija mwana wa Hagithu, ya tsia ku Bathsheba mama wa Solomoni. Na ya mu teva, Udza nemirembe? Naye ya tivula Nemirembe.

¹⁴Na Adonija ya vola Mbeye nelikuva kukuvolera. Naye a vola, Vola.

¹⁵Na ya vola, Ive u manya ubwami bwa li bwange, na Israeli vosi va yekidza ku inze tsimoni tsyavo, nduke kwameha: navutswa ubwami bu girunkanyeywi, bu gwiye bwa amwavo wange, kigira bwa li bwibwe ku lilaga lya Yahova.

¹⁶Kunangwa kahmu nyenyanga ku ive kindu kilala; u ta nyambakanira mba. Naye ya mu volera, Vola.

¹⁷Naye ya vola, Nku goomya, mwadza, u volere Solomoni mwami (kigira si a la kwambakana mba), a mbe Abishagi Mushunam a ve mukali wange.

¹⁸Na Bathsheba ya mu volera, Bulahi; nda volera mwami ku ive.

¹⁹Ma Bathsheba ya tsia ku mwami Solomoni, kumuvolera aga Adonija. Na mwami ya singira kumwaganira, naye ya mwinamira, na yikala ku intebe yeye yobwami, na ya haana munwa, intebe yobwami i vikerwe mama womwami, na yikala ku luvega lyomukono gwigwe mu lungi.

²⁰Ma ya vola, Nyenya ku ive likuva likekeke; u ta ngaya mba. Na mwami ya mu volera, Teva ga wenyanga, mama wange; kigira inze si nku gaya mba.

²¹Naye ya vola, Adonija amwavo wowo a hebwe Abishagi Mushunam a ve mukali wewe.

²²Mwami Solomoni ya ti vula na a volera marna wewe, Kigira ki ive wenyeranga Adonija, Abishagi Mushunam? U ka mwenyere ubwami kandi; kigira a veye amwavo wange munene yee, mwenyere na Abiatharu musalisi na Joabu mwana wa Zeruia.

²³Ma mwami Solomoni yesuha ku Yahova, na a vola, Nyasaye a nkolere ndiyo, nokumeda kandi, Adonija na a va na a vula kuvola yaga ku livamwoyo lilye.

²⁴Kunangwa ka lunu kuli Yahova a veye mwoyo, wa singeridza inze, nokumbika ku intebe ya Daudi dada wange, naye niye wa nombera inyumba, kuli ya suuviridza, ligali Adonija a liitwa lero.

²⁵Ma mwami Solomoni ya tuma Benaia mana wa Jehoiada; naye yaumtwu lira na a kudza.

²⁶Namwami ya volera Abiatharu musalisi, Tsia Anothothu, mu mulimi gugwo, kigira u dukani nelikudza; navutswa inyinga yiyi si nda kwiita mba, kigira wa ginga lisanduku lyomwami Nyasaye imbiri wa dada wange Daudi, kandi kigira ku yaga gosi aga dada wange ya dambidzirwa, ive kandi wa dambidzirwa mu

²⁷Ma Solomoni ya twulidza Abia tharu a vule kuva musalisi imbiri wa Yahova a duke kudukidza likuva lya Yahova ya vola ku inyumba ya Eli ha Shiio.

²⁸Makuva ga duka ku Joabu; kigira Joabu ya girunkana kulonda Adonija, navutswa si ya girunkana kulonda Abisalom mba. Na Joabu yirukira mu Lihema lya Yahova, na a gumira tsinziga tsyobwali.

²⁹Nomwami Solomoni ya volerwa, Joabu wirukiye mu Lihema lya Yahova, henza, a veye himbi nobwali. Hene yaho Solomoni ya tuma Benaia mwana wa Jehoiada, na a mu volera, Tsia u mu gwire.

³⁰Na Benaia ya duka ku Lihema lya Yahova, na ya volera Joabu, Umwami a ku volera Hamba kyova. Naye ya tivula Auwa; navutswa nda kudzera hano. Benaia ya hila makuva ku mwami kandi, na a vola, Ni ndi Joabu ya vola, kandi ni ndiyo ya ntlvulira.

³¹Mwami ya mu volera, Kola kuli a voye, u mu gwire, kandi u mu te; u duke kutwulidza ku inze noku inyumba ya dada wange, amasahi ga Joabu ya tahidza bugira kivune.

³²Na Yahova a lirannya masahi gege ku mutwe gwigwe, kigira ya gwa ku avandu vaviri avobulungi navalahi kuvita mwene, nokuviita nekivavi, na dada wange Daudi si ya manya mba, navo va li, Abineri mwana wa Neri, munyampara welihe lya Israeli, na Amasa mwana wa Jetheri, munya mpara welihe lya Yuda.

³³Na ndiyo amasahi gavo ga lirana ku Joabu, ku mutwe gwigwe noku mutwe Rwevisukululwi vivye mihiga nemihiga: navutswa ku Daudi nevisukululwi vivye, nenyumba yeye, noku intebe yobwami bwibwe, gyi la va mirembe mihiga nemihiga kutwula ku Yahova.

³⁴Ma Benaia mwana wa Jehoiada yanegira, na a mu gwira, na a mwiita; na ya tebwa mu inyumba yeye mwene migendanyama.

³⁵No mwami ya vika Benaia mwana wa Jehoiada mbugono bwa Joabu igulu ku lihe, na Zadoku musalisi mwami ya mbika mbugono bwa Abiatharu.

³⁶Na mwami ya langa Shimei, na va mu volera, Wombake inyumba yoyo mu Yerusalemi, nu u menye yo, u vule kutwula kutsia ahandi.

³⁷Kigira ku lidiku lya u twula, nokwambuka mugera gwa Kidiron, u manye ligali u la kudza: namasahi gogo ga la va ku mutwe gugwo.

³⁸Na Shimei ya tivulira mwami, Nobulahi ga u voye: kuli munene wange mwami ya vola, ni ndiyo mutumekiri wowo a la kola. Na Shimei ya menya mu Yerusalemi madiku manyingi.

³⁹Na ga duka inyima wemihiga gyivaka, avatumekiri vaviri va Shimei va mwiruka ni va tsia ku Akishi, mwana wa Maaka, mwami wa Gathu. Na va volera Shimei, ni va vola, Henza avatumekiri vovo va veye mu lidala iya Gathu.

⁴⁰Na Shimei ya singira, ni yaala ku isukiri vyokwikala ku, na a tsia Gathu ha Akishi kwenya vatumekiri veve; Shimei ya tsia na a leta avatumekiri veve kutwula lidala lya Gathu.

⁴¹Na Solomoni ya volerwa, Shimei ya twula Yerusalemi kutsia Gathu, na wirani kandi.

⁴²Mwami ya langa Shimei, na a mu volera, Si nda kwisuhidza ku Yahova, nokukugaya, ni mbola, U manye ligali, ku lidiku lya u twula, kutsia ahandi, ligali u la kudza? Na ive wa tivula, Likuva yili lya mbuliranga nelilahi.

⁴³Kigira ki wa vula kugu mira lyesuha lya Yahova, nelilaga lya nda ku laga?

⁴⁴Kandi mwami ya meda kuvolera Shimei, na a vola, Widzulitsa ubudamano bwosi bwo mwoyo gugwo gu manya, bwa wa kolera dada wange Daudi: kigira yaga Yahova a lirannya ubudamano bubwo ku mutwe gugwo mwene.

⁴⁵Navutswa mwami Solomoni a la gasidzwa, nentebe yobwami ya Daudi i la dinyeridzwa imbiri wa Yahova mihiga nemihiga.

⁴⁶Ma mwami ya laga Benaia mwana wa Jehoiada; naye ya twula, na a gwira Shimei, naye ya kudza. Nobwami bwa dinyeridzwa mmukono gwa Solomoni.